學咗佛一年幾，個人開心咗好多，你問我答

㩒錯負評
我都覺得瑪欣德尊者講得好
成日想搵多啲嚟睇但係好多都冇字幕
唔係好聽得到

你覺得學佛最大得著係咩

過去心不可得，現在心不可得，未來心不可得

凡所有相，皆是虛妄

好多焦慮，或者妄想會無左

會有種力量更加勇敢去面對一齊

可唔可以elaborate下
我凡夫俗子未有咁高造詣去理解
但對佛教都有啲興趣

簡單啲講就係教你唔好俾啲世俗野困到死死囉!

求其舉個例
如果見到有條阿毛講野好大聲! 有啲人會覺得好煩，即刻無名火起!
但係如果你知道人老咗聽力下降，佢講野大聲咗，可能佢因為咁嘅原因，完全唔知自己講野大聲咗! 如果你有咁嘅睇法! 可能就無咁燥!

但亦都可以問下自己，你兩個因素都考慮過，生成咗兩個唔同嘅心理狀態! 而呢兩個唔同嘅狀態係由於你睇法唔同導致嘅! 咁人係咪一定要跟住呢啲睇法走呢? 呢啲睇法係點型成呢? 睇法本質上又係乜野事呢?

就係咁囉!

開頭係點入坑？

世界原來不像你預期

「無法推出第二點」係正常，經論裡頭嘅空性義理本來就只係助人捨離邊見嘅入道之門、指向真正智慧嘅修行路引，從來唔係預你用有限思維去揣度親證諦實者嘅心境，經上幾咁深奧玄妙嘅義理同貨真價實嘅證悟相比都只不過係小朋友嘅文字遊戲。簡要言之，尚為凡夫嘅三乘行者同樣深知輪迴過患而決心超脫生死（生起出離心），但個性同經歷使到菩薩乘人更有推己及人嘅胸懷而願意引領萬靈一同離苦（轉成大悲心），立志成為覺行圓滿、福慧俱足嘅佛陀（發起菩提心）係因為佢哋明白想要最大限度利益眾生除此別無他途。由於初發心菩薩非常清楚僅憑眼下極其有限嘅自身條件係絕對唔可能荷擔無窮無盡嘅佛行事業──盡未來際於十方塵剎以無量法門引導無邊眾生斷除無盡煩惱，依靠般若智慧超越有限假象、了達無限實相於是成為清除一切障礙嘅關鍵所在。

當然，凡夫菩薩冇必要亦唔可能急於一時三刻就親證空性，以般若為首嘅六度萬行本來就需要預上難以想像嘅漫長時光漸令圓滿。呢度嘅重點係就算一切尚且流於有所造作嘅層次，菩薩都應該盡可能喺思維上做到宛如以第三身視角縱觀全局之餘唔多作干預嘅「三輪體空」而唔係落入帶批判性嘅線性思考：平日無事乃至於進行各種修持期間，習慣思惟凡所見聞覺知悉皆如幻無實；眼見有人需要幫助而準備施以援手之際，容許內心喺一絲抽離感伴隨下稍稍想到此刻只係如幻之人（施者體空）利益如幻眾生（受者體空）而無一人一事一物為真（所施體空），並唔係明明想要出手相助都走去自潑冷水：「噢之但係眾生皆空，噉佢是死是活都冇相干啦，因乜解究仲要慈悲佢啫」然後拍拍籮柚一走了之。總而言之，真正嘅菩薩就算未有證悟都應該係深感世間無處是安、決心打破輪迴困局而又心繫眾生福祉，同時能夠理性噉認清自身能力不足、定下長期願景後再規劃修行路線嘅智勇雙全者，唔係無修無證就單憑一句「萬物於我如浮雲，何必執著度蒼生」故作高深於人前之輩，更加唔係將佛理當成借口放縱自己、漠視他人兼且懶理世事嘅品格低劣之徒。

最後再強調，經上義理唔係供你揣摩早已超凡入聖嘅上位菩薩（例如地藏菩薩）甚至乎諸佛世尊嘅心境，但明白上面嘅道理起碼唔會對「悲智雙運」嘅境界完全不解：般若智慧猶如一面清澈無比嘅明鏡任憑假象顯現、展示其本性而對之不隨不制，菩薩一直以來積聚嘅善根、漸滿嘅資糧能夠得到保留而唔會有絲毫虧損，同智慧相融無礙嘅慈悲願行就會好似遍灑大地嘅陽光一樣自然盈滿整個世間並且散發到每位眾生身上。至於將大眾導向解脫係咪將輪涅執為實有，簡單啲講：迷者昧於法性而厭苦欣樂；證悟法性而不欣樂不厭苦嘅覺者既知自己悟而不執，亦知有人不悟而執，普度眾生就只係「有所求即有所應」罷了（「有所應」係咪執著表相，上面有答案）。

樓主
知唔知有冇地方好似心靈輔導形式咁
想人傾下計
想試下佛學各度睇下我既煩惱

慈山寺有個佛法心靈輔導中心
佛聯會都好似有個咩覺醒心靈成長中心
可以睇睇

自知業力好重

其實佛教點睇自瀆 打飛機都有業力？

我懷疑你玩緊某手機GAME

一切都係講個心

賣飛佛

想試吓學佛參禪，點開始好

推介修可以由參加Tergar 既開心禪1開始

https://www.tergarasia.org

https://m.facebook.com/profile.php/?id=100064630904765

書可以睇下：
近乎佛教徒
世界上最快樂的人
突破修道上的唯物

下載「關懷你的心」和「心呼吸」呢個兩個apps 學佛打坐