[是咁的] 丫屌,我細個響朵條村搬鬼咗

話說泰國妹有晚收咗個客住4晚,間房係老豆幫個仔俾錢, 第二日個仔嗰啲行為已經鬼鬼地, 成日都匿埋角周圍望, 又好似巡場咁樣圍住間酒店行嚟行去.

去到第二日晚黃昏嗰陣,無啦啦走落嚟.

：我要提早退房走人.

：by9bye.

：淨低嗰兩晚我要你退錢畀我, in cash！

：退錢唔係問題, 但我哋policy只會退返去收錢嗰張卡嗰度.

：卡我有, 咁你退返落我張卡度.

：間房你老豆畀錢喎, 我哋只能夠退返去佢張卡度, 冇可能退畀你.

：我老豆爭我錢,你直接退畀我一鳩樣.

：叫你老豆打畀我哋囉, 佢話ok冇問題就退畀你

：屌你老母你公司邊度寫住係咁樣退錢㗎！？你而家想打劫我呀！！信唔信我你唔退錢, 我而家打爛你間酒店！！！

：我信呀！所以我而家即刻報警拉鳩你.

：差館, 有咩幫到你？

：有個客要提早走,但間房唔係佢畀錢,但而家個客要求我哋退現金畀佢, 仲話我哋唔肯退錢畀佢而家要打爛我哋間酒店...

：救命呀！打劫呀！

：條友係咪傻㗎？

：我覺得係囉...

：退錢呀！退錢啦！退錢啦！

：你鎖好門窗, 我哋盡快過嚟..

：我同佢喺埋同一個地方喎, 鎖埋一齊呀？

：趕佢出門口喇, 你有辦法嘅..



警察收線之後剛剛好送床單, 我要去收貨, 所以個客畀我順便呃鳩咗出去, 然後我又好心望多次, 個客check in嗰陣簽嗰張合約, 原來上面寫到明no refund on early departure.

之後我出去收貨嗰陣順便影印咗一張掉畀個客.

：唔好意思, 我睇完policy先知我錯.

：快啲畀現金我！！

：我意思係, 原來policy寫到明一毫子都冇得退, 好彩你提醒我睇policy,如果唔係我一時好心就奶嘢.



未完代續....

又隔咗陣, 當我同送床單嘅叉仔點收完之後, 突然聽到個客大叫.

：你哋policy 寫漏嘢！！！

：咦？乜你仲喺度㗎？

：你間酒店歪咗, 而家仲沈緊, 要賠錢畀我！！

：噏乜鳩呀你又！？

：你自己望下！？你間酒店屋頂係斜嘅！



：再望下走廊！？都係暗斜！正明你間酒店沈緊！！我要你賠錢畀我！！！

：屋頂同埋條走廊有角度, 係為咗去水呀大佬, 你有冇讀過書㗎？


：我梗係有讀過書啦,唔係點睇得出你你呢到沈緊！？

：...讀過書都仲成個弱智仔咁, 你不如賠錢畀間學校啦？


：呢度就沉㗎喇！！快啲走呀！！！！

：哦, 咁你快啲走啦..

：賠錢賠錢賠錢！！！

呢個時候警察到, 兩男一女落車, 見到個傻仔喺度鳩叫.
：做乜撚？

：你自己同條傻係講..我唔想再浪費生命.



：呢間酒店就沈㗎喇！！！

：係？睇過？

：酒店屋頂係斜嘅！

：有啲咁嘅事！？

：仲有呀！走廊都係斜㗎！

：咁恐怖？

：我帶你哋去睇下我間房你就明,個天花板都係斜㗎！！！

：嘩！咁快啲帶我哋去睇啦！

：sir, this way！



to be continued..

你間酒店係咪一星果d, 專收爛鬼？

當一班人浩浩蕩蕩上咗去唔夠五分鐘, 其中一個警察又落返嚟.

：唔好意思想問下你有冇嗰間房嘅鎖匙？

：有呀, 做咩呀？


：個傻佬唔記得咗自己已經退房, 還咗鎖匙畀你, 而家我哋全部人企喺就嚟冧嘅走廊等待救援..

：我上去開畀你哋啦...

：唔好行得咁快, 我頭先忍笑忍得好辛苦, 你慢慢行等我唞啖氣先..



上到去開咗門之後.

：你哋睇你哋睇！！個天花板斜架！！！尤其係廁所嗰邊, 勁恐怖呀！！！！

：睇過？

：冇斜喎..

：你哋係咪警察嚟㗎！？咁都睇唔出？？

：真係警察嚟㗎

呢度喎呢度喎！你睇吓？真係斜咗！！

...：真係睇唔出喎,你有冇量角器？

：搞撚錯呀！！我唔撚理呀, 快啲封咗呢間酒店啦！！就嚟沈㗎喇！！！！

：封酒店唔係問題, 但要經過好多手續,唔係話封就封㗎喎...

：咁你快啲做嘢喇！！我要呢間酒店聽日就封！！！！

：都話咗唔係咁快做到...

：咁即係點呀！？

：你聽日可以去市政局投訴叫佢哋派人嚟做檢測, 如無意外出年應該封到...

：有冇搞錯呀要咁耐！？我唔理呀你哋全部人都要賠錢畀我！！！

：班差佬都要？

：梗係啦！佢哋容忍你呢間就嚟沉嘅酒店生存落去, 梗係要賠錢畀我！



：咁市政局呢？

：如果我聽日去佢哋竟然唔使你即刻執笠, 當然要賠畀我！！！



：驚未！？

：驚.

：咁快啲賠錢畀我啦！

：我哋返工冇帶銀包,冇錢賠畀你, 有咩你可以寫信投訴, 告我哋上法庭,到時睇吓法庭賠幾多.

：間酒店沈緊吖嘛, 等佢沉完之後有保險我先賠畀你.

：咁即係要幾耐呀？

：唔知㗎, 你快啲去搵律師寫紙投訴我哋先啦？

：我都唔知呢棟嘢要沈幾耐喎, 沈完先同你講？

：咁已經即係點呀？

：即係你退咗房、已經唔再係我度呢度嘅客人, 我哋亦唔歡迎你, 如果你再踏入我哋酒店範圍, 就告鳩你非法入侵.

：我哋仲未走你要告不如而家就告, 唔係一陣我哋又要揸車返嚟, 麻鬼煩煩

：你哋成班都黐線, 等你哋同間酒店一齊沈落去！！！！

然後個客極速衝咗落樓梯,之後跑咗過對面街, 消失於黑夜.



the end.

3星, 狗屎垃圾乜差都收

講起我住嗰到, 位置係係長沙灣地鐵站附近一幢唐樓, 鄰近美居中心同天悅廣場.

唐樓對面全部都係啲工廠大廈, 附近有啲車房, XX別墅(雞竇?), 就連我屋企樓下都有間五金鋪, 轉角仲有間士多, 後面街又有間快餐店, 個雜扒飯一流.

而士多老闆本身就係下鋪上居, 喺唐樓有兩個單位, 所以有時唔記得帶大閘鎖匙, 我都會問佢哋借.

但買零食就不了, 行過少少間ok都平過佢.

講返棟唐樓本身, 棟野結構係類似円字型, 但冇咗中間短嗰一棟.

左右長嗰邊同上面兩個格都係住戶、右邊下勾勾係樓梯、中間打橫係一個通風嘅走廊, 而走火通道嘅後樓梯, 亦都係位於左邊鄰近條走廊.

如果企喺走廊中間面向円字左邊, 右邊就係大廈天井, 只會望到其他住戶廚房隻窗, 同二樓個石屎平台.

但如果望向左手邊, 因為無遮無擋緣關係, 就會見到地下勁多垃圾、仲有啲類似水管、電錶咁嘅嘢, 同埋後樓梯嘅出口, 全部畀一道鐵閘攔住.

鐵閘外面就係條後行, 日頭嗰陣耐唔耐都會見到有個人行過, 我平時自己貪方便都會行, 間唔中仲會見到樓下間五金舖會張燒焊完嗰啲鐵器放曬出嚟.

可惜條後巷窄到仆街, 另一邊又係大廈, 所以雖然呢條無遮無掩嘅走廊係設計出嚟畀棟大廈通風, 但其實空氣一啲都唔流通, 再加埋成棟樓廚房抽油煙機抽出嚟嗰啲熱氣同油煙, 令到成條走廊本身又臭又翳焗, 我平時都係慣咗急急腳行過去就算, 好少逗留喺嗰到四圍望.

當時我哋住五樓左手邊、門口直對走廊, 一開始搬入去嗰陣, 除咗日日騰上騰落行得辛苦啲之外, 唔覺有啲咩問題, 有時無聊仲會同朋友走上唐樓天台到玩.

只係我哋屋企左手邊嗰條走廊盞燈由我哋搬入去嗰刻已經壞鬼咗, 都一直冇人修理, 所以嗰邊走廊長年累月都唔會有燈, 由朝到晚都黑媽媽, 唯一一個有光入嘅位, 就係後樓梯防火門上面嗰隻窗滲入嚟嗰啲灰暗嘅光.

走廊未端個個單位住咗個中年男人, 但佢又好似唔介意條走廊黑到仆街, 住到我哋走佢都未走, 有時出入撞到都會打個招呼.

雖然係咁, 但有時出門口嗰陣, 我都會下意識唔會望向嗰個方向, 就算畀阿媽逼我去掉垃圾, 我都係望都唔望就推開條罅、即刻成袋垃圾飛入去之後即刻轉身走人.

因為對一個細路仔嚟講, 黑媽媽嘅環境始終有少少毛管動, 硬係形住嗰條走廊同後樓梯入面匿埋咗啲唔知乜嘢.

直到小六放升中暑假嘅某一日, 我去完個住喺耀東邨嘅friend屋企打機之後, 就同平時一樣坐小巴落返西灣河地鐵站,再地鐵返返長沙灣.

講埋唔知點解勁大霧, 小巴開咗勁耐先落到去地鐵站, 攪到我返到去嗰陣已經夜晚十點幾, 除咗樓下間士多老細仲喺度睇緊電視之外, 成條街所有嘢都收曬, 黑媽媽咁.

當我上到樓, 剛剛行過嗰條走廊嗰陣, 突然覺得今日條走廊點解冇怪味、仲有啲沖涼浸浸.

當我仲諗緊點解會咁嗰陣, 個人好似無意識咁轉身、扶住條欄桿向後巷個方向望落去.

唔望由自可, 一望當堂令我成個人嚇到呆撚咗唔識旭.

心諗明明記得晏晝出門口嗰陣時, 樓下間五金舖同平時一樣係後巷都放咗幾件鐵器出嚟頂鬼住條路, 頭先返嚟嗰陣亦都唔覺有野放喺後巷, 但只不過係行咗上五層樓啫, 點解無啦啦會有啲咁嘅嘢喺度嘅？邊個咁大整蠱呀？？

而且由小五開始住到小六畢業, 兩年時間入面, 我都從來冇見過呢樣嘢出現過喺我哋屋企附近, 甚至連賣呢樣嘢嘅舖頭都冇.

點解而家無啦啦, 有兩個成人身高、一個著住鮮紅色, 另一個著住鮮藍色, 有住粉嫩顏色皮膚嘅紙紮公仔, 背脊打斜咁埃住捧牆, 擘大對死人眼向上望撚住我嘅！？

丫屌！？？？

當時我嚇撚到勁想鳩叫, 即刻轉身走人衝入屋, 但偏偏個人完全喐唔到, 一直扶住條欄桿, 眼光光咁望住嗰兩個紙紮公仔玩互啤, 啤啤吓我開始冇乜意識, 只係覺得一定要繼續望住嗰兩隻紙紮公仔, 唔望到實一實嘅話佢哋隨時上嚟搵我..

總之之後嘅事我都唔係好記得, 直到第二日起身先知原來自己已經返咗屋企, 老母仲買咗啲碌柚葉, 見我一起身就煲水踢我去沖涼, 跟住又帶咗我去黃大仙拜神, 搞到我無撚咗一日暑假.

屌嬲.

過咗一段時間、我哋剛剛搬咗去深水埗嗰晚, 食緊飯盒嗰陣我我突然抽起條筋, 口痕問起我老母：嗰日其實無啦啦做咩叫我用碌柚葉沖涼, 仲要去黃大仙左拜右拜, 宜家搬屋入夥都冇搞咁多嘢..

我老母諗咗幾秒, 先同我講返：當晚我出嚟掉垃圾嗰陣, 發現自己個白痴仔扶住條欄桿戇鳩鳩咁企咗喺度, 就嗌咗句：做咩呀你？入屋喇？

見你一開始無反應, 繼續望住條後巷.

我咪掉垃圾先囉, 掉完出嚟見你都仲係冇反應, 就又嗌多句：係咪身痕想打鑊呀？咁夜仲唔快啲返屋？作死呀！？

唔知你係咪對個死字有反應, 當我講完作死呀呢三個字之後, 你突然好慢好慢咁擰個頭過去望住我、面無表情咁問：你估呢度跳落去,我死唔死得？

聽見你咁講, 我即時燃燒佢自從生完你之後就一直減唔去嘅脂肪、九秒九飛奔過嚟抱起仲戇鳩鳩嘅你, 極速轉身衝返入間屋...

聽見我老母咁講㗎, 我當時第一個反應係：竟然唔係我哋屋企旁邊嘅後樓梯同埋冇燈嘅走廊, 而係我成日行過嘅後巷..

撞鬼嘅嘢..真係估佢哋唔撚到...

天眼解鎖
陰陽C覺醒

有無得出英文version 版本的酒店就沉故

Your hotel is sinking down
sinking down, sinking down
Your hotel is sinking down
Refund my money

垃圾講故佬，呢d垃圾點解有人睇

係囉係囉

原來有新嘢睇

條鬼仔住多2日咪算囉，搞到而家敗走

有時間咪錄

呢間野啲客好多都係咁.

尤其係政府機構book入嚟嗰啲,個個扮曬大爺,兩句唔啱聽就屌曬老母.

我每次都心平氣和咁提醒佢哋, 只要唔太過份我可以隻眼開隻眼閉, 但其實酒店有權隨時取消佢哋個booking, 而且我只要一封email就可以搞到佢哋畀政府機構永遠black list, 以後唔使旨意再有人幫佢哋.

可惜十個入面八個聽完都會繼續發癲, 結果就係即時取消booking, 然後佢哋賴死唔走就變成trespass, 一變trespass我就可以報警叫差佬直接趕佢哋走

癲得黎幾搞笑

從7月21號到宜家，日日翻工得閒就睇 (因為公司電腦睇緊所以費事放工手機睇要搵翻睇到邊
終於宜家，歷時26日 (其實翻左1x日工) 終於追曬大C叔叔所有po
想講我睇得好投入，share埋比我GF一起出黎睇耶穌
期待繼續日日更新，your fun stories made my day

有時無聊嗰陣, 我會特登去“嘢”佢哋, 搵啲細藝搞下

你用咗26日就睇咗我十年嘅經歷, 辛苦曬

但呢到一定唔會日日更新, 可能一個禮拜、甚至個幾禮拜先會出一篇