[是咁的] 丫屌,我細個響朵條村搬鬼咗

見到何國榮死咗, 先醒起我係hkscc嗰陣時被迫參加青馬大橋開幕百萬行負責維持治安.

全部人先係起點幫手, 到所有參加者出發之後要極速狂奔去終點standby, 有個阿sir本身做差佬, 嗰日佢都有去當值, 見我哋揸流灘仲揸住架警車後面追鳩我哋, 有個跑得慢真係畀架車撞中個屎忽爭啲仆街卷落車底個阿sir先收手.

跑到就嚟死嗰陣撞到何國榮, 吹咗兩句水佢又發神經陪我哋一齊跑, 最後成班戇鳩鳩跑完咗青馬, 差啲命都冇

唉

琴晚發夢無啦啦見到Z仲同佢吹咗陣水, 頭先返工手多上網search下竟然搵到佢, 撞鬼

依加仲有冇同Z聯絡?

今年淨係講過新年快樂咋, 冇乜特別聯絡過

琴晚發夢吹水都吹咗幾耐, 件事幾好笑

我諗佢知都冇乜嘢嘅, 反正我成日喺佢面前提起

只不過係而家突然覺得有啲傷感咁啫

認真撞鬼

洗碗嗰陣強哋開啲嘢睇下, 結果開嗰個咩住加男人講多倫多步兵團, 影影下見到Z同J舊時住嗰棟apartment

暫時錄得四分一, post住今朝同Agoda激情對話嘅內容頂住先....

早晨, 我係agoda 負責管理你哋間酒店嘅manager.

早.

你哋以後有咩問題都可以直接聯絡我.

好.

咁你哋最近有冇遇到咩問題？

有.

請問係關於乜嘢嘅呢？

咪agoda唔準時畀錢囉.

吓？？er.....可唔可以講詳細啲？

咪agoda成日唔準時畀錢囉.

um..... 可唔可以再講得詳細啲？

咪agoda錢就收足個客, 但唔準時畀錢我哋囉.

umm..... 呢個係全球性嘅問題,唔係淨係你哋一間酒店嘅問題.

咁即係點呀？

即係話呢個係全球性嘅問題唔係淨係你哋一間酒店嘅問題.

咁就可以唔畀錢呀？

當然唔係啦, 但我嘅意思係關於我哋成日唔準時畀錢酒店係一個全球性嘅問題, 唔係淨係你哋一間酒店嘅問題.

咁你哋有冇解決方法？

暫時呢一刻都係冇, 因為呢個係全球性嘅問題, 唔係淨係你哋一間酒店嘅問題.

er......

請問仲有冇其他問題？

吓？你當答咗我㗎啦？

係呀, 因為呢個係全球性嘅問題唔係淨係..

哦得得得得得...明白.

請問仲有冇其他問題？

有呀.

請問係咩問題？

我想知點解你哋成日亂咁改我哋嗰價？

吓？可唔可以講得清楚少少？

即係你哋成日賣得平過曬其他所有平台,甚至平過直接同我哋酒店book房.

um... 可唔可以再講得清楚少少？

即係我哋做緊130、全世界都係做緊130, 點解你可以做100？係打錯字定乜嘢？

哦~呢個係agoda全球性嘅優惠推廣, 唔係淨係你哋一間酒店嘅優惠推廣.

吓！？你又嚟全球性！？

係呀, 我哋平台願意減少收commission, 將價錢降低, 只係為咗推廣我哋合作夥伴嘅酒店.

但你而家已經唔係搞手求打個和, 仍唔係賺夠喇畀其他人賺, 你哋直頭蝕錢賣房喎？

吓！？？？

你唔係唔知呀話？

er...... 呢個係agoda全球性嘅優惠推廣, 唔係淨係你哋一間酒店嘅優惠推廣..

即係你哋全球性有計劃咁咁蝕錢賣房？

er....... 請問你仲有冇下一條問題？

吓！？你又當答咗我啦？？

請問你仲有冇下一條問題？

er... 冇..


未完待續..

如果你冇問題嘅話, 咁我會有啲問題需要問你.

哦.

請問我見到你哋酒店一月份有75個Agoda booking, 但二月份只係得五個想問下你有乜嘢解釋

吓！？可唔可以問清楚少少？

想問點解你哋酒店一月份會有75個agoda booking但二月份只係得5個咁少？

er......

你哋酒店係咪做緊啲乜嘢優惠而我哋唔知道？

er.. 冇呀...

咁點解一月份會有75個, 而2月份只得5個咁少？

er.... 可能因為一月份已經過咗有31日, 而月2月份暫時只係過咗7日？..

....

.......

可唔可以解釋清楚？

吓！？咪答咗你囉....一月份完咗啦, 2月剛剛先開始...

um..ok, 咁我想問你下一個問題.

哦.

請問我見到你一月份嘅agoda booking係全年入面最高峰, 想請問有冇啲咩特別原因？

吓？唔好意思你可唔可以問清楚少少條問題？

我見到你一月份嘅agoda booking係全年入面最高峰, 想請問有冇啲咩特別原因？你哋係咪做緊啲咩promotein我哋唔知？

er... 想問下你全年係指邊一年？

2024年.

oh...

請問你有冇知唔知係咩原因, 令到你一月份嘅agoda booking係全年入面最高峰？

er.... 可能...

可能係咩呢請問？

可能....因為2024年暫時只係過咗一個月？

er.....

......

咁我暫時冇其他問題需要問你, 但我會經常成打電話返嚟想問下你嘅酒店嘅情況.

er.... 哦..

多謝合作.

唔...使客氣...

完.

官腔得黎, 條友又on9到爆...佢應該都係打下去啲酒店交下差, 鳩問下...?

可能冇諗過我真係會問佢嘢啩？

離題問一下
除左去官網book
用咩網上嘅travel agency book 酒店會好啲

Ching成日都遇埋啲奇人奇事

三大, Agoda Expedia booking.com, 邊間平去邊間, 不過安全起見都係book完打個電話去問一問酒店穩陣啲.

不過呢排發現都多咗幾多詐騙, 好多旅遊網站（ ex:TripAdvisor）顯示個價錢其實係其他國家嘅匯率, 直到你畀人扣咗數先知中招

還好？起碼agoda呢單嘢唔係我衰八卦引起

話時話, 睇返而家吹到美斯支持年青人所以閪鳩政府單嘢, 令我諗返起當年所謂嘅mirror（或各式藝人）賺紅、藍養黃, 有種點解香港人過得咁折墮嘅感覺, 明明對家陰鳩你但因為你鍾意嗰位球星或者明星所以就自我催眠感覺良好..

晏少少一定出到, 頭先錄到大半嗰陣收到酒店水費單, 發現水錶個數畀上次又多咗三倍, 嚇到我同老細四圍搵邊度漏水.

其實上次張單已經超過咗一倍, 但係我哋調查後發現可能原因係某啲廁所水箱壞咗, 會不斷細水長流唔識停, 已經即刻整返諗住今次張單應該冇咁金, 點知仲多過上次三倍

而家望住water meter個low flow indicator fing到high個拍咗嘢咁, 計返條數一個鐘漏1000L...

頭先行上嚟嗰陣成班人撚住兩隻狗休休閒閒吹住水上山, 用咗差唔多成廿分鐘, 行而家畀兩隻閪狗拖返落山, 感覺好似幾分鐘唔使已經齊齊跑到差唔多見返祖屋個樓梯位.

可能已經再聽唔到任何狗吠聲, 所以大家都開始減慢速度, 由一開始狗衝變成急步行, 最後慢慢停低落嚟.

當行去返去樓梯位嗰陣時, 娃娃只係挨住樓梯嗰埲矮牆拎咗包卡碧出嚟點著咗支煙、軍佬將之軍用電筒扣返喺褲頭之後同袋癬直接坐在地喘氣、癬妹就踎咗喺佢哋隔離、熱兩隻戇狗就好似冇事發生過一樣繼續戇鳩鳩, 我見其他人都無急住返入屋, 就行咗過去娃娃隔離, 學佢一樣挨嗌住埲矮牆點著咗支純萬.

軍佬可能身型最龐大嘅關係, 所以成班人入面喘氣傳得最辛苦嗰個就係佢, 明明我點煙之前仲見到佢坐喺度, 而家已經成個瞓咗喺地下就嚟死咁樣, 不過當見到我哋煙嗰陣都神一手出嚟向我r煙.

我見軍佬個樣面都青埋就嚟死咁, 當然諗都唔諗就將包煙掉畀佢, 諗住為民除害送佢一程, 而袋癬亦都襯機老笠咗我一支煙.

當我哋四個人一路好安靜咁食緊煙嗰陣, 撚緊狗嘅癬妹突然：登登登登登得得得~~~

聽見咁熟悉嘅音樂, 我即刻咳咗出嚟, 當然軍佬同袋癬都同我差唔多反應, 淨係娃娃不明所以咁望住我哋.

咳咗陣之後, 我先話：頭先...

軍佬：你哋..都見到呀可？

袋癬：見到呀, 條友鳩嚟㗎喎...

軍佬：唔係呀, 我覺得好撚有style喎！

我：你哋邊撚個袋住粒召喚珠唔出聲？

軍佬：屌..唔通我一直袋住兩粒又同你講咩？

我：屌, 召喚精蟲嗰兩粒呀嘛...

軍佬突然好淫賤咁望住我講：咪係囉..人哋就千本針, 我就千億精, 要唔要試下？

娃娃雖然唔知我哋講緊乜, 但見到癬妹個樣又開始閪起上嚟而軍佬個樣又衰到爆, 就一連幾野踢落去軍佬個屁股：屌, 召喚珠丫啦、千億精ㄚ啦...

軍佬一路打側身碌走一路鳩叫：粒珠爆啦！！

袋癬：丫屌, 嘩, 踢兩腳就爆咁過癮？

我：乜原來你條友M到咁㗎！？等我又踢下先..
講完我都忍唔住行過去踢佢兩腳, 搞到軍路即刻爬起身走撚咗去, 而兩隻閪狗見到有野追又即刻追埋一份, 結果三個人兩隻狗擾擾攘攘一路向住落山個方向跑去, 留返袋癬陪住塊面已經閪到爆炸嘅癬妹.

話就話追咗大約五、六分鐘, 但其實我只係好hea咁慢慢行, 反而一直追到軍佬末路狂奔咁嘅其實係嗰兩隻閪狗同因為要拉住兩條狗繩而被迫一齊跑嘅娃娃.

當我見到一直畀人追到上氣唔接下氣嘅軍佬跑跑下突然keep住望住一個方向, 然後仲開始慢慢停低落嚟嗰陣, 我就覺得有啲奇怪, 擔心可能有其他村民見到咁嘈出嚟屌人, 正想嗌停娃娃但可適已經嚟唔切, 軍佬已經勁大聲鳩叫咗出嚟, 然後兩隻閪狗即刻圍住佢氹氹轉.

因為娃娃見到軍佬一慢落嚟諗都唔諗就直接大腳踢落佢屎忽到, 喺中到認一認嘅情況下軍佬痛到跪低揞住個屎忽勁大聲爆粗：屌你咩娃娃姐！明明屎忽兩邊都係肉, 你係要踢正中間隻眼！

行得喺最後面嘅我好清楚咁睇曬成個過程, 下意識都夾一夾個屎忽...

娃娃雖然有啲喘氣, 但仍然keep到佢懶洋洋嘅語調：唔知喎..可能你隻眼特別有吸引力啩？

軍佬一路摸住自己個屎忽一路講：黑洞咩你估！？

娃娃：咁我又唔知你平時吸開啲咩入去呀...

軍佬可能痛到一時間唔知諗到啲咩駁嘴, 唯有好唔忿氣咁啤住娃娃, 我見到咁就拿拿聲遞支煙俾軍佬諗住息事寧人, 娃娃見到亦都支煙出嚟擔住, 我當然醒水幫娃娃點著埋先畀個火機軍佬.

當三人二狗企定定回咗下氣之後,我就諗起頭先軍佬奇怪嘅舉動, 所以問佢：喂仆街, 頭先你見到啲咩呀？

軍佬：你盲㗎！？我咪見到你條女踢柒我囉！唔好同我講你睇唔到呀！！

我：err.....

娃娃：踢上癮？補多腳使唔使？

軍佬：唔使客氣啦, 你留返啲腳力un你條仔好...呀屌！？..

我望住因為死淨把口而又被娃娃踢多一腳、痛到單腳跳緊嘅軍佬, 開始懷疑呢條友可能真係有啲潛藏嘅被虐狂DNA..

我等軍佬又畀人踢多兩腳、爭啲仆街之後, 先拉住娃娃（順便偷雞拖住佢）同軍佬講：唔係呀, 頭先我見你跑跑下無啦啦停低咗, 見到啲咩呀？

軍佬：痛痛痛...哦...頭先？

我：係呀..

軍佬吸咗啖煙之後偷雞望一望娃娃：er...

娃娃：仲想嚟呀你！？

軍佬：法官大人, 我反對暴力逼供呀！！

娃娃：睇嚟我唔踢撚爆你嗰兩召喚珠你都唔安樂？

軍佬：c叔你撳撚住你條女先啦！唔係我乜春都唔講呀！

我：咁...其實我都係八卦下啫...你唔講都冇乜所謂嘅...

軍佬：c叔你個仆街..

娃娃：再唔講我就踢到你仆街..

軍佬：得得, 冷靜冷靜...

我吸咗啖煙之後講：我好冷靜ㄚ.

娃娃亦都吸咗啖煙之後答佢：我都係丫, 得軍佬你一個唔係啫..

軍佬：屌..你兩個...

我：仲想起雙飛？邊個企後..ops.
今次到我未講完隻手就畀人勁大力鏈咗一下, 痛到即刻收嗲.

軍佬：冇冇冇...頭先跑跑下無啦啦見到前面轉角位有幾個細路跑過, 咪八卦望多兩眼囉..

我：吓？咁奇怪？

娃娃：吓？我住嗰到樓下個公園有時夜晚都有班靚仔喺度玩啦,有幾奇？

軍佬：屌, 又係你條仔大大聲話呢頭夜晚連啲狗都鎖返入屋㗎嘛, 邊會有班細路仔無啦啦喺到跑咁撚奇怪？

娃娃望咗望週圍：um...可能原居民啫..

軍佬：兜丫, 我畀你幫你條仔兜飽佢..

娃娃：兜腳升你就有份..

我：喂屌, 唔好嘈住先啦, 可能真係原居民呢？你頭先見到班細路喺邊呀？

軍佬用支煙指一指斜坡底部：咪嗰邊囉.....

斷估大家都仲記得, 成條黃竹洋村徑其實都係一條不斷上山嘅斜路嚟, 所以當企我同娃娃喺斜路嘅上面、同時盞街燈又正正喺我哋身後、再順住軍佬指個方向望過去, 其實一開始係乜撚都見唔到..

直到望咗成分幾鐘, 我先憑住剛剛行上山嘅記憶再加腦補, 係一大片黑媽媽嘅範圍内大約睇得出軍佬指住嘅係一條有彎位嘅馬路、馬路隔離有排欄桿, 然後附近有啲高過我嘅樹木俾啲風吹到搖下搖下咁, 冇咩特別.

我：屌, 撚有嘢呀！？

娃娃： 係囉？睇錯咋啩？？

軍佬：屌你兩個盲就盲啦！

娃娃：你隻屎眼就盲！

軍佬：係呀！你頭先踢盲㗎嘛！！

聽完軍佬咁講, 我即刻忍唔住笑出聲：要唔要但係佢去睇眼科？

娃娃順便補多刀：一早叫你打少啲飛機㗎啦, 傷身呀又唔聽, 而家盲咗喇, 安樂啦？