(live) 裸辭獨遊日本四國三星期 (2)

多謝祝福 係好好嘅生日禮物

今晚開始打文

四國真係幾正
岩岩去完除左道後之外 其他地方都冇乜遊客
有撞過日本人本地旅遊

繼續推

喺umie cafe hea完之後，又同咗威威先生巴打出去搵食，聽佢講原來tvb有人嚟過介紹呢間cafe


巴打佢想試下食骨付鳥，咁我都係推薦啲大路嘢 一鶴比佢。我預住近市中心嗰間會太多人排隊，所以我就帶咗佢去遠啲嘅太田站一鶴，距離市中心四五個站，落車仲要行多三四個字。


點知最後呢一間一鶴都要排隊，水咗巴打一齊同我去中伏 周圍係一啲for當地人揸車去嘅商場，周圍嘅餐廳都滿咗人，最尾走咗去食mos burger 算



價錢同埋食物都同香港有八九成似 食物質素都係差唔多，估唔到口味做得咁似，簡簡單單食番一餐comfort food，都ok啦



太田站附近仲有一個港人著名景點，一場嚟到點都要去朝一下勝

我仲記得幾年前喺連登見過一個post，係分享一啲日本嘅搞笑地名，今日我終於親眼見到其中一個



喺香港就見唔少，今次喺日本第一次見到有人介議員poster



MOS burger唔夠食呀，返到酒店又食多個宵夜

最好笑係如果去google map睇，評論嘅清一色都係香港人

係咪咕嚕肉黎？

今日早咗少少起身，去到車站買咗啲waffles 做早餐，以前喺比利時食過覺得勁好食，但香港食嘅完全都唔係同一陣味




有好多口味，我又睇唔明日文，唯有用常理推測，左上角嗰個應該係原味，咁就指咗左上角嗰件



唔好食，好乾




上次摸門釘，今次特登再搭地鐵再轉巴士，嚟到呢間法國餐廳，tabelog 同Google map 評價都唔錯

佢去官網睇，佢夜晚最平都要七八千yen起跳，但lunch set就只係三千幾yen左右 本窮人當然係襯晏晝過嚟食的

我本身兩個都plan咗去，但嗰陣因為唔舒服，cancel咗冇去海邊嗰個

我估計海邊嗰個係多嘢睇啲嘅，最起碼個景係好啲，桂濱嗰邊聽講都好靚，好可惜去唔到

雖然我係平日晏晝嚟，但我真係冇諗到成場得我一枱客，全部staff都服侍我一條友


我坐低咗之後，用google translate係咁影個menu，啲 staff 全部好好奇咁行過嚟睇我搞乜，根本都好驚訝原來有個咁嘅功能，影一影相就可以translate啲字，係咁問我呢個apps要唔要收錢 我同佢哋講免費㗎，google translate咋嘛

其實呢個情況我都遇過幾次，究竟日本人係咪其實唔多用google



安排咗我去一個角落玻璃位 周圍環境氣氛都唔錯，我見到仲有部琴，夜晚應該有歌聽



首先食咗呢個香川縣三文魚，配溫泉蛋同埋荀，三文魚好好食 完全唔夠喉




呢啲位又學得咁足，咁學曬法國菜啲衰嘢 咁大個碟，但得嗰幾啖湯

普普通通



主菜，國產牛肉漢堡，已經完全見唔到有法餐嘅影子啦 本身就係食得太多日本菜，間唔中想食一兩餐其他嘢


味道其實都係普普通通，份量唔算多，可能因為佢調味好濃，其實食唔太出牛肉嘅味道，淨係食到個口感，感覺同出面嗰啲平價日本連鎖餐廳差唔遠




成個set都係三千幾yen，我要求唔會好高，所以都算啦，甜品加錢嗌咗一個佢嘅招牌，栗子蛋糕，呢樣真係冇介紹錯，絕對係非常出色嘅一個甜品 我本身對栗子興趣唔大，都覺得非常好食



三層口感互相配合，面頭啲栗子，中間嚿雪糕，同埋下面塊餅，一啖放入口，同時食到脆口、冰涼同埋栗子嘅甜味，必吃推介




由於全場得我一個客 所以其實佢哋都好好服務，侍應都係後生仔女多，佢哋上每道菜都會盡量用有限英文同我介紹，又教我應該點樣食，跟住仲即學即用，用Google translate 同我傾計，食得幾開心


同佢哋講起我今晚去邊度，我提起我應該會去到屋島嗰邊，佢哋就推介咗一個地方畀我，話喺觀景台附近，係時下後生仔鍾意去嘅打卡熱點咁喎，咁就當然要去睇下




餐廳： Kasyo Restaurant
https://maps.app.goo.gl/HDzqdZaCF1HMBx6ZA

冇錯 繼續挑戰中華料理，勉強過得去啦始終唔係新鮮嘅會差好遠

睇你講完 依家plan去桂濱果個唔去近車站果個

原來樓主仲更新緊 岩岩先開始睇 留個名先

個侍應係後生仔定後生女
女既話順便問人地囉埋Line 嘛 話問佢行程/景點野

見到樓主咁 我都好想去返3個星期日本 但到執行個時就無乜勇氣

見你酒店都係見步行步咁book

個侍應係後生仔定後生女
女既話順便問人地囉埋Line 嘛 話問佢行程/景點野

女

龜速更新中

啲staff好nice咁送到我落樓下，然後再拜拜 離開法國餐廳後，行多一點幾公里去電鐵 (呢間嘢位置的確唔太方便)，搭去屋島站，正式開始屋島半日遊



經過一間快活club，應該會比車站附近間大好多，可惜冇時間見識下



半個鐘先一班電鐵 行咗去附近條河hea下，成條屯門河咁，但冇乜異味


更感受到鄉下嘅味道

到達屋島站，見到張巴士站牌先放心小小。點解呢？



因為我今日最大嘅目的，就係上屋島山頂睇夜景，而我睇網上資料，平日山頂落山尾班車係四點幾，係得週末先會夜啲。


今日係星期六，但Google map 同 Y 轉乘案內都冇顯示夜晚啲巴士，勁淆底見到呢張牌，我真係信你㗎啦



第一站，嚟到屋島山腳下嘅四國村



日英餘孽



有個職員講超流利英文 好耐冇試過同當地人流暢溝通了

有好多口味，我又睇唔明日文，唯有用常理推測，左上角嗰個應該係原味，咁就指咗左上角嗰件

清 個牌有英文

捉到鹿唔識脫角呀你