(live) 裸辭獨遊日本四國三星期 (2)

讚岐烏龍麵 めりけんや
+81 87-811-6358
https://maps.app.goo.gl/opGqPi5YhdaewVX39

如果考慮買地理位置同營業時間，呢間最好


Udon Bou
+81 87-831-3204
https://maps.app.goo.gl/Bxet9dofeZFa2Gpy7
呢間就我覺得最好食



呢幾間都唔錯
讚岐烏龍麵 上原屋本店
+81 87-831-6779
https://maps.app.goo.gl/8k4LqbBxy9Bbq8SU9

飯糰·烏龍麵 麵處 綿谷
+81 87-813-1993
https://maps.app.goo.gl/6bAFXwW5kY1RSGN3A

繼續周圍搵可以餵魚嘅新地方，見到有塊牌，「飛來峰」，即管上去望一望




我上次竟然嚟栗林公園，竟然miss咗一個咁重要嘅地方





明明只係一座好矮嘅山，行幾步路就到，估唔到見到一個咁iconic嘅景色，係成個栗林公園，乃至成個高松市最具代表性嘅景色之一。


相信有睇機票嘅人都會好熟悉，因為呢個畫面，就係hkexpress 高松市嗰張縮圖，所以我第一眼睇先會咁震驚



總結嚟講，我上次去嘅掬月亭，同埋今次嘅飛來峰，都係栗林公園兩大必去地方之一，其他景點就隨便逛下啦。


如果我係農場文寫手嘅話，標題應該就係寫「沒去過這兩個景點，就不能算去過栗林公園！！ 點擊下文連結看詳情」



最尾再貼多幾張相，靚呀，真係好好hea

雨勢越來越大，再次走到去youme 商圈，幾好行，衰係衰在交通真係唔方便@我覺得呢點都係成個四國嘅缺點之一，如果你係想呢日本shopping嘅話，真係唔好嚟喇


喺附近一間相機舖行下



透過google translate喺職員嘅介紹之下，買咗一把幾好用嘅自拍棍，4000 yen左右， 真係幾好用，最重要係方便收納，就咁插喺褲袋就搞掂有需要時都可以當相機腳架用




跟住又去望下喼，有一位有mon post既朋友，建議我買多個細喼但當時我仲未決心買多一個細喼，純粹望下價位先




唔知食咩好，唔諗啦，就壽司郎啦，起碼唔驚中伏，懶得滯



要排三四十個，但十五分鐘左右就等到，原來佢呢邊冇人帶位，要自己搞掂，唔怪得知咁快



見到你個號碼之後，攞住呢張紙，放喺部機呢個位scan個qr code，跟住會出一張飛，話你知你坐邊個位，再自己埋位食嘢，全程自己搞掂



喺慳咗唔少時間，但就苦咗我呢啲外人樓豬尷尷尬尬咁擾攘咗一陣，先搞明要點樣入座

原來壽司郎加咗價，我記憶中100 yen一碟，依家最平120 yen，但計返日圓貶值之後，都係差唔多價錢，圍返港紙都唔使七蚊，講真有乜所謂呀 呢個價位先係我嘅壽司郎呀喺香港冇得揀，畀佢撳住嚟搶


我最鍾意嘅燒羅勒三文魚，港紙唔使七蚊一碟，真係當放題咁樣瘋狂嗌



拖羅，味道唔錯
menu同香港其實大同小異，除咗價位平啲之外，冇咩特別嘢食



經過眾所周知嘅壽司郎屁孩事件之後，雖然仲有輸送帶，但已經冇得隨便攞了，每一碟壽司都係送緊去某顧客嘅手中，係已經有人order咗，送緊過去。


可惜冇咗嗰種可以自由選擇嘅快感(喺為數不多有得自由選擇嘅時候)



食完壽司，差唔多返歸了，又要開始大長征，首先要行點幾公里，由商場行返電鐵站，跟住電鐵站落車之後，再行兩公里返酒店



等緊半個鐘嘅一班電鐵，呢個畫面嘅有feel，有一種和諧嘅感覺，所以我鍾意夜晚周圍散步



今晚幾有feel，買咗支啤酒，陪我行落車後嘅兩公里，加咗啲蜂蜜幾好飲，希望香港都有得賣



呢間酒店雖然遠，但真係幾把炮，夜晚落去洗衫嗰陣，個公共空間靚到，仲有今晚冇人 放咗啲衫入洗衣機之後，坐咗喺度發嗰陣牛豆先走

時間去到5月15號，加咗一千頭yem，食咗個酒店自助早餐，質素普普通通啦，係環境幾好，作為一日嘅開端，係幾舒服





望住酒店裏面，一個小型園景食早餐，好撚嘆 呢個就係生活呀，唔係生存



酒店對面有間大藥房，藥物種類非常多，職員雖然識英文但係好nice，始終冇咁經常要面對遊客，通常就會對外人nice啲，仲未對旅客厭倦

但係，呢度冇得退稅，我相信滿足唔到大部分香港人 我個人就係因為我要試濕疹藥膏，要即刻用冇得放入退稅袋，所以本來就冇得退稅，冇所謂





Welcia Takamatsuasahimachi Shop
+81 87-823-1080
https://maps.app.goo.gl/6yvAHvsEeUp4NyLa7

濕疹藥膏如何？
唔係太敢試，定防敏only?

冇咩用 仲有最新一批未開始試，但都冇乜希望㗎喇

琴日試完日式香港菜，今日就試下日式法國菜，食得日本野多，想搞下新意思


呢間嘢喺tabelog 同埋google map都好高評分㗎，唔好睇小佢，但我又比google map營業時間呃咗，已經閂咗門



(預告一下，我之後幾日特登走咗返嚟，終於食到，味道唔算好突出，但佢個招牌甜品栗子撻好好食，到時再講)




隨便喺周圍搵咗一間，得呢間有開



一行入去就對menu影嗰張相，再用google translate睇完之後，指畀老細睇，呢一套流程已經變咗我日常操作



喺同老細隔空溝通之下，最終上枱嘅係呢堆食物，其中碟炸雞喺老細問我食唔食嘅，我唔知佢噏乜，亂咁點頭

碟炒菜炒得幾好嗰份蛋竟然唔係玉子蛋，係仲頹過茶記嘅煎蛋，整體水平就係普通家常菜



碗烏冬仲大過我成個頭 真係食唔曬，只需要四百幾yen，味道就當然比唔上出面堆烏冬專門店，但都叫過得去

多謝支持 新工還好嗎？

自己本身去完的感受係四國就係鄉下拎黎relax的地方
景點去完都無wow無覺得好出色非去不可

例如山長水遠去到四萬十睇沈下橋
附近一堆貨櫃車humhum聲係咁過
當下真係屌左出聲好失望

好處係真係人少 （過完黃金周）
完全唔會有東京大阪人山人海果種壓力


但睇完你個post，又好似好多地方都唔錯咁
有d無去到的地方睇完就當去左lu

食完嘢，準備今日行程，今日搬去庵治町，「在世界中心呼喚愛」嘅取景勝地，住兩日一夜。




好多斜路，拖住個大喼去到呢間民宿，已經得返半條命去到民宿 瀬戸音十庵，老細有少少冷淡，但其實份人喺幾好



睇得出佢好在意同埋好自豪booking.com嘅高評價




原來我間房喺二樓，要行右邊條梯上去咁辛苦將個喼抬到去民宿，仲未回氣，又要繼續抬個喼上去


早知我將個喼放喺jr站locker算，我唔應該為咗慳千幾yen，就咁辛苦抬過嚟庵治反正兩日一夜之後都係會返高松
(其實有諗過放喺check out咗嘅酒店，但唔即日拎走，放過夜好似好衰)



間房就幾簡單舒服嘅，其實我都鍾意瞓榻榻米，我條腰唔舒服，鍾意瞓硬床，塌塌米完全滿足到我嘅需求唔駛200 hkd 一晚，抵就係幾抵



老細手繪咗個地圖，佢同隔離個溫泉做緊合作，只要出示呢間民宿嘅牌，就可以優惠價入去

安頓好之後，首先去咗最重要嘅朝聖地，雨平照相館，依家變咗一間咖啡館，但我去到之後，佢竟然收咗！又畀google map呃咗


最崩塌嘅係，呢度聽日休息，即係代表我今日同聽日都入唔到去，今次旅程永遠冇機會去到了唯有喺出面影張相算





其實庵治真係一個小鎮，真係冇咩好做，我相信除咗我呢啲咁得閒嘅人之外，係冇人會去的

離開照相館之後，已經冇嘢好做，咁就騎住民宿老闆架舊單車，繼續周圍去下，天氣好好，一邊望著日落一邊亂咁踩下，即使係漫無目的，即使係毫無意義，但係我嘅第一感受係ok呀



講開又講，我借單車嘅時候，民宿老闆提我舊單車個煞車掣唔係幾work，跟住同我講made in china，跟住做一個搖頭嘅動作 明明我啱先出示咗香港passport，搞入住手續，老細應該係識啲嘢

特登仲有張牌，標示住所有取景景點，日本人真係好識宣傳



如果睇過套戲，絕對會認得




我都係聽有巴打提過先知道，原來庵治出名石頭 好彩有巴打提點下我先留意到，周圍踩嘅時候，的確係見到好多石製品嘅工廠，通常都係雕像或者墓碑

題外話，我呢一兩日嘅旅程，都會成日同「在世界中心呼喚愛」呢套戲產生連結，如果冇睇過呢套戲，各位可能會覺得有啲無聊


我自己聽過呢套戲嘅大名，但其實我係冇睇過，我係因為喺高松太得閒，冇嘢做搵啲嘢做 我前一兩晚先睇咗呢套戲，跟住走咗過嚟庵治呢個取景地，住兩日一夜

眼前呢一個小公園，已經算係一個景點 有架船搬咗上嚟，當係遊樂設施咁擺咗喺度



就係好空曠嘅一片小公園，冇咩特別，就當係搵個位睇日落




擺咗一啲迷之石雕像



張相好似構圖唔錯 總之就絕對唔係一個旅遊景點啦，純粹當簡簡單單睇下郊外咁樣

見到樓主打抬喼就想問下樓主你日本攞住個喼移動時係拖定係真係手抬
上次同朋友講去到旅行時拖住個喼會唔會怕嘈到人
條友屌我on9扮晒嘢

拖啦緊係 太重根本冇能力長期抬起

你抬住個喼慢慢行，唔係更加阻街咩？

好想再去日本

係街/酒店-拖
入樓主去果D民宿，上樓梯入房先抬，怕磨損人地D 地板/TATAMI

係，上樓梯入房係抬的，屋主都特別提過榻榻米好脆弱，叫我抬就穩陣啲

睇樣都好劣，葵廣級數

入到屋內就梗係抽住行啦

之前住過一間歷史過百年既民宿，踩落去都覺得好脆弱

即刻攞AL 去啦