(live) 裸辭獨遊日本四國三星期 (2)

等我聽日嚟為大家試伏啦

呢邊真係戶外活動多，落雨冇乜嘢可以做

識貨呀

好

時間去到5月5日，備前市day 3

琴晚同佢講咗我今朝十點食早餐，點知我瞓到十點半先醒，搞到佢哋擔心我以為我出咗事，我對你哋唔住

又煮咗好豐盛嘅一餐早餐畀我同佢兩公婆傾開先知道，原來我呢幾日食嘅早餐，大部分都係佢哋後花園自己種，唔怪得知咁好食




食完早餐之後，順便食埋我琴日買嗰件千年杉手信，個賣相係幾得意，真係幾似一棵樹幹，味道就正正常常冇乜特別，但屋主都好畀面我，照話好好食





繼續撚下屋主嗰四隻貓，原來黑貓仔yamato 係畀人棄養嘅可憐仔，望住佢依家仲係咁親人，屋主一定係對佢哋超級好，先可以重新獲取返佢對人類嘅信任

想問大家點睇一泊二食， 定prefer 淨訓， 出去試下餐廳

Last 2日係高松
今晚去咗ステーキハウス　千万
幾好食

舒舒服服一泊二食好正

我會睇下住宿附近本身多唔多食肆
可能一兩次，但個人嚟講主要都會揀出去食，起碼有得揀食乜嘢

一齊改遲啲機票 玩多幾日啦

btw 呢間鐵板燒使唔使預約？食咗幾錢？睇佢官網嗰個lunch course好似都幾抵食

係真係幾老尷

我仲讀緊書果陣去過一次
一果陣我未學日文，完全唔明佢up乜
二窮學生無咩錢，見到啲服務全部都貴貴地，好似叫佢唱首歌都5，60蚊

真係無咩好體驗

我又係walk in，
如果你預約既會獨立一張枱有人serve你。
我同fd就坐bar枱位。
我食最貴個隻就15000yen左右

好，thank you

我都見到 純傾計都算抵玩嘅

準備去小豆島做最後一日行程

落雨真係好悶，我地今朝諗住5點去青島都睇貓都取消
係松山四日好休閒
去左坂上之雲度hea
叫做睇下ando嘅建築

期待巴打你講下四國水族館好唔好玩
聽日就飛四國獨遊, plan咗一日去水族館但個景點太新, 上網淨係搵到D擺明係廣告既遊記

天氣唔好去小豆島好慘

日日係度睇緊天氣好緊張

留名 天氣唔好我都轉行程

喺屋主嘅推薦之下，去咗一個應該冇乜外國旅客會去嘅地方 備前長船刀劍博物館。

屋主順便去附近游水，所以去程可以車埋我去，但回程就要我自己搞掂，佢位於一班次疏嘅jr站附近，離jr 25分鐘步行距離，交通不算方便




「備前」就係指古時嘅備前國，「長船」就係鑄刀嘅其中一種門派，聽講話我身處嘅呢個地方，古時喺全國最大嘅鑄刀學校，長船派嘅刀就係品質嘅保證。

好細心咁樣分埋高度，話你知企喺邊個位先睇得最準



可惜大部分刀劍都係冇刀柄同個刀套，氣勢差咁咗啲




原來除咗睇刀身之外，仲可以睇「刃文」，就係把刀反光嗰個紋路，反映到個師傅個整法同埋手勢，作為門外漢真係開眼界



再認真望下刀劍嘅刃文，真係好撚型把劍一出鞘就已經可以凶一凶人

行完展館，仲可以真係睇下刀劍鑄造嘅過程，分咗做五間小屋，每間小屋裏面都有唔同嘅師傅做緊唔同程序。

咁啱依加鬼滅做到去刀匠村篇，我透過動漫睇多咗好多整刀嘅過程，估唔到咁快有機會可以親歷其景




依家科技進步咗，燒紅舊鐵之後，唔使再用鐵鎚逐下逐下去揼佢，令到佢變成刀劍嘅形狀，直接放入部機就可以代勞

(但我睇動漫嗰陣，佢嘅表現方式畀我覺得
，始終都係人手逐下逐下打鐵比較有味道)




呢位師傅整緊刀柄，好似繡花咁樣，好仔細整緊刀柄上面個花紋，全場一粒聲都唔出，驚聲嘈親佢 望住師傅認真嘅背影，唔通呢個就係傳說中嘅就匠人精神




遠征中



亂中有序嘅刃文



下圖三樣嘢加埋，大約要3700 yen左右 係我買過嘅紀念品啲都算幾貴，畀錢嗰刻就想斬手指






其實佢係一把信封刀，你諗下，放樣咁嘅嘢喺書枱，得閒冇嘢做喺刀架到攞把刀出嚟拔劍 有需要用嚟開下信封，都幾正啦

(另外佢大大隻字寫住made in japan，最驚係淘寶貨，好彩)

逗留咗3個鐘都係要敗走
不過有去食你上個post講個個そば

巴打幾時完trip?
東京鹿兒島都地震
你有冇感受到？