[是咁的] 丫屌,我細個響朵條村搬鬼咗

唔緊要呀
你d故事實在太有趣，唔係日更都想追～

咁你如果唔係想入嚟吹下水嘅話, 每個禮拜入吓嚟當魂就ok

呢排真心忙,由朝到晚都匿埋係back office打baldur's gate3

唔係喎，我覺得幾好睇喎

介紹你篇筍嘢：
［是咁的］我喺加拿大住咗十幾年, 讀書嗰陣識到條女爭啲畀佢強姦到不舉
https://lih.kg/3209711
- 分享自 LIHKG 討論區

呢篇我睇咗過20次

就係因為我係青頭毒撚先鍾意睇，俾我幻想吓、打吓飛機都好吖

你都係毒撚，冇理由唔鍾意個喎

K


唔該K見字即回，我仲等緊你
你真係好正。你而家已經4張嘢我都唔緊要㗎，你唔好介意我就得

係？等因為毒撚嘅我都去睇下先

打錯字定點？
樓主食咁多女，都係毒撚，咁我係咩？

你睇清楚你介紹比樓主睇編文係邊個寫先

佢推薦緊比 中大毒撚 睇呀
你睇清楚個開頭先啦

後人由頭到尾都冇出現過

廚房佬咪就係隻水腳、丫水魚先真

google voice input

*身為

me好毒㗎, 無事無幹可以由朝到晚喺屋企打機/睇漫畫唔出街, 電話十日都唔響一次

唔係呀, 我見佢推得咁開心,我琴日返工嗰陣又去睇下

我睇完篇文發現K未到4張, 36only.

重睇啦仆街, 誤人子弟

對唔字

又話要人搵你, 連人哋個年齡都計錯

其實我都唔係好知,點解我老母最初會無啦啦要我去join HKSCC, 係見我喺屋企無聊冇嘢做丫？定係想我去學啲乜鬼嘢？

如果佢嘅初衷係醒我去學識咩叫紀律、服從、什至單單只係想佢個仔去做下運動強身健體, 咁就真係sor9y.

因為到最後, 我係join 咗HKSCC呢年幾入便, 的而且確係瘦咗, 但仲學識咗食煙, 同埋拍第一次拖.

至於招募海報上面大大隻字寫住嘅紀律同服從.....

咩嚟㗎？食得㗎？

唔知睇過我咁多個親身經歷post嘅巴絲, 有冇發現喺我所有經歷入面, 總會有一樣嘢經常性出現？

講緊嘅當然唔係我, 或者彈出彈入、無處不在嘅Z, 而係每一頁都會出現N次嘅iconic物品..

煙.

有幾多個本身睇緊post嘅係有食煙,或者身邊有朋友食煙？

Somehow食煙呢個行為真係好神奇, 如果你身邊冇朋友、或者生活圈子入面冇人有呢個不良嗜好嘅話,基本上你係唔會諗住去食你人生第一支煙.

不過只要有一個人係食煙, 你就有可能畀佢渡你升仙, 如果有超過一個人食煙嘅話, 你甚至會為咗加入佢哋呢個吹水群組, 自發性跳落火坑.

當我剛剛脫離畢業小學雞呢個身份, 去到HKSCC嗰陣, 發現同期新人入便, 基本上都大個自己, 平時放break或者解散嗰陣, 不論男女都會圍埋一齊吹水食煙.

至於我人生第一次食煙, 係F1嗰年, 有一嗰weekend成班HKSCC去咗離島training camp.

日頭嗰陣畀班阿sir操到直頭懷疑人生, 一直都諗唔明點解我會順我老母意, join埋啲咁濕鳩嘅紀律團體.

到夜晚食完飯, 成班人坐喺沙灘圍住個campfire喺到吹吓水, 講緊班呀sir壞話嗰陣, 有個阿sir突然行過, 嚇到成班人唔敢再講嘢, 淨係眼光光、頭耷耷望住堆campfire扮冇事發生.

個個心諗今次仆硬街, 我哋講到咁大聲,冇理由個阿sir聽唔到, 日頭冇得罪佢哋嗰陣都已經畀班阿sir撚到成隻狗咁, 家吓一定畀佢罰到飛起.

正當成班鵪鶉咁等候董建華發落嗰陣, 個阿sir竟然笑住坐低, 跟手拎支煙出嚟問我哋有冇火借.

聽見咁樣成班即刻鬆一口氣, 因為有煙食即係有水吹,有水吹啫係可以拆得掂, 拆得掂即係冇事發生, 定律嚟㗎嘛..

果然,個阿sir吸咗幾啖煙之後,就開始瘋狂恥笑我哋淆底獸, 有幾個食煙嘅隊員又忍唔住串返佢,個阿sir又繼續同我哋一齊吹下水, 互相恥笑吓.

望住佢哋一路食煙一路恥笑對方, 唔知點解我突然間嗰個場景好溫馨, 好想join埋一份, 就忍唔住問坐我斜對面嘅隊員A：喂A,你食緊咩煙呀？

隊員A隨口答咗我一句：紅萬囉C叔.

雖然本人係HKSCC入便唔係最細嗰個, 但係成班新recruit入面我年紀係最細,所以班同期有時會嗌我C叔, 但純屬只係一個花名, 冇貶義成分.

我：紅萬？r支嚟丫？無帶煙呀..

坐係隊員A隔離、都係食緊煙嘅隊員B聽見就好驚訝咁話：吓？乜C叔你食煙㗎咩？

我雖然從來都冇食過煙, 但呢一刻覺得唔可以畀佢哋知, 就扮曬冇嘢咁笑住答佢：唉,讀男校嘅, 有邊個唔食㗎？

隊員B：屌, 咁平時又唔見你食？

我心諗又唔係問你r煙, 咁多野講做乜鬼：我食好少嘅啫,見今晚大家興致勃勃, 咪食返支囉..

隊員B用有啲疑惑嘅眼神望咗我一眼,就冇再出聲.

隊員A下意識望一望阿sir, 阿sir只係做咗個隨便嘅手勢, 就拎包煙出嚟望一望：umm...我都冇乜淨,但既然C叔咁有興致, 俾支你囉..一支好啦...
講完就拎咗支煙、隔住個火堆掉過嚟.

我：唔該唔該..
執起咗跌喺我旁邊沙地上面嗰支煙,細細力拍一拍上面痴住嗰啲沙, 因為當時冇諗太多,覺得都係火, 正常點得著就得,所以就將支煙隊咗埋去campfire到燒咗燒, 跟住就開始吸.

結果當然係吸唔到啦, 因為支煙根本就冇燒著, 唯有又再隊多次落去個campfire到, 心諗今次燒耐少少實冇死失.

正當我信心滿滿咁再次拎返起支煙吸一啖,發現仲係吸唔到嗰陣, 隊員A有啲不滿咁話：喂！C叔你係咪玩嘢呀！？

我：吓？

隊員A：見你老人家話想食,我唔夠都畀支你, 林則徐呀宜家？

我：吓？？無啦啦林乜鬼野則徐？

隊員B：串緊你玩銷煙呀, 唔識就咪鬼食啦！你戇鳩唔緊要呀, 嘥撚咗A支煙就無謂啦！

我：er...

呢個時候圍坐喺campfire嘅其他人見到我好似充大頭鬼, 有幾個人唔住笑出聲.

我心諗如果呢個時候認柒頭就畀人笑足一世, 而且頭先睇佢哋個個一路點火一路吸, 支煙先點得著, 睇呢個問題係出喺個打火機到, 唯有死兜：大佬呀,你串我之前都畀個埋火我丫陰公？家下係你逼我做則徐呀！

隊員B聽見我咁講, 就即刻答：丫你條C叔咁阿那多嘢講...柒咗就認啦..
跟手攞個火機出嚟, 準備掉埋畀我等我可以死得眼閉.

突然坐喺我隔離嘅一個女仔, 喺唔知邊度掹咗支樹支出嚟, 隊落個campfire到, 瞬間支樹支就點著咗：呢度咪有火囉, 隊員B你咪鬼掉添呀, 陣間你甩手掉咗落campfire到爆炸毀我容我插爆你呀！

隊員B：屌, 你本身都唔係靚㗎啦,有乜所謂呀？

女仔笑住講：咪就係唔靚先驚！

隊員B：有乜好驚呀？毀咗容隨時可以攞傷殘金, 咪唔使驚第時冇人養囉！

女仔雖然仍然保持住個笑容但臉色開始有啲尷尬咁講咗句：妖！

我見隔離個女仔個樣普普通通皮膚黑黑實實, 但笑起上嚟嗰陣有兩個酒窩, 望落都幾cute, 而且呢單嘢只係純屬我自己充大頭鬼攪出嚟、無謂累到其他人丫, 就決定拿拿聲轉話題.

我用揸住煙嗰隻手指一指燒著咗嘅樹支：小姐,你支樹支就嚟燒完喇喎,個火畀係咪我㗎？

女仔：ㄚ掛住講唔記得咗添...
講完就將支個火頭遞過嚟.

我烏前少少個身：唔該曬唔該曬...
雖然燒著咗咗嘅樹支唔係幾好聞, 但都好順利咁樣點著咗自己支煙, 同一時間我眼尾稍到除咗隊員A、B佢兩個之外, 仲有其他人甚至連阿sir都眼定定望住我, 好似好好奇我係咪真係識得食煙.

我心諗食煙有冇咁難呀！？我阿爸舊時成日喺我面前食㗎啦！咪又係就咁吸一啖之後吹返出嚟囉？

所以我諗都唔諗就吸咗啖, 然之後由啲煙喺我個口入面keep咗幾秒, 之後吹返出嚟.

正當我心入面諗緊, 屌！搞撚掂！吸煙用乜易？不過原來煙都幾苦...

隊員B：屌！講咁撚多嘢大煙炮！
跟住笑到瞓咗喺度.

我聽見佢咁講就呆一呆,心諗唔係吸撚咗喇咩！？又乜撚嘢叫大煙炮？？？

隊員A：C叔, 吸煙要入個肺啊, 你估食緊雪茄呀？

我聽見佢咁講, 決定又再次發揮我死兜嘅精神：我想㗎咩！？用樹枝點火有陣怪味呀！唔信你試下？
講完我就攞起女仔嗰支樹枝, 舉起手嗰陣好似向住隊員A嗰個方向, 但一嘢飛過去仲笑緊嘅隊員B到.

係呀, 呢個機會我都等得耐...特登㗎......

隊員B即刻成個人彈起身：喂屌呀C叔！

坐喺隊員B附近嘅都即刻碌開, 屌鳩佢累街坊, 而其他坐得較遠嘅就笑鳩佢, 尤其係頭先俾佢串咗一輪、坐喺我隔離嘅女仔笑到瞓咗喺到.

而我趁呢個兵荒馬亂嘅時候,偷偷地吸咗細細啖煙入個肺, 即刻feel到好似有啲熱野頂咗一頂我個肺, 仲有少少想咳同頭暈嘅感覺..

係就係唔係太舒服,不過都算接受到..

見其他人嘅注意力都係集中喺隊員B身上, 我拿拿聲呼返出嚟之後又再吸多幾啖, 好似又好咗少少, 但都係快吸快呼, 唔敢留啲煙喺個肺太耐, 驚忍唔住咳到仆街..

我覺得自己handle到之後, 就對住隊員B講：丫sorry, 我都唔知點解會飛咗去你嗰邊...可能大風掛？
講完就扮曬自然咁樣吸咗啖煙, 偷偷地留一半係口、只係一半吸入肺, 再一次過呼返出嚟.

隊員B見到我好似真係識得食煙, 就唔再串鳩我, 只係戇鳩鳩咁執起支樹支、掉返落campfire到, 驚死我再掉鳩佢咁...

嗰晚吹水大會完結, 大家各自分帳幕瞓覺嗰陣, 我就諗住去屙篤尿先瞓.

屙完出到嚟, 見到頭先坐我隔離嗰個女仔咁啱又行緊去廁所, 就自然同佢打聲招呼.