學咗佛一年幾，個人開心咗好多，你問我答

視乎你學到咩程度
識人學佛學到離埋婚個女都唔爭
過去嘅恩怨比佢講到係償還另一半

但人係有天性

點睇荷里活斬人單野？
係未因果？

其實當你發現有時你連自己嘅呼吸都控制唔到，你就會深切理解到越執着，只會越痛苦，放下先會自在

震頻？乜嘢嘅震頻？高過幾多Hz先算好？

佛學（緣起法）其實可以獨立於輪迴呢個概念

算係無神論者
但偏向相信佛學
佛學主要提倡改變自己，放下執念，有善心
凡事順其自然好事就會來

耶教就你唔信/質疑個神就要落地獄，係異端，係魔鬼

單純遠離所有人，咁你自己本身根本無改變過。砍腳趾避沙蟲
完全唔妒忌人當然做唔到，但淨係少啲諗人，做好啲自己，唔影響自己心態已經夠

你去睇吓啲cyberpunk 文學
同資本主義嘅意式形態硬碰 企圖要做個特別嘅人 唔畀人剝削根本冇好下場 你首先要認清嘅一個事實係 你唔係權貴 就係權貴隻狗 無例外

我就係諗唔通呢個理論，完全唔合理，明明自己無作孽，但又要受

提到中道，咁你點睇中觀般若學既二諦觀
〈觀四諦品第二十四〉：
「眾因緣生法，我說即是空，亦是為假名，亦是中道義。」
你覺得最準確既解釋係點樣？

「開悟期間的確要執著係有為法上」
咁咪已經係同佛學所講「空」既概念自相矛盾？一邊叫人信因緣所生法，一邊又話開悟就一定要執著（未計本身「想開悟」呢個行為已經係一種執著）

佢哋啲理論唔係基於哲學，所以聽故唔好駁故

唔係好明，既然所有野都係因緣所起，就算我「知道放下乜嘢、明白點解放下、學識點樣放下，到最後做到真正放下」，我開唔開到悟，甚至能唔能夠開到悟，但原來一切因緣所生法，咁咪姐係虛無主義既支持者？

首先你要明白佛入面「空」既概念
空姐係解無自性，無一樣野係有一種獨立於其他野既本質，而當我地去認知呢個世界時，好自然經常以為呢個世界既野都係有自性
例如你會認為一支筆係有自性，佢有名，有顏色，有形狀。
但佛家同你講，你搞錯左了，呢支筆係由好多野組成，例如咁岩要有人想整呢支筆，咁岩有呢種材料，又咁岩比你見到佢，咁多種既條件要一次過達成哂，呢支筆先可以存在。
你一直覺得「明明自己無作孽，但又要受」
係因為你覺得自己係一個「業」既carrier ，自己係一個有自性既存在，當係可以拋棄呢一種睇法，你就會自然接受上世種既因，點解今世唔關係事，而你，都要食個果。就好似大隻佬電影所講：「日本兵唔係李鳳兒，李鳳兒都唔係日本兵，但係日本兵殺左人，李鳳兒就要死」

我覺得，唔肯定係其他人係咪咁理解/佛陀係咪咁講
戴個頭盔先，始終唔係專業

我覺得冇衝突，不過講緊嘅階段唔同
如果有眾生夠聰明（有慧根）
可能一開始就唔洗用任何有為法（文字/語言）
就可以開悟
但好多眾生未有咁嘅慧根，就要用好多方式去理解咩係空，點解五蘊皆空
有好嘅工具（有為法/方便）去幫到人了解嘅話何樂而不為
但又冇需要好執著係個一個特定嘅字眼上面
修行嘅法門有成八萬四千種，呢套唔啱用嘅咪下套再試下
到真係深知何為空/開悟之後就再冇需執著係任何有為法（字眼/文字）上
用返過海嘅例子，冇船又真係過唔到海嘅
但過咗去之後就再冇需要，呢個時候就唔使執著

不過其實我自己都未係好了解到咩係空，文字上嘅定義睇咗好多，但又唔覺得係了解

甚至其實宜家係到解釋追求開悟是否執著都係一種執著，都冇需要深究

始終佛教嘅究極目標係離苦得樂，如果過程入面有任何事令到過程冇咁信你或者咁苦，咁就可以放低/唔好執著呢樣嘢
但如果同你目標係一致嘅，咁就冇需要執著呢件事係咪執著

如果話有方法可以畀你記得番前世做過啲咩呢
但係就要透過修練禪定

就好似失憶
失憶之前做嘅嘢係咪完全唔洗負責任

關於空，我可以同你討論下
空姐係無自性，任何野都冇一種獨立既本性／independence。任何野都係需要靠其他野既存在而存在。
不如你講下你對空有咩問題，睇下解唔解答到你

我知文字上「空」會咁樣寫
但係我自己有睇心經
我覺得入面嘅空唔係就咁一句無自性就講到
我覺得觀世音菩薩用咁大篇幅去講個空字應該要有多啲意思
但又諗唔通

我冇睇呢篇，過一兩日有時間睇完嘅再同你討論下

唔洗睇成篇，直觀理解

照見五蘊皆空
空=能量/變化
色=有形的物質

當下一刻，喺受住之前既果影響既同時，係可以創造新既因，令到你之後有唔同既果，因緣法並不是命定論既意思

我自己覺得
一個人學佛
會換另一班新既朋友

因為佛教果種價值觀
同一般冇信仰既人
果種享樂文化唔同

亦都同基督教/天主教/回教/道教
本質上好大差異
佛教係唔講第一因

小弟係覺得
大家係成年人
如果你揀信仰佛教呢條路
係一個慎重既決定
你人生條路會係唔同