(live) 裸辭獨遊日本四國三星期 (2)

跟住去到入面個餐廳食下嘢，其實環境同我見真係好正，出面可以見到海豹池同埋成個瀨戶內海可惜今日天氣唔好落緊雨



事實證明，牛丼一定要用碗，唔可以用碟.....

我又畀橄欖牛呃咗，嗌咗呢碟大學canteen頹飯，頹得滯，真係食龍肉都冇味




用嚟攝時間嘅一個龍宮展區，就咁得啲projector睇下




跟住去到大西洋區，nemo你又畀人捉咗

佢每一個魚缸，真係幾乎每一個，都有至少一張用粉筆手畫嘅解說版，唔係嗰啲wiki式嗰啲文字解說，呢個位真係好出色，真係加爆分，必須要推介一下






再隨便影下相，圖一唔知點解影到好七彩繽紛





bye bye了，規模唔大，但我係幾鐘意呢到的

臨走前喺紀念品店，見到呢隻鯊魚公仔，我係嫌佢隻眼有啲怪怪哋，但係幾好攬，而且個口可以放入手入去


但因為我本身係last minute先離開水族館，未有時間考慮已經畀職員請咗出去 依家諗返，冇買佢嚟陪我自己條鯊魚，有少少後悔




幾得意，值得買
唔應該買

水族館對面有個幾靚嘅歐式建築，Google map睇原來係結婚場地，總之就係呢一帶周圍都係幾靚，睇得出係新規畫嘅地方




幾分鐘距離，就有一個本身我mark底咗嘅觀光塔，佢嘅賣點就係觀光塔上面有養魚，可以影到一啲條魚喺天空度飄浮嘅相，呢一個位就本身唔算特別吸引我嘅


一入到去，見到要千五yen咁貴，咁就算了，我攞去睇戲開心啲



(Google map圖)




行返返去jr站附近嘅aeon mall，都係規劃得好好嘅地方，右邊係大超市，左邊就一排食肆，前面係戲院




時間尚早，順便避一避雨，就揀咗一套戲睇，揀咗super mario 本身喺香港已經睇咗一次英文版，所以睇日文都唔驚係唔明，好期待日文版嘅bowser唱歌




張櫈唔算幾好坐.... 呢個位差過唔少香港戲院



即場做埋會員再買飛，計埋入會費，都係平啲 攞住張會員卡，好似有咗少少日本生活嘅感覺，唔係純粹係又一場嘅快閃旅行



順便分享下幾點小觀察：

日本戲院播廣告嘅時間好長，戲飛寫住嘅播放時間計，再播多差唔多十分鐘左右，先會上正片

而且佢最尾一條廣告，係一條成分鐘長嘅switch廣告，內容就係一班人好開心咁玩緊mario，明顯係特登度過，好識做生意

另外，呼籲大家唔好用電話同埋唔好偷拍嗰條廣告裏面，中間竟然出現咗大大隻殘體字 又辱華啦有辱華啦

依家先知，咁早知去下啦

睇完戲之後，就去咗對出嗰間燒肉食放題，睇落應該係大型連鎖店

雖然冇咗特色，但我估計有兩大好處，大機會會用平板落單，同埋接受一個人入場結論係我嘅預測冇錯



見到國產牛，shut up and take my money



國產牛套餐嘅牛，放題嚟講叫做合格



普通放題套餐嘅牛



佢用機械人送餐，送菜速度真係快得好誇張，好似未試過嗌一樣嘢係慢過五分鐘



本身我睇完戲都好夜，個半鐘之後就係jr尾班車，我必須盡快趕返去，加上佢出餐快，我就係狂風掃落葉咁樣不斷嗌不斷食，我個胃得到咗滿足，但味蕾並沒有

食得太急真係未必開心，諗返起寧願食慢啲食少啲嘢，但仔細品嘗下食物嘅味道(又暴露咗窮撚思維)

好睇 樓主總共用左幾錢？

多謝你數次留名支持


仲未敢計 但我估計應該三萬頭

係Softbank搞 不過同支付寶有間接關係

1. PayPay是一家成立於2018年的日本公司。是軟銀集團與Yahoo! Japan的合資公司。2018年10月，該公司與印度最大的電子支付公司Paytm合作開發了基於二維條碼與條形碼的快捷支付[1][2]。

2. 早在2015年，阿里巴巴旗下的螞蟻集團就開始投資Paytm公司，並以「合作入股+技術輸出」的方式，助力Paytm公司步入發展快車道，螞蟻集團也成為Paytm最大股東，持股比率達25％，位列第一大股東。

三萬頭玩咁多日抵到爛啦

好想睇。。不過我未睇過
全日文我應該完全睇唔明
你返左香港未呀？

等巴打報告點用 我去果段時間啲天氣似差

坐緊松山返高松嘅特急，見到巴打你影啲水旅館圖，決定一陣係多度津落車，臨時加插行程

宇多津先啱，差啲落錯車

咁撚有錢做野冇耐就辭職,去3個星期...

水旅館 諗咗一陣，我去過啲咁嘅地方咩

水族館

幫我去紀念品店探下鯊魚
當初冇即時落決定，真係後悔

所以依家就冇錢了

買って反省 買わずに後悔
買左只係反省，無買就後悔

啱
去旅行見到啱就好買
唔買只會一世後悔

食完燒肉，急急腳行返去宇多津jr站趕尾班車，沿途冇咩人，夜色中有些許街燈，條路又闊





去到呢幾日住嘅酒店，Hotel Pearl Garden，四百幾一晚，記得係新館先係咁靚

但係地理位置真係差，距離高松jr站兩點幾公里，呢度又唔會有n車，只好落住雨慢慢捱過去




設施好滿意，應該係我全個旅程之中數一數二舒服，最正係將馬桶同埋浴室分開，可以放心企喺地板度沖涼 呢個設計真係不得了，以為唔想用企缸了

睇左成個月,終於live到
一直都想去四國但一直都冇去到
而家睇左當去左

好想睇。。不過我未睇過
全日文我應該完全睇唔明
你返左香港未呀？

含蓄巴而家去到邊
前幾日終於返咗啦