(live) 裸辭獨遊日本四國三星期 (2)

多謝你入嚟支持 會努力update落去

早晨，今日去到上次行過嘅打工仔烏冬店，名叫：
飯糰·烏龍麵 麵處 綿谷


上次經過嗰陣係中午12點，排隊條隊去到對面街 今次大約十一點半嚟，排少少隊就入到，周圍仍然都係恤衫上班族，似乎係兩餸飯之類嘅抵食之選，好似比較感受到高松嘅日常生活




牛肉烏冬，烏冬啲牛肉不嬲都唔多好食㗎喇，但係牛肉味浸咗落湯之後，碗烏冬更好食咗 炸物就普普通通

係超快速出餐嘅情況下，可以做到呢個味道，價錢又唔貴，所以話高松啲烏冬真係好吸引





有啲心動

四國真係幾正, 我之前想去係因為睇到IG 日本人影個D勁靚風景相
所以上年紅葉季就去左, 去完覺得絕對可以黎多幾次

景靚, 食又好食, 酒店又唔貴, 自駕又舒服

樓主有無食過 まぐろ食堂てん ? 拖羅勁好食

搭車

勉強，睇你target 嘅景點喺咩，大路嘅就ok嘅

冇未聽過依加，但去咗附近個四國水族館

我指未聽過，直到依加先知呢間舖

我IG搵 高松美食hashtag 見D日本人推介
有時間試下

尾已爛

仲有人睇緊架⋯⋯

我錯！ 偷懶咗
聽日開始更新番

細佬錯了

快手開3

月尾去，靠樓主sharing

前幾日由post1睇到2
仲以為已經完左post
Btw 好睇，唔好爛尾

樓主又話「聽日開始更新番」既!?人呢?

唔好爛尾

live左, 留名G持

食完烏冬之後，就出發去直島搵 威威先生 巴打會合 今次坐大船，上咗去頂樓甲板吹下風，望住高松市不斷遠離自己，感覺很自由




落船之後去到呢間舖租違反物理定律嘅神器電動單車，大約二千yen，有少少貴，但架車都唔錯嘅。老細英文唔錯，雖然淨係簡單傾咗幾句，但都聽得出





我冇做咩功課，淨係識最著名嘅地中美術館，咁就直接由碼頭踩到嚟呢度


美術館一帶路況有少少複雜，有一段路係唔畀踩，要落車之後再慢慢行過去。另外美術館嘅售票處同正式入口，有一段距離，搞到我哋耽誤咗少許時間




門口有隻橙肥貓，一睇就知係好親人嗰種，當我遞隻手畀佢聞一聞之後，就即刻係咁用個頭撞我

撚完貓之後就入去了，入面都係唔畀影相，只可以喺入去裏面條通道影一影。佢全部建築都係呢一種灰白色嘅外牆，幾有質感，睇上去有啲工業風? 摸上去幾舒服。





我本身對呢啲現代建築喺冇咩興致，但今次真係改觀，佢成個建築物本身已經係一個藝術品，入面有四五個唔同嘅展區，就好似係藝術品裡面去睇藝術咁


喺圖一可能都留意到，佢成個藝術館基本上都冇燈，完全係靠自然採光，所以入面好多裝置藝術嘅建築，都可以睇到點樣設計佢個採光，佢設計過自然光點樣投射落去眼前呢個藝術品度

(唔畀影相，以下兩張為google)





由於都係冇得影相啦 所以唯有揸住張postcard講下( 逼住我課金買)，呢一個展區最印象深刻，要我哋行上幾級樓梯先，但眼前嘅嗰片藍色，究竟係一個熒幕定係一個空間都睇唔清楚


行入去之後原來喺一個密封嘅淺藍色迷霧空間，裏面判斷唔到距離感，唔太肯定實際上有幾大，地面不斷向下斜，而且又睇唔出佢嗰啲藍色同埋啲霧喺邊度整出嚟

好神奇嘅一次體驗，我講唔出有咩好特別出色，純粹係比到我一種未試過嘅感覺

逛完美術館之後，去到佢間cafe坐下，沿用咗美術館嗰種灰白色建築風格，再加啲日系木色建築





煙三文魚普普通通，反而啲菜同洋蔥幾好


呢個角度唔知點解影到成嚿碳咁

直島

樓主如果鍾意呢類建築風格，可以search下 安藤忠雄。你會發現新天地。