(live) 裸辭獨遊日本四國三星期 (2)

樓主好幸福

你哋食啲烏冬好多時都係人腳踩出嚟
手工製作嘅嘢產量可以有幾多
同埋唔使休息咩

你講中曬我心聲 今日我躺平 一點幾先起身 落到街之後好多食肆已經收咗

歐洲都係咁樣，好興落場 特別係西班牙，班西班牙佬鍾意瞓晏覺 想搵下午茶食難過登天

我見你條友都個個月走咗去越南

反而鍾意呢類自助性，因為預咗會浸湯食

淨係做早午市夢寐以求既生活

幸福賓周

性上癮

冇錢去日本，去日本一次 夠我越南三次

坐車坐到眼瞓
少有Jr唔準時搞到miss咗巴士

之前睇完四國遊記照跟，鶴丸真係好好食

牛肉加蔥花要烏冬嗎

唔記得咗添

行程計畫成點樣呀

時間去到五月四日，住喺備前市airbnb嘅第二日，今日決定去姬路一日遊


其實本身完全冇諗住離開岡山縣，但我而家身處嘅備前市，位置上近咗姫路好多，比起由岡山出發可以慳多半個鐘，加上都有巴打提過姬路城，咁就出發啦
(當然，岡山搭新幹線去姬路只需20分鐘，最快，但我冇錢搭吖嘛)

坐我對面嗰度日本情侶，全程車都喺度玩自拍好煩



去到 播州赤穂jr站轉車，要等20分鐘左右就喺車站附近行下，睇周圍都算係一個小型城市，又有一啲歷史背景，我見到觀光案內所都好努力佢介紹嗰啲座城市，但我相信始終大部分人，都淨係會當佢係轉車站





呢架小黃車幾靚

樓主喺日本咁樣影鳩人

頭三日小豆島/豐島/直島
之後直落四萬十
再上番松山
經島波海道去尾道
再去廣島
福岡走

不過啲更氣變得快都會再諗點改

Yamato 咪黑貓宅急便

到埗了，由於今日行程係突然間入去，所以真係冇做過功課，今日淨係得一個目標，姫路城！


jr站行十幾分鐘就到，但我懶得滯諗住搭巴士本來諗住又要嘥好多時間去研究巴士點搭，估唔到佢直接喺巴士站牌上面印咗姫路城個logo，一眼就會見到邊架巴士係經姬路城，日本設計真係冇得頂




落巴士之後，因為而家已經係下晝三點，要直接去姬路城，冇時間食晏


搵咗一間好明顯係做遊客生意嘅餐廳 (冇影到menu ，Google map搵的)，但呢種餐廳始終都係最啱我，menu有英文簡單易睇，而且google map評價都好高




嗌咗一串神戶牛串燒，叫價2200 yen 成世仔第一次嚟到兵庫縣，身為和牛殺手，點都要食一次三大和牛之一嘅神戶牛

雖然睇落好貴，但轉返做港紙都係130 hkd，香港好少地方賣啲難食嘅和牛串燒，都差唔多價錢，咁樣諗即刻心理平衡咗





的確，真係非常好食，食完差啲想攞起嗰碟奶埋啲汁 舊舊都係幾乎入口即化，順住個肉嘅紋理一口咬開，就自己散開咗唔好睇佢只係簡單街邊檔，質素絕對唔會差過，我上幾次我坐喺餐廳食三四千yen嗰啲

呢檔嘢似係一班後生仔自己搞嘅



覺得呢張相影得唔錯 (自己讚自己)



Kushiyaki Kobe beef
+81 79-244-9497
https://maps.app.goo.gl/f6yRHHKFZW3hyxxv5

影外國人就冇所謂啦，佢哋都唔會見到，我就唔信有日本連登仔睇我post


香港人嘅話就一定會遮樣嘅，如果開樣都一定係因為我問咗話ok

不愧係世界文化遺產，氣勢的確係唔同啲




冇做功課，我都知道出名，但估唔到去到呢個程度，出名到要預備24國語言



要等一個鐘先上到天守閣，我都有心理準備㗎喇....

喺出面已經要開始排隊，好彩天氣唔錯捱得住，排咗半個鐘左右就入到去




但估唔到入咗去之後，仲要再排隊，排完之後仲要逐層逐層迫，好似新年行年宵咁樣




毫無氣氛嘅天守閣 迫到傻



天守閣有一個神社，已經有好多年歷史，但佢嘅功用就係眾說紛紜。自從姬路城奇蹟咁樣避開咗二戰美軍轟炸之後，啲人就覺得係呢個神社保護咗姬路城，所以呢個就變咗做天災同災難之神，我懷著虔誠嘅心參拜咗佢




風景係唔錯，但真係太多人，冇咩時間去感受佢




最尾再望一望佢嘅模型，我不嬲都好鍾意呢個環節，可以用呢想像下當年嘅呢啲日本城池，喺當時社會有幾咁有權威同埋地位，甚至係成個城市都係圍繞住佢而發展

客官講，姬路城的確係目前為止我去之中規模最大嘅城市，因為佢咁多年嚟從來未被攻破過，連二戰空軍轟炸都避開咗，保存狀況非常好。建築裏面，每一層個樓底同空間都明顯係大過其他城好多


客觀嚟講係一個值得去嘅地方，但只係我嘅主觀感覺，淨係feel到好多好多人，冇了....






我透過上次倉敷之後獲取咗教訓，就係依家日本黃金週期間，要盡早去排隊，唔係真係冇嘢可以食




去咗呢間有巴打推介嘅拉麵，佢開門冇耐我就去到了，排十分鐘左右就入到去



可惜，似乎唔太啱我口味，麵同叉燒都做得幾好，但佢個醬油沾麵湯底就唔係好啱我，甜得滯，可能我都係鍾意傳統啲嘅豬骨、味噌嗰啲湯底多啲

Yamato 咪黑貓宅急便

我一直都唔知道黑貓宅急便嘅日文發音，佢個商標就成日見到，特別係睇完魔女宅急便之後更有感受

咁唔怪得知改呢個名，顯然易見