學咗佛一年幾，個人開心咗好多，你問我答

大隻佬套電影有講

張栢芝係好人，都比斬

一樣避唔到

你睇完再理解下就知佛所講既野

佛家唔係講呢啲! 佛唔係奬善罰惡嘅執行者! 亦唔係審視對與錯嘅標準定義! 佛呢個字只代表覺悟咗嘅人或者嘅野咁解(唔一定係人)，响我認知嘅佛學黎講，生死係幻覺黎! 至於點樣推導到係幻覺! 留返俾啲講經嘅黎解釋，呢度唔多講!

隨喜隨喜

我哋每一刻既選擇都影響到未來，當下種既因先緊要

佛陀話我執係一切source of suffering, 例：

假設你剛剛買左架Aston Martin, 但係俾人揩花咗，你會覺得好心痛。但係如果鄰居架車被人揩花咗呢？你可能做下樣講句：「真係慘啦..」但其實你可能冇乜感覺。同樣係揩花左，點解我哋既反應咁唔同？

因為‘我’架車被人揩花咗，就係因為‘我’呢個好似好真實嘅概念令我哋不斷受苦，甚至成為不斷輪迴既因。原本我哋所有眾生既本性同諸佛一樣，虛空般既廣大自在，但係由於我哋唔認識，就受到endless of suffering, 多生多世…

如要得到究竟既快樂，證悟看來係唯一既途徑。當我哋有幸踏上呢條道路，在旅途中都會變得愈來愈快樂、愈來愈自在。因為我執既影響會愈來愈少..

早晨，多謝講解

佛教主張因疑生信，佛陀在世都唔希望佢講咩啲弟子就信咩。要自己去體驗佢講既野。

自身經驗：自己讀物理出身，又唔係好覺有咩同啲物理宇宙觀有衝突..反而覺得好多野吻合。

以前初初接觸佛教覺得，佛教幾勁喎，追到現代科學。後來覺得係現代科學追緊佛法..因為科學係物質同精神關係嘅發現其實好少，量子力學係第一樣…

純屬個人觀點，不喜勿插

處女座

唔同宗教就好似一間餐廳，唔同菜式，食飽唔同嘅人

正常夫妻生活係正淫，唔係邪淫。完全冇任何性生活係梵行

冇錯，學佛係想快樂。努力啲，可能得到究竟既快樂

咁聽落有些少逃避既感覺 好似無理解背後你苦既原因 反而你係要明你苦既原因 對某件事既想法點解要咁諗 理解到其實一件事可以有另一面 咁先得到你真正既解脫

我呢面係晚安，總括而言，我哋個個都有快樂嘅潛能，唔係我講既，係2600年前佛陀講既。

共勉之

追咗陣post，覺得個post好似有幾個focus，想整理吓同講吓個人見解。其實我都唔太識，純粹大家一齊諗吓。

1. 實用問題
呢類問題主要討論嘅係buy佛家套theory/做某啲佛家嘅功夫練習可唔可以令我嘅人生變好。呢個問題我會更偏向refer to 學術研究，好多科學家已經著手研究佛家嘅功夫練習（例如打坐，靜觀冥想）可以點幫到人improve mental health，香港各大學都有好多呢種研究，例如Kong U/CU 醫學院or心理學系咁。

2. 價值觀問題
有部分人會用佛家/教嘅theory同佢本身價值觀嘅唔符合哂嚟challenege佛家嘅理論，例如「好人無好報公平咩，受害人就咁死咗好慘點算」呢類。呢類我個人認為其實唔太算challenge 到佛家。理由好簡單：佛家同基督教嗰種好著重善惡苦難嘅世界觀唔同，佢更多著重嘅係一個人點interpret個世界。所謂成佛唔係講你要成為一個大善人，而係你要放低一切嘅對立成心去睇呢個世界。極端啲講，就算你殘酷如希特拉，只要你下一刻開悟，你一樣可以成佛，你嘅所謂惡行最多只會令你難啲有某啲因緣去成佛姐（因為惡行會滋長你嘅惡念，令你嘅我執更強）。但係善行係咪一定可以令你成佛呢？都唔一定，因為放低善惡對立都係一種修行。地藏王菩薩正正就係因為放唔低「救空地獄」呢個善念，所以佢反而未能成佛。

你當然可以話佛家呢種擺低一切善惡，「無苦集滅道」嘅做法係同你嘅價值觀唔相容，所以你唔buy佛家，但佢本身唔係對佛家嘅理論完整嘅一個challenge。姐係你唔鍾意食某碟餸，唔代表佢唔完整。

同類型問題我認為仲有所謂嘅「成佛公平問題」，但先唔講。

3. 理論問題
我認為佛家嘅真正嘅理論問題係佢嘅「法」反而係令人成唔到佛，做唔到「如是觀」嘅障礙。所謂「我執」好多時其實就係你嘅價值觀同人生目標。雖然buy佛家可以令你放低某啲我執，例如功名利祿呀，人際關係咁，但當人一以空為價值觀，以成佛，去無明為目標，呢啲價值觀同埋目標就反而會令你悟唔到佛。而呢個問題可以話係指向各種教派嘅各種修行法，因為你一有價值觀一有目標呢個問題就會跟著你。所以，佛家嘅修行其實並無幫你擺低我執，佢最多只係轉變咗你嘅我執。而我唔知點解決呢點。

唔講咁多啦！
拜拜！

如果你咁諗 你對學佛既理解有些少流於表面 要真正既快樂 同學佛無直接關係 因為你自身既快樂本應源至你自身既生活 就算無學 你都可以快樂 而帶住我想快樂既目的性去學佛 本身就係一個執念 人選擇學佛 係因為可以解答自身既迷茫 要真正悟解始終都係都要自己參透 所以就算你學左佛 你無悟到個道理你都唔會開心 同樣地 你無學佛 你悟解到你既迷茫原因 你都一樣可以快樂

中年呀叔就嚟四中，事業到樽頸，愛情冇著落，唔想移民
日日喺度回想人生每個決定，又見同輩個個事業愛情兩得意，好失落

可唔可以幫到我睇開啲

成日都會因為少少事好唔開心或者個心成日諗住，可以點縮細負面情緒

感想， 學佛最緊要係盡左力就算
唔好強求
自然會開心好多

多謝巴打

以前細個屋企都算窮（申請到full grant full load),係啲屋企環境好既人面前會覺得自卑。就算之後自己都算搵到錢既時候，對住啲條件好過自己既人都係會自卑。

直至上開心禪二階教授關於慈悲心既修持。

我記得個陣明就仁波切話：「我哋24小時都有慈悲心。」跟著有個師兄（阿太）問問題：「仁波切，我有時對住個仔嬲到都想打佢，我哋點會24小時都有慈悲心？」
仁波切：「你哋有時坐坐下，就盤腿坐，坐坐下又棟高隻腳坐，坐坐吓又轉姿勢，點解呢？」
有人答：「舒服啲囉」
仁波切：「因為你哋咁做係為咗快樂！其實我哋所有眾生，每一個時刻，做每一樣野都係為咗追求快樂，24小時都係。啲個追求快樂既心就係慈悲心。」

除咗我了解到我同所有眾生、所有佛菩薩一樣，最原來既本性係完滿無染的。我仲知道我同所有眾生，不論貧富、貴賤、唔同條件、唔同種族、唔同性別都一樣，每時每刻都想得到快樂，呢個係我哋嘅共通之處。

後來，完成2階50小時功課，係任何人面前都冇再生起過自卑嘅心了。

我認為唔同原因進入佛法其實無咩所謂，同埋都發生左咯，畢竟每個眾生根器唔同。有啲人可能為左修福報，有啲人可能為左得到一啲答案，有啲人可能如你想解開人生大問題，有啲人可能如我膚淺地想得到快樂。佛法唔係有84,000種法門，三乘，五道十地，瑜珈十二道咩？只要修道上唔係只停留係滿足開始時既原因，最終個佛果會唔同嗎？

好似地藏菩薩既《占察業惡善報經》，用占卜引啲鍾意山醫命卜相既人入佛門，隨其根性麻。

對於自己流於表面咁進入佛門，只好講聲慚愧慚愧。

之前聽過人講性空同空性係兩樣嘢
有無ching可以解釋下

有說係指兩個層次嘅「空」
無自性故空：所有現象都係聚集所成而不具本自成立嘅實體／實質，可以話係「空」有其表而無其實嘅
自性不可得故空：承上，假如真係有一個遍及萬象嘅究竟實相，噉佢本身就必然唔屬於／唔限於任何表象（實相非相／無相），可以話係「空」無相貌而不可得嘅

另外亦都可以只係noun同adj.嘅分別：「性空」即係指萬有嘅本性係「空」嘅；「空性」即係萬有呢種「空」嘅本性

我理解係empty同emptiness，語言問題姐