去左人生洗腦課程，記錄晒入面所有內容細節 (3)

前兩日搵到呢個post 見到師兄同個菁導會嘅人嘈咗好耐

對方嘅邏輯、說話語氣、態度全部都好可怕，好似精神層面上嘅喪屍咁，無論點樣抗拒佢嘅存在，佢都會不斷嘗試以不理性嘅正面思維感染其他人。

見你有追post 咁我講解下佢哋玩嘅招數
如果你有睇我個post 你應該見到佢哋有嘗試捉人遲到嘅位大做文章 又玩埋啲信任／唔信任遊戲
其實呢兩點都同樓主嘅經歷不謀而合
所以我認為 搞得呢啲人生課程嘅 應該有一種課程大綱嘅嘢 大概就係邊日活動應該做啲咩 用咩理由同技巧 去pua／情緒勒索唔同嘅學院 去達致咩效果

咁要對抗呢啲人嘅勒索 你需要以下兩樣嘅其中一樣：
1. 堅毅無比嘅抗壓意志
2. 邏輯大師咁嘅邏輯思考
只要你有兩者其中之一 你應該唔會被佢哋嘅歪理説服

樓主用嘅技巧 應該就係抗壓意志
而我要教嘅 就係小部份嘅邏輯思考

咁佢哋為咗令佢哋上堂講嘅嘢 聽落去好有道理 佢哋會用一種技巧
首先講幾句邏輯上正確嘅句子 或者符合你嘅經歷嘅例子
令你聽落去冇挑剔 相信佢之後講嘅嘢都係正確／由你角度切身處地出發
但佢其後講嘅嘢 未必句句都係邏輯啱晒 而只要你認同埋佢啲邏輯不知所謂嘅例子 咁你就會中計
例如：遲到係你自己唔信守承諾 咁如果你對承諾咁為着緊 就應該以XXX為先

呢句背後嘅意思 係你嘅承諾能否信守嘅唯一因素係你
問題係 呢個世界有樣嘢叫不可抗力 社會科學都有一句明言：唔係我嘅錯 係社會嘅錯 咁就證明你完成唔到承諾有好多原因
如果將無法信守承諾都歸咎自己 係對自己自大 對其他人不負責任嘅表現

只要你留心佢哋所講嘅嘢 留意下有咩邏輯漏洞 咁就可以避免仆街

如果下面有人入咗人生課程要自介 你可以用我嘅自介

我叫___（喬魯諾）____，X歲，咁我喺深水埗長大，我住嘅社區都收毒品問題困擾。經過我起底，我終於知道係13K控制住我屋苑嘅毒品收發。為咗對抗13K組織，我嘅目標就係成立新嘅組織，取代13K. 我嚟呢度就係為咗召集能人義士，對抗13K，令我屋企先為無毒家園！

係咪好正氣呢
咁你就會冇咁緊張同輕鬆 冇咁易俾人説服㗎啦

自我價值低既人直頭會覺得係被救贖

好post要定期推

我朋友出錢俾我去上基本課程
第二日已經覺得係洗緊腦
咁話掂都唔洗錢
就上埋佢食下花生
最後成個課程最值得就係俾4

當時我女組長攬到我實一實，仲喊埋話要拯救我哋，最後我睬你都on9，咩創新會談都唔去放佢飛機，擺明係打感情牌去Sales你，最慘就係佢哋俾人利用都唔知

Cls 多人到 咁撚多on9

都唔係100%聽得明佢講咩
但個氣氛幾恐怖 邪教咁

其實有關係
有啲組織內嘅人會用呢啲身心靈手段去接近呢一班心靈上有缺陷、有負能量嘅人，等佢哋信咗之後就慢慢教佢地要改變自己，有咩途徑呀？就跟佢去上堂，咁又踢多件入會

以前有個舊同事就係咁樣畀人氹咗入局

幫手推文
識人中左，講咩都唔聽
已經無辦法抽佢出黎
只好等佢自己醒覺

拯救你哋，因為第3階課程中有個角色比佢哋

學生被稱為“小女孩”
學生既親友戚友被稱為“海星”

烈日下，大批被風暴拋上沙灘既海星即將悲慘地死去。一個黎沙灘玩既小女孩不停地撿起海星拋回大海。母親勸佢，咁多海星，你永遠都撿唔完。但小女孩話：“能救一個是一個！”

講師就話親朋戚友喺現實生活中“擱淺”，極需你既“拯救”。惟一既拯救方法就係叫佢哋去上堂。

我上既基本課程其實已經好癲，再奉勸大家千萬唔好學我去記錄，試自己定力等等，因為有朋友同我講，佢朋友之前想好似我咁，點知最後被洗腦sell我朋友上堂

入面既洗腦催眠唔係普通野，一旦比講師迷左就好難醒返。

頌砵, 身心靈本身同本質係ok
但畀錢上堂, 不了

有無諗過, 同樣金額已經可以搵有牌既專業人士同你一對一對談
點解要搵鬼五馬六既人上堂

遲到只係被佢哋利用做承諾既例子之一
佢仲要set上堂時間咁早，一定有人犯佢個守則，咁就可以借勢鬧人唔守承諾

最後就叫人守承諾做送頭任務比佢哋。同埋佢講既承諾係以課程為首位，一早承諾左其他野佢唔會理

我有一篇係同組長用羅輯講遲到問題，話有其他因素影響，即不可抗力，但冇用，一講羅輯佢就會燥底同埋會超固執唔會理我講既野，講到佢cup我線

就係被洗腦果班人
洗到頭腦唔清晰，催眠到講師既野係啱

美其名改善人生，就算內容都介紹得好靚
先入為主左係咁所以入到去以為做既野為目的
個個跟住做
而當中講師既洗腦催眠技巧唔係好多人抵抗到

我明你講咩了
我哋當然知'最後變左幫佢哋sell course'
但佢哋喺課堂用方法令學生覺得中心幫左佢
例如成功完成遊戲，各種任務，最後提高左自信
再用我上面講既'小女孩故事'去'拯救其他人'

因為呢種係好典型嘅情緒勒索
就好似女朋友話 如果你唔買包俾我 我哋就分手
咁喺呢個case就變成導師話 如果你再唔準時 我哋人生機構就會拋棄你
咁被人情緒勒索嘅人有幾多係旁觀者清 又有幾多係當局者迷 就會成為priority嘅斷定因素