(live) 裸辭獨遊日本四國三星期 (2)

周圍真係勁多，唔知點解

對佢普普通通，冇話鍾唔鍾意

我成日想打精簡啲，費事講咁多廢話，但結果寫寫下都係越嚟越長，想盡量趁我記得之前，留低多啲細節


你咁講都有少少似又鍾意玩刀，但起碼我見唔到佢有紋身

睇你鍾意咩style，去厭咗大城市嘅話，呢到係幾好嘅選擇

係，特別係我遊記寫到嗰幾日，會經常發生呢個情況


但有時諗返起，又會覺得係咪好似浪費咗一日呢，同身邊成日去旅行嘅朋友傾計，都冇乜人好似我咁玩得咁hea，會喺一個景點留好多個鐘，望住一個景坐咗好耐，或者重複去同一個景點


依家諗返，只可以話係各有優劣，放棄咗
新鮮感，但多咗少許嘅理解，點都好，將來總有機會再去過嘅，唔怕可惜

分享多幾張該地嘅劇照

凌晨期間，開始聽到遠處有啲船嘅引擎聲，行過去一望，先見到原來漁夫已經開始整理緊魚獲，我就話間唔時即興喺度留一個通宵，但佢哋就每日都咁樣做，做漁夫真係唔容易


唔知居酒屋老闆喺唔喺度呢，太暗睇得唔清楚



唔經唔覺已經天光了，離開前再望一望啲漁船




雖然有座山隔住，睇唔到日出，但望住嗰條越嚟越光亮嘅風景線，對我係一種療癒，亦都係一種警號，真係要快快手踩返去民宿，咁搞法真係幾乎唔使瞓

唔瞓打文 大文豪

呢排忙到仆街, 入黎撐下場先

睇番我真係好果斷咁揀左16號黎, 本身plan 6月1號飛就碌柒
成個風食撚到應一應

又真係有星空

我地嗰陣天氣都已經麻麻地，真係好彩

時間大約朝早五點幾，影星影到天光先肯走，迷迷糊糊咁踩住單車返去民宿，換咗件睡衣，下一秒就即刻瞓著咗





醒返已經係十點，趕住check out了

民宿老闆幫我煮定早餐放咗喺枱面，伙食同之前喺備前市airbnb食嘅早餐差唔多，都係一啲方便料理或者係預先烹調好嘅嘢食



但係味道仍然都唔錯，而且冇種頹味。我諗主要係因為日式料理鍾意用細碟上，雖然靚，但要洗多好多隻碗，我自己煮嘅話都係唔會咁做




庵治呢度真係冇咩特別嘢做，基本上冇咩開嘅商舖，咁就去食lunch，去到鎮上少數有開門嘅食店

一行入門口就好顯眼，老細一見人就會問佢想食乜嘢，雖然我大約聽得明佢問乜，但我都要攞張menu translate下先嗌到嘢食，又一次搞到全場都知道我係外地人



嗌咗碗炸蝦烏冬，等待期間就攞咗幾串關東煮，味道正正常常



碗烏冬又係大過我塊面，可惜味道就普普通通 本身我仲有啲期待，以為有可能喺啲咩隱世手打烏冬



老細送咗杯嘢畀我，以為係可樂，原來係麥茶

巴士落車之後，開始長征，今日太陽都猛，路上又冇任何建築遮陽光，唯有一邊曝曬一邊行

(當然，同香港天氣比，其實都算舒服㗎喇)




喺民居周圍嘅小溪澗附近，竟有好多隻龜，而且狀態都唔太好，唔通係棄養？




去到 野口勇庭園美術館，其實呢個地方都係我前一晚用google map亂咁搵，對佢完全冇咩概念

去到先知原來門票要二千幾yen，而且我walk in嘅話仲要等一個鐘，再要另加1000 Yen... 咁就不了，算啦


喺佢個售票處hea咗一陣，就當去咗了






繼續路程，沿途影下呢個美術館展區外部嘅一啲展品，喺我眼中就係一堆胡亂擺放嘅石頭，我都係冇咩藝術細胞去欣賞㗎喇

沿途好多莊稼，井井有條



本來目標只係行上去八栗寺，沿途見到一個指示牌，有個地方叫做 石の民俗資料館，既然呢度出名庵治石，咁就當然有佢一看嘅價值



巴士落車之後，行咗二十幾分鐘嘅成果開始出嚟，喺呢個石之民族館外嘅景色，簡直一流有好好嘅天氣加上整潔企理嘅綠地，仲有返少少自然風



展廳並唔大，由於我琴晚瞓得兩三個鐘，都冇咩心機認真行

見到好多著名建築嘅圖片，例如聖天使城堡、金字塔、最後的晚餐畫、復活島石等，當時我心諗，你唔係打算同我講全世界嘅名作，都同庵治石有關呀嘛

睇真啲，原來淨係介紹下世界上其他唔同嘅石頭，睇嚟都係因為庵治石本身冇太多嘢好講




雖然展館規模唔大，但佢有限嘅地方裏面都放咗好多雕像，還原當時嘅狀況我覺得手工真係比得上香港山頂個蠟像館


頭幾秒真係懷疑緊係咪真人扮出嚟，真心似

唔瞓打文 大文豪

還原咗一個大型石礦場，原址就係呢度附近，但我唔夠時間去了



果然都係要有呢一種搬運石頭嘅工具，先可以發展到石藝諗起以前睇一個展館，係研究緊埃及的人，係點樣石頭搬嚟搬去，同埋砌上去金字塔，真係唔好睇少古人嘅創造力




exactly係我返工時候嘅真實樣子，無需多言

佢嗰副萬念俱灰嘅表情，同埋齒輪般嘅工作模式，已經完美同我嘅悲劇人生相映成趣

幾好睇 睇遊記就係睇依D野

展館裏面連廁所對門，都係模仿緊庵治石，實際上只係貼咗啲磨砂紙上去


跟住隔離有一個小展館，係講述呢度同美國某個小鎮結成sister city嘅詳情，難得見到一啲我睇得明嘅文字。elberton呢個美國小鎮，我係完全冇聽過嘅，但都係一啲出產石嘅地方，所以就結成咗友好城市




睇相都見到，雙方都派咗好多學生去互相交流，睇相都覺得好開心
牆上嘅資料仲話，美國呢個鎮好多人中因此對日本產生興趣，甚至仲喺呢邊，特登請咗幾條友過去教日文





有張流流地嘅證書



最後一幅呢一帶地區嘅一個風景圖

跟住見到紀念品店，諷刺嘅係我呢啲選擇困難症，竟然喺紀念品店花咗最多嘅時間，仲多過睇展覽

有好多庵治石嘅工藝品，好多其實價錢都好平，感覺上眼前呢啲工藝，喺香港經過包裝之後，可以賣幾倍價錢

攞呢嚿三角石去放眼鏡，硬係覺得怪怪地，係咪特登玩嘢



幾得意





呢個嘢最吸引我，價錢又抵，又方便我睇書，望落去好有質感，但真係太重 又有少少後悔了




最後買咗一粒未經打磨嘅庵治石仔，只需50 yen實用性為0，觀賞性都好低，但都有紀念價值㗎，始終佢真係一粒庵治嘅石頭 ，當然最終原因不外乎都係價錢





另外買咗一堆非庵治產嘅石仔，一睇就同其他石藝品有格格不入的感覺，我估計甚至唔係made in japan㗎啦 嗰啲咩能量石嗰啲嘢，我不嬲都唔係好信，但見佢平就買幾粒嚟玩下

感謝

屌臨尾幅圖 應該叫你買粒返嚟俾我好平