(live) 裸辭獨遊日本四國三星期 (2)

玩這你就知

以前喺桂林同台灣都自己玩過

我係高松20號走，如果你仲係度又有興趣搵我食晚飯tg我呀
不過今日啱啱食飽咗嚟緊三日去小豆島直島豐島

http://t.me/chu0232

我尋日去都見到有

係正火槍隔離

可能係因為日本黃金週？我去嗰陣見到佢有啲展品係封咗，好似仲有啲自修室電腦咁嘅嘢封住咗

可以呀，應該差唔多走，最尾呢幾日都會喺高松，等陣tg搵你

時間去到5月6日，最後一日喺備前市，今日我又臨時改行程，重返小豆島住一晚然後第二日返去高松


最後一餐飯了，佢哋煮得特別豐盛，早餐嚟講真係未必食得落咁多嘢，除咗咖哩湯汁之外，基本上全部嘢都係佢哋自家種呢種自給自足嘅健康生活，真係夢寐以求




臨走前再同啲貓玩下，佢哋都開始認得我了 yamato 仲係咁用條尾打我，最尾個抱起佢嗰陣仲搞到我成件hoodie都係貓毛，拜拜啦





本身係松山嗰時，重本買咗幾條伊織毛巾做手信，但轉念一想，與其送畀我班損友，不如送比屋主仲好

好彩屋主佢哋收到都好開心，同前幾日買嗰個咩千年杉蛋糕唔同 我見佢哋係真係開心嘅，仲商量緊條毛巾放喺邊度好





屋主兩公婆裏面，老婆已經彈咗二十幾年琴，琴上面幅畫都係佢畫嘅 喺疫情前佢哋仲一年去一兩次旅行，去唔同嘅景點畫畫。我望住佢哋，總覺得咁樣先至係生活，先係人生呀


另外，同佢講起原來佢個女嫁咗去南非，嫁咗畀個黑人rapper 然後屋主兩公婆都成日去南非，睇動物大遷徙(費事影人哋屋企人嘅相啦)



呢幾日都有去行下佢嘅花園，其中行過應該係橙樹？呢粒嘢竟然係可以直接連皮食，食得好痛快

真係隨便行隨便摘啲果實去食，好似反璞歸真咁樣，有時去旅行，就係想感受下呢一種，同城市相反嘅生活方式




臨走前影咗幅相，請鄰居幫手影，影到好似家庭照咁樣 我覺得佢哋真係當我仔咁湊㗎啦

人哋就淨係遮樣, 你就成個人唔見咗, 咁好咩

今日又開始長征，施住個喼，首先就坐一個鐘jr返去岡山市中心，跟住再轉巴士去宇野，浸過溫泉之後，再坐船去小豆島




到埗宇野之後，重返呢一間我好滿意嘅溫泉，我突然改行程，再去多次小豆島嘅原因之一，都係為咗呢個溫泉。

但結果就有啲不似預期啦主要同人多同埋心情有關，浸得冇上次咁開心，仲搞到濕疹差咗少少，兩次之間個比較，我上個post有提過，依家就唔再講啦




浸完溫泉，繼續去返溫泉裏面間餐廳食飯。我本身係準備搭尾班船去小豆島，但櫃檯嗰度寫明三十分鐘前先開賣船飛！安全起見，本來打算早一個鐘去櫃檯始終今日係黃金週


最好笑嘅係，我依家食緊飯嘅呢一個位，當我用手機相機功能放大二十倍之後，竟然見到個船飛櫃檯 跟住我就可以慢慢食飯，一路check住有冇人開始排隊




上次食過，覺得幾好食嘅炸魚餅



今次嗌咗個咩桃炸豬扒，始終岡山出名桃，見到相關嘅表你都會想試下。但食落都係好普通，冇特別食到乜嘢桃味，要1700 yen 都幾貴

人哋就淨係遮樣, 你就成個人唔見咗, 咁好咩

樓主冇嘢值得睇啦

鏡頭一轉，我哋已經重返小豆島，去返熟悉嘅地方感覺真好 探索得太多新地方，都有啲攰

要等一個鐘，先有巴士前往民宿，咁就周圍行下，先發覺原來碼頭嘅二樓有個高木同學觀光中心，可惜已經閂咗門





跟住去便利店買少少量食補給，竟然畀我見到有得抽野獸飯同埋橙魔童

我一直係魔童嘅大粉絲，但龍珠劇場版出咗咁耐都未肯出新形態figure，就算出咗都好似而家咁，呃你倒錢落海去抽，冇得就咁樣買，好仆街








抵受唔住誘惑買咗兩抽，本身都係諗住抽啲垃圾算，點知竟然抽中咗一隻擺明係倉底貨嘅悟天格斯，我個喼已經冇位㗎啦，唔好再咁樣傷害我



再隨便影下碼頭周圍，私心覺得圖二幾有feel

重返上次住嘅嗰間小豆島民宿，地下係band房+咖啡館，一樓係民宿，嗰一間，重申一次我係非常推介呢度嘅


我喺倉敷嗰度買咗啲清水白桃啫喱，送畀民宿老闆，老實講其實唔係貴嘢，都係400 yen左右，再加一個靚少少嘅紙袋袋住

估唔到老闆俾我想像中開心好多。估唔到我用幾百yen就可以買到人哋嘅開心，世界變得更加美好好彩當時買咗手信嘅自己，有諗起民宿老闆，買多咗份畀佢


二百頭hkd就住到咁大一間房


今次揀咗住海景房，但由於呢度基本上冇街燈，乜嘢都睇唔到 我甚至唔確定，前面嗰片黑色究竟係咪海

民宿放低嘢之後，繼續去返上次小豆島去過嘅地方，依家去上次食過好好食嘅串燒舖 去搵多次民宿老闆同埋去多次串燒舖食串燒，都係我特登改行程，重返小豆島嘅重要原因



入到去之後，估唔到老闆仲認得我，好開心我都用行動證明咗，我上次讚佢啲嘢食好食，唔係客套說話，我同佢講我特登返嚟食多你一次㗎


今次我認得邊啲串燒我鍾意食，直接嗌全部我鍾意嘅，雖然今次冇鬼滅直播睇，但都係食得好爽




今次特登留咗肚過嚟食，除咗食串燒之外，仲有胃口食多碗拉麵

我睇唔明menu，呢碗拉麵係老細幫我簡的，湯底應該係蒜蓉同鹽。雖然佢比唔上正式拉麵店嗰種味道，但都唔錯，而且呢個程度嘅拉麵，就係好有居酒屋嗰種感覺




畀google translate呃咗，以為係炸豬扒之類




食飽之後同老細Google Translate 式下水，我同你講我已經去咗橄欖公園同埋天使之路，仲有乜嘢景點好推介？跟住佢竟然答我，冇啦..... 始終本地人同外地人嘅視覺好唔同，我都理解的


下圖呢兩隻就係我認為呢間舖最好食嘅，一定要嗌醬燒唔係鹽燒，有冇日文大師可以話我知係乜嘢意思？

佢地2個好似好高咁

樓主有冇諗過快啲儲錢之後又返去佢哋嗰度住同玩？
你應該有同佢哋交換contact?

無問題我今日去小豆島

左邊 https://www.3030.co.jp/template/default/trivia/no12/img/img_001.png

右邊 大蔥雞肉串

佢地2個好似好高咁

唔算啦，我都高過佢哋

都有呢個念頭其實，但一跌返去現實咁諗，畢業之後空窗期咁耐，都驚之後更加搵唔到工

屋企嗰邊都絕對唔會想我離開屋企咁耐，有冇巴打都去過working holiday？

原來係雞頸嘅部分 好食喎呢個

你話備前市屋主？有想像過

無圖無真相