(live) 裸辭獨遊日本四國三星期 (2)

歡迎歡迎

雖然係好少嘅事 但自己做嘅事影響咗一個陌生人 係開心嘅

去過一次落毛毛雨又有霧勁心寒

考埋試之後搵你

時間繼續去到5月11號，食完炸串同埋買咗兩本港澳旅遊書之後，仍然未捨得返酒店住，上文都提過今日心情唔多好，去咗高松港海旁行下。


途中見到應該係洗地嘅車以及工人，非常值得尊敬嘅一班人



好大海風，淨係得幾盞橙色嘅街燈，有呢一種設計得好同時又少人嘅海旁，真係好難喺香港搵到




原來有一條向外海延伸嘅堤壩 好似係一條慢慢遠離住城市嘅通道咁樣，深夜我自己一個人喺嗰度慢慢行，乜嘢都唔使諗，淨係得閒望下海浪或者抬頭望下滿天星，咁樣可以咁樣簡單啲做人，真係會開心好多

(之後幾日喺觀光塔影落嚟)


堤壩嘅最尾端，係一座紅色燈塔，係周圍嘅環境渲染之下，有一種驚慄片嘅氛圍







冇乜留意時間，竟然氣到三點幾急急腳返酒店啦，呢個地方幾適合影下夜景，之後可以搵機會再嚟

5月12日，今日聽之前一位巴打講，去丸龜單車一日遊

首先去到有人推介嘅一間舖頭食炸豬扒飯，嗌咗最貴嘅橄欖豬扒，大約三千yen左右，以炸豬扒飯呢個真係唔平




老老實實，我就覺得一般，睇圖都見到啲橄欖豬係好實淨好足料，食幾舊係真係會飽，但係同時就比較韌同瘦，唔太適合用嚟做炸豬扒




如果google translate冇玩鳩我，注一係寫「請注意，我們不為女士提供額外的米飯。」 係人都會肚餓，咁唔公道㗎咩 係咪乜嘢潛規則



轉眼間再次嚟到丸龜，500 yen 就踩到電動單車，公家嘢就係抵啲




首先就梗係踩去丸龜城，我圍住成個城踩咗一圈，都搵唔到泊車位，唯有硬著頭皮踩入丸龜城個公園裏面，我就跟住前面嗰架單車，泊咗喺一個凹位，應該ok嘅

轉做鬼屋應該有得做

我都番咗香港啦四國真係幾正
同咗面具巴食咗幾晚飯

去完四國一去番廣島/福岡完全提唔起勁

google translate無玩你
只係佢個「女士」係指「女士嘅set」
本身係平啲所以無得添飯都合理

跟住要行一段距離短但好斜嘅路，由公園上去丸龜城，所有人同我一樣，都係放低咗部單車，徒步行上去，真係唔好睇小佢，雖然行咗十分鐘就到頂，但已經有啲喘氣



天氣好就係大曬，係咩角度睇風景都係咁靚





第一次清晰見到瀨戶大橋當下見到之後就覺得，應該要搵次機會近距離望下佢

樓豬用邊張IC CARD

四國絕大部分通行，除咗一次唔得之外，其他都ok

參考你遊記先 我今次打算淨係高松hea下算

呢樣真

丸龜城作為12個現存天守閣之中，最細嘅一個，規模的確係比唔上其他我去過嘅城池，除咗樓梯都係一樣咁難行之外實在冇乜嘢特別突出嘅地方



丸龜城嘅天守閣，始終佢太矮，所見嘅風景雖然都係靚，但同我企喺地面所見嘅風景，基本上冇乜分別





我睇佢哋宣傳單張，話丸龜城出名在於石牆，點知睇完張單張之後，一抬頭就見到原來佢倒塌咗而家湊緊錢去重建

去完丸龜城之後，去到一間「丸龜製麵」，呢間野係我朋友介紹，聲稱話呢間嘢先係本店，或者至少係同我哋所熟知嘅丸龜製麵有關係，但係我網上又搵唔到咩資料，懷疑畀人老點咗


但點都好啦，佢都閂咗門，死無對證㗎喇




丸龜冇咩特別好做，隨便踩下之後，發覺原來附近有間一鶴。一鶴就係最出名食骨付鳥嘅一間餐廳之一，高松市中心都有一間，但唔使講一定係排到仆街


踩到去一鶴之後，仲有20分鐘先開門，咁就去隔離個大型超級市場行個圈。呢一種設計感覺上有啲似歐美市郊嘅各種商業模式一個佔地大但係得幾層嘅百貨公司，同埋一大堆泊車位，基本上係預咗你淨係自駕。最似嘅係百貨公司個logo完全有浸歐美味。




香港畀多一倍都買唔到如果我住嘅地方有得煮嘢食，我應該會日日燒肉燒到天荒地暗





熊本西瓜，切到咁樣一舊舊，最啱我呢啲懶人，買返盒先我見佢每一盒都寫埋個甜度

巴打咩機票可以任改

本身我以為一鶴都係行嗰種百年老店style，估唔到原來佢係一大塊落地玻璃嘅現代建築風格，坐得好舒服





叫咗個雞飯同埋老雞骨付鳥，雞飯就普普通通，骨付鳥就的確係幾正，抵佢咁出名





食完之後已經飽飽哋，但係又眼闊肚窄，決定再嗌多咗一份嫩雞骨付鳥


結論證明，我個人係比較鍾意食嫩雞，嫩雞髀骹皮脆肉嫩，因此唔需要好似老雞咁樣，要用較剪剪開佢，可以直接攞起雞骨，一大嚿咬落去一大啖肉落口


又香又脆嘅雞皮都係重點，唔知點解老雞啲雞皮大部分都唔見咗，係一個扣分位





諗住踩返去呢一間食多次大福，可惜閂咗了，算啦，我都食過一次，無憾了



返歸，瞓覺......




本來就真係諗住返去瞓覺㗎喇，但夜晚一兩點就開始肚餓 頭先嗰餐一鶴雖然食得好飽，但始終六點食嘢對我嚟講太早啦




去lawson買咗個宵夜大餐 嗰袋日式中菜大蝦，又唔錯喎，蟹肉真係大大嚿而且有蝦味，啲汁用嚟撈飯都ok 日本便利店真係宵夜天堂

時間去到5月13號，今日又開始落雨 臨時改行程，決定去四國水族館


前一晚有巴打分享，佢去咗一間幾唔錯嘅鐵板燒，我就即刻跟隊，喺佢食完嘅第二日晏晝，就走咗去試

嗰位巴打就係揀咗萬三四 yen嘅正價set，但本窮撚就特登揀咗晏晝去，食佢嗰啲lunch set，4400 yen

千萬 ・高松店
+81 120-234-129
https://maps.app.goo.gl/ZNwLEH14qYNofppj7


湯同酒，都係咁上下啦





大家見到豉油碟嗰pat醬，係檸檬汁，因為師傅問我想食咩醬嘅時候，我淨係聽得明lemon sauce

(日文：Remonsōsu 都大約估到)





鐵板燒嘅最大樂趣，就係有專人serve你望住佢煮完啲嘢食，跟住推向你張枱，感覺很爽

原來佢係咁樣分 冇留意啲set嘅名，用男女命名嘅咁得意

多數係分正常同女士
女士就即係分量少啲同平啲（男人都嗌得嘅）
喺香港應該會俾女權撚投訴

有去地標塔呀，不過去到關咗，響門口望下，都正。

另外， 連鎖店嗰間丸龜製麵根本唔係起源於丸龜市，好似當地市民都好唔鍾意佢地用咗丸龜呢個名開鋪。

我3,4年前去連搭車都唔得SOSAD

係，疫情之後日本都變咗唔少，我覺得最明顯嘅係多咗好多叫做「pay pay』嘅QR code支付，極度懷疑同支付寶有關係

事實係Softbank搞嘅