[是咁的] 丫屌,我細個響朵條村搬鬼咗

同墓碑有咩分別？


馬路附近會見到南無阿彌陀佛 多數都係炒死咗人

咪就係紀念碑

突然醒起, 係咪叫石敢當？

應該唔係驅鬼 治水咁 唔會寫死咗個人名

我記得係有嗰2個細路仔個名、同埋出事嗰個日期, 然後仲有啲碑文咁嘅嘢.

試過用google map行嚟行去都搵唔返, 最接近嘅應該係呢個位, 但明明記得舊時好似瀑布/溪澗咁嘅地方嚟, 但而家好似變撚咗平地咁, 之前亦都冇嗰個墓碑喺馬路邊

當年應該呢個位, 成條路都係依山而建, 但去到呢個彎位右手邊有大約四分一個籃球場咁大嘅半圓形空間, 果條瀑布溪澗就係右手邊流落嚟, 我講嗰個物體應該係喺瀑布個底, 背向瀑布面向條路, 同條路有大約10米、瀑布5米嘅距離.

好記得係鮮紅色字, 由細到大上山都會見到佢.

似係石敢當

幅圖唔知點解下半決變咗灰色, 明明我相簿入面唔係咁

anyway, 咁就稱呼佢為石敢當, 繼續錄落去先

唔忿氣再試post多一次

石敢當係用嚟辟邪，唔係用嚟寫人名嫁

至於你講果啲碑叫咩名，我諗無特別名比佢嫁麻

有無執番劑？

記得細個老母有講嗰個名, 但真係唔記得咗

J你自己返去睇多次食女, 有交代.

D當時仲係我女朋友, 佢嚟香港整埋common law啲文件, 點解會冇

https://www.wetoasthk.com/%E3%80%90%E9%A6%99%E6%B8%AF%E6%84%8F%E5%A4%96%E3%80%91%E6%9D%BE%E4%BB%94%E5%9C%92%E6%80%92%E6%B0%B4%E6%A9%8B%E6%B4%AA%E6%B5%81-%E5%A5%AA%E5%8E%BB28%E6%A2%9D%E4%BA%BA%E5%91%BD/


似唔似呢啲碑？

剛剛問過我老母,佢話除咗個細路仔名之外,上面仲寫住南無阿彌陀佛.

然後我問佢塊嘢叫咩名, 佢答我：咪石碑囉！乜而家石碑都有名㗎咩？你同佢好熟呀？

唔記得有冇同你哋提過, 我屋企係沙田位火炭平房區轉上黃竹洋村再行多半個鐘有間祖屋, 冇嘅而家單聲你哋知.

間屋係我阿爸當年有錢嗰陣起畀佢老豆、阿哥、阿妹同細佬住, which is 即係我阿爺、我大叔、阿姑同細叔.

間屋上下兩層加埋大約二千幾呎, 仲連住一個用嚟做貨倉嘅屋仔,隔離就係狗屋. 屋前面大花園、後面仲有一個大約一個羽毛球場咁大嘅空地.

當年鏗鏘集都有去過我哋屋企取景拍咗某一集節目.

但後尾我阿爸戇鳩奶咗嘢之後, 我老母將棟樓畀政府拍賣都唔益某個呢幾年忽然黃到仆街又係國家棟樑嘅賤人律師之後, 一時三刻冇地方住就想話返去嗰到住一排, 但我阿爺一句屌過嚟四個就歡迎三個就不了ban鳩咗我老母.

呢班so call親戚最後都係集體移民咗去加拿大, 我去加拿大讀BIC嗰陣都試過係佢哋屋企住過一個假期, 除咗我老母要交足夥食費之外, 連佢老人家寄畀我嗰啲零食,都畀佢哋成家人扣起曬食完食淨先畀我, 所以之後就真係冇再聯絡過.

不過佢哋成家剛剛移民加拿大嗰陣, 因為間祖屋冇人睇住, 佢哋又唔想畀錢請人返嚟打埋, 所以又突然醒起我哋一家人, 打電話嚟話我哋想嘅係可以返去住幾晚, 當渡吓假.

諗都唔使諗, 今次我老母即刻ban鳩佢, 不過都留咗條後路俾我同阿哥, 話如果我哋想上去玩嘅話都冇問題.

至於本身住喺祖屋嗰幾隻狗（again, uncle曾, rip.）就由隔離鄰舍負責餵. 唔好問我點解佢哋唔直接叫隔離屋負責幫佢打理, 可能佢哋唔想畀隔離屋入屋掛？who knows？賤人諗嘢我哋呢啲凡人係唔會明.

Btw,錄音嗰陣屎忽痕用google map, 發現街景竟然可以行到上去, 而且間屋仲喺到, 黐孖筋. 各位有興趣嘅可以自己去google map行吓, 因為以下落嚟嘅事件基本上都係環繞住呢一條路.

Anyway~係學完canoe嗰日臨走前我膽粗粗走去同娃娃交換咗屋企電話, 有時無聊嗰陣會煲吓電話粥, 佢收到風當我哋條船有咩奇怪活動例如跳海甚至打wargame佢都會特登join埋一份.

慢慢我同佢開始越走越埋, 有時放學會特登搭車入去將軍澳搵佢食支煙吹吓水, 有時佢又會出嚟搵我去行下街, 甚至齊齊走堂去唱k.

雖然未去到正式拍拖嘅地步, 不過某程度上都差唔多, 親密到HKSCC入面好多人都已經當咗我哋係一齊.

有日我同軍佬、袋癬三條友約好放咗船之後齊齊去咗鴨寮街軍記睇gear, 咁啱嗰日無啦啦鴨寮街樓上啲唐樓發生咗小形火警, 地鐵站出口附近塞咗一大班街坊喺到睇消防員喺救火.

開頭我哋三個都企埋一邊係食住煙睇好戲, 但可能我哋成班戇鳩仲著住HKSCC件制服, 就畀人誤會咗我哋係消防員, 細細聲喺到屌點解我哋唔去幫手, 搞到我哋勁唔好意思, 唯有集體閃去高登隔離間老麥打躉, 等場火救熄咗先算.

喺麥記食緊煙吹水嗰陣講起聖誕假有咩搞, 軍佬諗咗陣就話：不如去長洲租間屋, 星期五放學就入去,到星期二先出返嚟囉？

袋癬：你畀錢呀？

軍佬：er...最多我帶堆咸書咸碟去...

我：屌, 三條麻甩佬逼埋同一間屋齊齊睇4日咸碟做乜撚？睇到扯旗嗰陣三劍俠格劍呀？

軍佬：er....

袋癬：諗過其他啦...

軍佬：哦....

軍佬見我哋冇反應, 就轉轉話題講下呢排自己睇咗啲咩鹹片,又喺麥記廢噏咗一輪, 斷估長火都救熄咗, 我哋又行返返過去鴨寮街.

過到去軍記睇咗一輪都好似冇乜嘢睇得啱,反而軍佬買咗個可以拆做手提袋嘅軍用背囊, 袋癬就揀咗個腰包.

買完曬嘢行返去地鐵站嗰陣, 軍佬就話：我過去高登嗰邊望下有冇啲咩新碟, 你哋有冇嘢搞？要唔要一齊去揀？

袋癬：唔啦, 我食埋支煙搭車返屋企喇.

軍佬聽見就望一望我：你都係返長沙灣㗎？一齊行？

我：都得呀, 不過高登你自己去啦, 我對鹹碟冇興趣.

軍佬：屌你啦, 有得睇你唔睇？

我： sorry喎, 真係冇興趣.

軍佬：唔撚係呀話？你同娃娃行得咁埋, 係時候增加啲性知識, 唔係因間有窿都唔識入呀.

聽見娃娃個名我就開始有啲心旭, 但諗起自己屋企個情況唯有嘆口氣.

軍佬見到咁樣就話：唔使嘆氣喎, 都係得兩個窿啫...你唔好入錯你自己都有嗰個就得 ...再唔係到時我過嚟幫你？

我：幫你老母啦, 我屋企得部VCR咋, 你畀隻碟我托柒呀！？望住個封面屌隻碟中間個窿呀？？

軍佬：屌早講啦, 我返屋企copy落餅帶畀你咪係囉.

我：er.... 咁...會唔會好麻煩你呀？

軍佬：有名你叫軍火庫, 我實滿足你哋所有出火開炮嘅需求嘅！

我：哦哦哦哦哦.....

袋癬：屌你兩個....咁聖誕點呀？

軍佬：咪話咗租間渡假屋玩返成個星期囉？

袋癬：咪話咗貴囉, 你畀錢呀？

軍佬：我畀錢你住我屋企樓下看更隻狗間屋好冇？隻狗乸望落都幾靚女㗎....

袋癬：屌...有冇啲平平地嘅地方可以住呀？

我：咦？突然醒起我喺沙田有間祖屋...

軍佬：祖屋？冇聽你提過嘅？

我：好日都唔去一次, 唔係你哋提起我都唔記得...

袋癬：使唔使錢先？

我：um...斷估可以唔使錢啩？不過走之前一定要執得乾乾淨淨, 唔係奶撚硬嘅...

袋癬：如果唔使錢又唔拘呀！不過得三條麻甩佬去咁戇鳩？

軍佬：都話帶堆咸書咸碟去囉...

我同袋癬同時：屌...

軍佬：屌...咁撚多嘢講, 到時我哋一人一條女, 邊個帶唔到就請食飯！

我同袋癬再次同時：er.....

嗰日袋癬落咗地鐵站之後, 我冇倍到軍佬過去黃金揀咸碟, 因為有個更加重要嘅任務等住我去做.

首先就係搵我老母睇下係咪真係可以借到間屋返嚟住, 雖然我老母聽見即刻閪撚曬口面, 不過佢都幫我打咗電話去傾好咗幾時拎鎖匙.

第二個....當然就係等到夜晚食埋飯之後, 趁我老母去咗沖涼嗰陣, 拿拿聲打畀娃娃睇下佢肯唔肯陪我入camp.

雖然話就話我老母一直採取積極不幹預政策去教兩個仔, 但係真係要開口同佢講我帶條女去camp仲係有啲淆底.

好彩娃娃嗰邊電話響唔夠一分鐘已經有人接聽咗, 我：喂喂喂...唔該我想搵...

電話嗰邊直接傳嚟娃娃懶洋洋嗰把聲：講啦..

嘩屌, 仲要係一擊即中添, 唔通真係咁有緣？定係佢坐喺度等我電話呢？？我除咗内心偷笑之餘仲即刻chok曬聲咁問佢：咁...準嘅？等我電話呀？

娃娃一盤水潑過嚟：唔知㗎, 坐喺到睇電視,咁啱電話響咪聽囉.

Oh... 自作多情添...

柒.

雖然唔係未約過娃娃出街, 相反仲要成日去添, 但咁大個仔第一次約個女仔同自己入camp、唔單止過夜仲要住足成個星期, 一時間唔知點開口好..唯有求其講d嘢醞釀下情緒先：電視...做緊咩呀？

娃娃：你打開自己部電視咪知囉.

又好似好有道理咁喎....我：um...好睇嘛？

娃娃：好過冇嘢睇.

我：er.....

娃娃：有嘢你就講啦.

我：um.. 講緊囉...

娃娃：咁你再講多啲啦.

我：er......

Anyway, 我聽見廁所花灑聲越嚟越細, 睇嚟時間緊迫, 唔到我再浪費時間扭扭擰擰, 就拿拿聲單刀直入：冇呀想問下你聖誕有冇嘢搞？

娃娃：聖誕？仲有幾個禮拜咋喎？

我：係ㄚ..

娃娃：睇下你有咩搞囉, 有興趣嘅我咪得閒囉...

一瞬間, 我想直接問佢有冇興趣搞嘢？..不過到最後都係忍住咗：冇呀, 我喺沙田嗰邊有間祖屋, 諗住聖誕假同軍佬佢哋幾個入去住, 由星期五晚入去到星期二先出返嚟, 睇下你有冇興趣一齊去？

娃娃：um... 軍佬之外仲有邊個呀？

我：水鬼2號.

娃娃：umm..... 住幾耐話？

我：..五..五日四夜？

娃娃：ummm......

聽見佢啲語氣好似有啲猶疑, 我拿拿聲補多句：軍佬話人人都要帶多個女仔去, 唔係請食飯喎...

娃娃：um....

我心諗呢次應該玩撚完, 同娃娃熟還熟, 但又未真係喺埋一齊, 而家無啦啦叫佢去camp, 雖然有軍佬同袋癬, 但娃娃同嗰兩條友又唔算太熟, 佢哋嘅關係認真嚟講真係同hi bye fd同level...

見娃娃一直um....我, 我自己都打定輸數, 求其畀返個下台階自己就諗住收線：如果你真係唔得都ok㗎, 我一陣打畀詩問下佢有冇興趣囉..最多都係請食飯啫, 冇嘢嘅..

娃娃：咁呀....咁...你...今鋪睇嚟要請食飯....

雖然明知死到直曬, 不過我都決定拿返咋沙, 試下用其他女仔個名勾起佢把火：ㄚ屌, 咁我而家即刻打畀詩問下先！

可惜娃娃繼續用佢把懶羊羊嘅聲答我：oh,祝你好運..

我：er.....