(live) 裸辭獨遊日本四國三星期 (2)

原來係咁 因為我見佢每張支付QR code牌，下面都有支付寶個logo

咁奇怪，我見佢地面嗰層，會貼個日曆出嚟，講明呢個月邊日開幾點

要hea高松嘅話，參考我真係最啱喇

下次認真遊下四國

有無巴打去過高屋神社
自己去有無咩攻略 回程煩唔煩

丸龜果間大褔真係幾正，皮夠薄，個婆婆仲送左2個泡芙俾我

咁好 點解咁好

冇呀，非自駕交通真係好嚴峻 單程都兩個半鐘以上

如果有幾個人嘅話，觀音寺jr站落車之後截的士過去都ok，自己一丁友真係搞唔掂

因為想食果款大件啲嘅大褔果日無供應，得細果啲，可能係咁作為補償？

主菜到了 睇圖都見到質素唔錯，係份量太少，唔夠喉




同舊炸蒜一齊食先係最正

但老老實實，雖然質素都係唔錯，但係同我自己出去燒肉比，同價位相比，質素都係差少少，當然，鐵板燒食嘅喺服務，咁樣比都唔公平，整體我都滿意嘅



好撚扮嘢嘅一道甜品 真係純粹打卡用，實際上就係普通雪糕加幾舊生果，再加個好扮嘢嘅糖絲

跟住坐jr去到宇多津站，行10-15分鐘，就去到四國水族館




望一望時間表，啱啱趕得切睇海豚表演 其實都見到個海豚表演池規模唔大，比唔上香港海洋公園，優點係係在於親近，大家都可以企喺海豚池隔離，同海豚超近距離接觸(亦代表極大機會畀佢整濕)




好肥美好想摸



循例嘅跳水表演

有share taxi.



未試過，打算過兩日唔落大雨就試下。

食咁多好野係要還咖

冇出去食好嘢都照爆 我條命好苦

琴日去左祖谷溫泉酒店住左晚

識玩一定係咁玩

遲下幾日都落雨

apply過
無回音
香港地請人睇年紀

酒店業何嘗唔係

去吉野川玩激流就啱啦

祖谷溫泉酒店好full下，我呢啲即興嘅係去唔到嘅


好似冇提過，其實之前我由諗住去四國開始，唔夠一個星期內，就已經飛咗過去

渣架, 咁多間應該點都執到間房既

跟住去睇企鵝，咁啱撞正餵企鵝嘅環節

其實淨係隔咗一張網，唔係好似海洋公園咁隔咗一度厚玻璃，感覺上係close好多，餵飼員同觀眾嘅交流都多咗，同啲飼養員一齊笑啲貪食嘅企鵝




望住班企鵝無論食咗嘢咪都照衝埋嚟，餵飼員要認返邊隻打邊隻，睇下佢究竟食咗嘢未，定係過嚟執雞

望住自用完攞住塊板數企鵝，令我諗返起一套冷門嘅動畫，白沙的aquatope，唔知有冇人睇過 睇完對日本水族館有啲錯誤嘅幻想





循例都係有啲水魚野，貼著海豹公仔就賣呢個價



水族館標準打卡位，不得不承認呢種影相係幾有feel，可惜我自己一丁友，就唔影啦

返返去睇魚，佢分咗幾個區域，最大特色就當然係瀨戶內海嗰個展區，你見佢係真係幾畀心機，有真係還原返瀨戶內海嗰個場景


呢個係四萬十川流域




唔記得咗喺邊度，但我係真係喺四國見過背景呢啲一嚿一嚿嘅嘢，好似係小豆島？ 佢都真係還原佢出嚟



另外我好欣賞呢水族館嘅地方就係，上文都有提過，就係佢好有溫度

好似呢條魚好鍾意匿喺度瞓覺，跟住佢又特登影咗佢瞓覺張相出嚟我都咁啱見到，佢真係喺同一個地方瞓覺