(live) 裸辭獨遊日本四國三星期 (2)

捱過天使之路，終於上到去了，風景的確係幾靚，而且更加有成功感

但係行到一半開始，勁多嘢飛飛下 多到我隨便影幅相都可以影到出嚟 (圖二) 耳邊勁多嗡嗡聲，搞到個人好燥底，完全冇曬嗰種以平靜嘅心去到訪神社嘅感覺

(btw 我本身都係好吸烏蠅嘅人，明明我日日都有洗頭沖涼，點解會咁㗎 我諗可能同我啲皮膚藥膏有關係)





一場嚟到，一定需要買嘅黃色幸福禦守




本寺



落返山了，支竹真係好有用，建議大家冇乜信心嘅話，真係要租一支

行返去琴平站，啱啱好miss咗班車，但難得我心情唔錯，所以冇乜所謂。喺車站對出買咗杯雪糕，意外地估唔到幾好食


食住雪糕，望住河川同埋日落，舒服



唔知有咩背景，只係周圍行過嘅時候睇一睇

行完金刀比羅宮，搭返車返酒店放低咗之後，係時候食夜晚啦。

其實我依家嘅心情就係唔太想食壽喜燒，但無奈琴日摸門釘嘅時候，同老細口頭約定咗今日七點會過嚟，我驚我放飛機又會浪費咗人哋啲食材，冇計啦，硬著頭皮照去食


門面機隱蔽下



橄欖牛壽喜燒套餐，4400 yen，呢一個價位嚟講，我覺得牛肉真係少咗啲，得四塊...



之前喺札幌有一間壽喜燒任食，我覺得質素差唔多，但貴少少已經可以任食，高松呢度少放題食，比一個人食嘅放題更少

我依家做得嗰幾塊，完全唔夠喉呀 但又唔多銀彈嗌多碟






最尾就住就住慢慢食，喺唔滿足嘅情況下就買單走人

而家去到5月11號，今日心情唔係幾好，冇咩特別原因，純粹係獨遊得耐，周圍又冇人可以溝通到，有時候會覺得好厭倦好麻煩，所以今日就係躺平日，hea住過


早午餐去咗食呢一間：
讚岐烏龍麵 めりけんや

我見佢評分都ok，而且開喺jr站隔離，非常方便




真係估唔到，本身以為佢開喺jr站隔離呢啲遊客位，應該係水遊客嘅餐廳，但質素幾好 烏冬算係數一數二 係嗰嚿炸雞差啲 (你唔講我都睇唔出佢係雞)

食完之後，再喺jr站附近行下，散散心，跟住行上咗一個觀光塔，高松地標塔，就係一出jr站見到左邊最高嗰棟大廈，唔知點解好似好少人講，呢度幾正喎，仲要免費





我本來對免費有冇咩期望，所以完全係意料之外，真係好出色 大大塊乾淨嘅落地玻璃擺喺度，成個高松港任你睇曬


其實呢棟嘢都唔係好高，好似大約三十層左右，但係高松呢度已經算最高㗎喇



從高空俯視，我之前一直喺度進進出出嘅高松港，望住一隻一隻嘅船隻駛向外面嘅離島，船裏面就坐住以前嘅我，以及其他世界各地嘅旅客



仲有個位可以坐喺度，呢啲咁嘅靚位，竟然唔係用嚟做餐廳酒店，而係對公眾免費開放，佛心政府呀



見到玉藻公園，好，咁下一站就去呢度

玉藻公園，面具男到此一遊


好似話呢個係以前唯一條橋進出高松城，因為佢比水圍住，如果唔行橋就只有游水過去



見啲宣傳單張寫係，日本三大水城 真係一笑置之啦，日本人不嬲好擅長呢啲gimmick 野，成日都幾大乜乜咁樣



高松城，喺四國各自嘅首府裏面，唯獨係高松失去咗高松城，得返眼前呢一個遺跡存在，因為日久失修，好耐以前已經拆除咗



得一個還原版嘅模型，快啲起返佢啦




見佢擺咗唔小新聞出嚟，都係高松政府討論緊幾時同點樣重建高松城。計我話，最多畀好似岡山城咁樣，起座全新嘅嘢出嚟，起碼畀傳統嘅城方便啲行先啦 作為一個城市嘅象徵，冇理由淨係得返啲頹垣敗瓦喺度㗎嘛



另外一到唔記得咗乜名嘅門，二戰時被美軍炸爛咗，而家又係重建咗，雖然太新淨冇歷史味，但係嗰種新淨係感覺，都會令人覺得心曠神怡，高松城都起返佢啦快啲

依家嘅玉藻公園失去咗高松城，令到佢完全比栗林公園取代，都好難怪點解咁少人講，因為真係全面屌打玉藻公園

跟住去咗食上次食過我幾滿意嘅炸串，今次間唔中一兩串失咗水準，但平均嚟講都係唔錯，見佢咁少人真係戥佢唔抵，上個post已經出咗，再出多一次地址

Ippon
+81 90-3281-9978
https://maps.app.goo.gl/j3QE1vBP38ip1B3b8


咁似我識嗌啦，全部都係揀上次食過覺得好食嘅嘢 捱過咗試伏階段，今次就真係享受啦 炸帶子、炸三文魚、燉牛腩，呢三樣嘢係必嗌！！






食飽之後去咗行書店，坐立係商店街裏面，規模非常之大，佢有新館同舊館，每棟都有八層，係加埋一齊成16層咁多

宮脇書店 本店
+81 87-851-3733
https://maps.app.goo.gl/P4UJw5ELoboCb6Qi7




屎忽痕，買咗兩本香港同澳門嘅旅遊書 因為本身港澳嘅旅遊書就好少，而且佢仲要唔係公廁旅遊書系列嗰款


返香港之後，可以再日本人嘅角度，再去玩多次港澳，重新以旅客嘅角度，抽離地審視一次自己生活嘅地方，將會發覺到好多驚喜，我相信即使留喺香港，都可以好多嘢玩

呢間都我都有bookmark (因為近jr😂), 除咗佢, 另外你會推薦邊間高松市內嘅烏冬？

啤你咪啤你，人地神馬來
p.s. 我張相2015，唔知重係咪呢隻

睇你想要乜嘢啦，我自己就幾鍾意小豆島嘅，加埋足足去咗三次

但你淨係去影掃把，即日來回當然夠時間

啤你咪啤你，人地神馬來
p.s. 我張相2015，唔知重係咪呢隻

但係你今次，隻神馬直情望都冇望你

係，無望過我
btw 我check 返當年去係一白一黑色
如果你見到2隻白色 咁應該黑色果隻升咗仙了
因為佢當年已經好老

奥宮好似唔止呢個數

奥宮好似唔止呢個數

係，應該要再上多二百幾級左右，我就不了

唔止,583級

同埋上邊冇咁多圍欄,幾年前去落住雨我都淆淆哋

不過奧社個御守好靚(亦都貴D,1500羊}

咁來回加埋咪二千五？仲辛苦過普通行山

咁一場去到唔上埋又好似唔湯唔水

讚岐烏龍麵 上原屋本店
+81 87-831-6779
https://maps.app.goo.gl/Fcfh1jE8QVq9y7MZ7

抽咗枝戀愛簽

你啱呀

其實係我未研究個島仲有咩玩

天氣咁好就唔好咁 down 啦
呢度有好多巴絲打陪住你

嗱，我總共去咗三次，依家分享曬全部我去過嘅地方 基本上我全部都推介嘅，你望下有咩啱自己啦，如果住一晚嘅話，都推薦我講嗰度

二十四之瞳電影村
小豆島橄欖公園
井上誠耕園レストラン 忠左衛門
Tōyō Olive
Yokai Art Museum, Shodoshima
小豆島拉麵HISHIO - 天使路店
天使之路
Utamarotei
Ginshiro

住宿：
L and M

唔夠飽