去左人生洗腦課程，記錄晒入面所有內容細節 (3)

同唔同嘅朋友講起呢個post 嘅內容
原來真係好多人唔知有呢啲呃人course 嘅存在
多謝樓主親身體驗之外仲打咁大篇文
最憎傳銷、教會（並不等於宗教）、洗腦課程嘅我 真係好想呢啲嘢係世界上消失 我知冇可能 唯有不斷share

多謝你Share, 剷除唔到佢地, 唯有靠大家Share出去比多D人知.

外國都有呢味野
果時大學讀緊UG 有個同學有做傳銷
係咁推我同埋另一個同學做佢下線
又係FB/ IG show自己幾成功幾成功
我就無落答啦但唔知另一個同學有無

另一個同學原本都幾nice 就係佢fail左一科好confuse既時候就乘虛而入
呢種人幾時第三期梅毒生上腦？

呢D自我課程同傳銷係兩樣野黎架
佢仲衰L過傳銷

傳銷老鼠會都係呃錢啫
呢D課程呃完你仲將你變成佢既奴隸

多啲share，等多啲人知
平時都冇乜人教人防範精神控制，政府啲宣傳仲停留喺電話騙案、高科技電子零件

以前我都接觸過類似課程，又係好落力Hard Sell同埋想打擊我自信心，但自己天生有過濾大量唔啱聽說話既能力，而且經常用旁觀視角睇事物

所以最後冇畀錢，抽身走人

Push

都真係有10幾20年前
我有參加過我爸我媽既畢業禮
又係有間黑房 我媽圍圈呢埋眼
一開眼見到我地又係喊到癲咗

年少無知既我重覺得
我媽睇嚟真係有好大得著
但現實係我覺得佢個人都係咁上下

之後應該係個組織既分支
有d target <18 年青人既扶貧交流團
我同我妹都有join下
似係呢啲洗腦課程既mild版
但發覺入面好多都係啲畢業家長既仔女

交流團叫做當團費比都還好
之後有個小領袖課程 都係會說服大家報
我都參加咗

好彩感覺都係mild版本
同細個叫你努力追夢呀 愛家人 朋友
呢啲觀念都還好
課程內容同樓主都相似
都係講承諾嗰啲
咩我要 唔係我想

教public speaking NGO 黎，試玩過都無乜野好正常

咁無腦成績又唔好都入到神科？ 都幾勁 佢讀咩？

好似話唔比玩social media但居然玩交友apps

點解追到第3個post都未有人生導師衝出黎糾正我地依班連登仔錯誤


又話想其他人好既，點解冇依家讀緊既組長組員發表下意見

快d出黎指點下我地迷津，唔係你地信奉既野不斷比我地踩係地下磨擦就唔係咁好啦

其實照咁講中心嘅人係唔容許佢地建立嘅‘’承諾‘’比任何野打破
即使死人塌樓
因為打破左就代表佢地用唔到呢樣野去控制人
唔通陪屋企人走埋最後一程唔係承諾？
如果用呢樣野同佢地講唔知會咩反應

潛到唔同地方已經好勁

希望有緣真人聽你分享

Ching你錯喇
個承諾只適用於呢班課程同呢班BUDDY

其他課堂以外嘅人同所有承諾
包括對屋企人 對工作 對另一半嘅承諾
都唔需要遵守㗎
所以可以出軌同離婚囉

咪即係ops
至少冇得鳩sale , 佢又冇情情有佣

唔使太妖魔化佣金既 個個做野都係為錢 愈多錢就愈有動力 呢個係現實

用保險同呢啲呃人課程係冇得類比
你舉既例子係不學無術既人sell保險 但你買完之後既野係間保險公司跟 你唔會買到破產架wo
仲有公司保險呢？ 醫療保險呢？冇呢啲福利邊度有廿蚊 甚至唔使錢睇醫生

但呢啲濕9課堂，被洗腦完係人財兩失，騙色騙財騙精神，同保險本質唔同既。

個個都係為錢，但只有保險經紀明明有授信責任，又自稱幫緊客戶，結果就收保險公司嘅佣，賣最高佣金而唔係最適合嘅產品

首先，點解賣最高既佣就唔係最適合。
第二，何謂最適合。

舉個例子，你去買對鞋，冇你碼，個sales就sell你著細半個碼，話著著下會鬆，你信左，個刻又真係著到，但你之後覺得太緊。
咁個賣鞋sales算唔算係收左佣金但又推介唔係最適合既產品？ 買個個係唔係完全冇責任？

利申 我唔係撐或踩保險，只係世上好多事情存在都有其價值及原因，單方面靠自己接觸過既經驗推論既話，會唔夠完整地觀看整個事物既本質。

（回覆 (2) 金城武大郎 #66828）

授信責任嘅意思係「為他人利益辦事時，必須使自己的個人利益服從於他人的利益。這是法律所默示的最嚴格的責任標準。」

即係嗰樣嘢（呢個時候係保險）我交咗我個決定權比你，信你會幫我做最好嘅決定，呢個係經紀人（或者代理，下文同理）嘅基本。如果經紀人可以張開把口講「買個個係唔係完全冇責任？」，咁我相信嗰個人根本就唔合資格做一個經紀人。

你唔需要利申了，你口講「唔係撐或踩保險」，但你講嘅嘢正好為保險經紀人唔道德嘅一面保駕護航。

最後，你自己嘅原話，我發覺真係可以原封不動比返你：「只係世上好多事情存在都有其價值及原因，單方面靠自己接觸過既經驗推論既話，會唔夠完整地觀看整個事物既本質。」

同sell健身個堆好似，又係疏導，安慰，打擊，引導，關懷
用漸進式既糖同鞭踢人入會
以前中學雞個陣都試過俾人夾上gym room sell野

一入場就話呀我地唔會sell你野，帶你行一圈個場同介紹環境，同埋一系列福利，然後就搵咗個會展頭高高大自稱係導師既人帶你去照鏡，不停話你體格呀一類既野，反正就係要搵啲野焗你去諗去猶豫

之後就會帶你入房搵唔同人同你傾計，做既就係第一行個堆野，成間房係素色接近全白，冷氣開得好撚大，燈亦都係好光既白燈，不停輪流入黎同你講野關心你叫你簽約

亦會搵幾件講野語氣重既人入黎chok你，反正就係唔會俾係有時間諗野，好多人就係咁樣簽咗落去，環境+語言轟炸

我個次就係俾佢地困撚咗幾個鐘，然後撚返佢地講下廢話，搞到佢地都唔耐煩,exp扮慘，拎下銀行卡出黎又收返，talkshit遊花園，最後幾條友響門口傾咗分零鐘到放我出去

真心建議睇完既人唔好身痕走去試，糖同鞭既威力係好大的
尤其高level啲既撚樣多數都係讀過心理學，好多方法黎刺激你神經弱點黎破壞防線

我們之間沒有秘密
癲撚到

睇哂3個Posts，我對樓主你真係滿滿respect

可以話係歷代最高汁連登post

但希望你真係要小心啲，世界需要你揭發更多呢啲垃圾組織

條友已經比人洗左腦啦

因為佢地知入到黎講都冇用佢地背後做野就已經解決到件事 呢啲課程都咁多年 每隔幾年就話佢呃人有用既話應該執左好多間 佢地宣傳/拉攏人既方法靠朋友/屋企人/上司已經夠晒皮 之前直接send 啲反課程既文比啲參加左未醒覺既人佢地會覺得係呃人我地誣衊呢啲課程 當局者繼續執迷不悟宣揚課程 用人拉人既方式去做 輕輕鬆鬆就可以繼續捉人做水魚 唔需要理我地 我地只可以盡救 人既錢就係咁易賺

多謝樓主分享
咁有心機打咁大篇文去警惕其他人
我一直都想知哩啲洗腦課程點解會work
但又怕奶嘢唔敢參加
你解開咗我一直以嚟嘅迷團

樓主如果日後仲會去第二度探險的話
要小心行事　命仔要緊！

多謝你，太誇張了，我暫時平安，
希望我既冒險經歷可以幫到人.