學咗佛一年幾，個人開心咗好多，你問我答

原本係個無神論者，對個世界好悲觀，日日唔知為咩而努力。
學咗佛一年幾，發現開唔開心真係自己掌握。
以前嘅自卑、痛苦、哀怨，通通都縮到好細。
所以好想分享俾多啲人知，等多啲人可以好似我咁離苦得樂。

睇唔明經書，請問可唔可以推薦下有咩關於佛學嘅書

有慾望，先有痛苦，點樣先做到無慾無求

你是誰？

活在當下

很難

拋得開荷包先算六根清淨

為咗開心，為咗離苦得樂信佛，驚唔驚呢個執令你同佛，同「無我」愈走愈遠？

試下唔好抱住個要睇得明嘅心去睇。
有時越想明哂啲野，就越難明。
因為個心去咗追求嘅狀態，
咁就唔係清淨心。

讀書百遍，其義自現，
當你真係好用心，好尊敬去讀本經嘅時候，
就會有所得著，
個得著未必好線性，未必好直接，
但總會出現。

我自己幾鍾意睇一行禪師啲書。
好生活化

佛教係咪話人其實已經輪迴左好多世，每一世都有課題要學，學唔到就下世再繼續，學到哂就可以唔洗做人脫苦海

其實係咪純粹安慰人 對人世有返啲意義係到（學習課題），因為如果唔係咁諗 就會覺得人生其實冇乜意義
畢竟依樣嘢係prove 唔到，只可以信生命就係咁運作，就係一個“信仰”黎支撐住人
我係真心想知

分享下呢一年既心路歷程？

原始佛教唔係宗教，亦無信仰，而係意識學

佛教「五蘊」其實是指「一切外在與內在的虛假訊息的接收方式」
- 分享自 LIHKG 討論區
https://lih.kg/3406195

原始佛法本為「意識學」為何佛法卻常常被誤解成「哲學」或「心靈雞湯」甚至「宗教」
- 分享自 LIHKG 討論區
https://lih.kg/3203579

就係想睇啲生活化啲書，感謝指點

講得岩，有求皆苦，無求乃樂。但真係講就易，做就難。
我自己嘅做法係儘量將啲慾望轉化做善法欲。
拎啲時間去學習點樣為之善、點樣好好運用自己力量、點樣清明啲，
咁起碼冇咁多心先

點樣入門？

有咩書介紹？

開心真係好緊要
有一輪箍到自己好緊，
搞到個人修行修到好唔開心，
真係本末倒置。

留名

出家未？

我是個學緊佛嘅凡夫

唔學佛做唔做到你既心境？

有啲大師講，
唔止要活在當下，
仲要活好當下。
真係要努力練下

你點樣平衡到世間同出世間?
世間
我地要返工搵錢, 返學讀書
出世間
我地要解脫
如果你信北傳佛教
仲要饒益眾生

我自己覺得
要搵錢唔易
要解脫更加唔易

請問我同人講：我佛你

算唔算犯左不妄語？