(live) 裸辭獨遊日本四國三星期 (2)

冇打開機，但打算返香港之後買部switch oled嚟玩

我就咁上網睇，如果講主機價錢嘅話，香港同日本都差得唔遠，但game就唔清楚，點解你會覺得呢隻game應該要喺日本買？係咪有咩著數？


同埋我都驚喺日本買game，唔知玩唔玩到同埋唔知佢提供乜嘢語言，如果得日文我就可以收工了

有，特別去到四國呢啲冇咁國際化嘅地方，唔識日文，又得自己一個，生活上真係遇到好多唔方便


但即使有，我現階段最多都係簡單學下，學下啲基本對答旅遊用語之旅。


因為其實我不嬲學緊西班牙文，但自從畢業開始返工之後，就處於半放棄狀態 返到香港之後想pick up返西班牙文先

繼續 備前市day 3

啱啱去完刀劍博物館，依家就要慢慢行廿幾分鐘，去個幾鐘先一個班次嘅jr站，呢度雖然偏僻，但亦正因如此空氣同環境都更加舒服咗

眼前的一幕，就好似係你平時坐jr特急，坐喺窗邊望風景嘅時候個片景象。




行過見到有塊牌，但冇深究係乜嘢意思



終於等到jr，呢個jr站得一個月台，得一條軌道，好驚自己會搭錯方向。可能細佬見識少，通常一個鐵路站起碼有兩條鐵軌，起碼用嚟分方向呀



由於前一兩日時間唔夠，淨係去咗睇夜晚嘅後樂園，今日就趁夜色去埋岡山城 (後樂園同埋岡山城，都係一個大景區裏面)。

去到之後發覺有意外嘅驚喜，原來搞緊夜市，應該都係襯日本黃金週先搞



好多好多人排隊，標價亦都好貴，雖然幫襯呢啲地方，都預咗畀水魚價，但實在每一間都大排長龍，唔想嘥時間排隊有選擇困難，如果行咗廿幾分鐘，先搵到一間幫襯 (搞到連天色都暗咗)



呢間價錢唔算貴嘅，但食物質素都幾惡劣。雖然呢度係食氣氛，但質素都唔好咁差呀...

見佢個咖哩寫住乜嘢和牛48小時，好似好把炮咁樣，但我兜咖哩得幾條和牛碎 咁你煮幾多個鐘關我咩事






催眠咗自己，當自己食緊二三十蚊小食亭零食，其實氣氛係唔錯，缺點都係太逼太多人，但感受真係幾正

門口影咗好耐城堡照，去買飛喇


轉眼間就上到天守，好凍好凍




其實呢度，根本完全係一座現代建築，只係外觀重塑咗岡山城，入邊又有得搭𨋢，樓梯都係完全現代水準，唔使行平時啲攞命樓梯


鍾唔鍾意就真係睇個人，佢係方便、現代化，但係就搵唔返傳統嘅味道。個人嚟講我都去咗好多傳統城池，去呢個都ok，但如果我淨係有機會去一兩個嘅話，我唔會揀呢度





第一代城主



跟住都係一堆武士盔甲啦

入面好似遊輪

支持你繼續寫

諗緊8月去 雖然應該好熱

牛すじ = 牛筋

咁講又真係

N2
其實上次去四國就係我學日文既契機
住hostel有幸同幾個架妹一間房但唔識日文好dum春
番香港即報日文班

又追到live 了

其中一層有個戲院仔，播一段十幾分鐘關於關原之戰嘅片，啲演員好入戲



跟住睇下火器，我對呢個年代嘅火器頗感興趣 因為之前了解過明朝嗰時候嘅神機營，明明嗰時啲火器都發展得唔錯，點知去到清朝又揸返冷兵器



第一次有機會可以揸上手，武士刀同埋火槍都係第一次 真係比想像中重，開始理解點解大部分人都係雙手揸




真係好彩俾我撞到



離開岡山城前影多一幅，外觀真係好靚，黑白金三種色配埋一齊好型格，每一層個頂又起向唔同方向，總之就係好靚

但呢一種靚，就建基於佢完全係現代建築，咁當然係靚，值唔值得就要睇你自己衡量呀

你之前遇到嫁左美國人嘅日本婆婆，有冇留低佢嘅contact？

搭jr返返去備前市airbnb，邊條痴線佬飲咗咁多罐，心臟爆炸未？




又畀人撚狗 備前市附近唯一一間食店，想坐低食下嘢咁。 本來見佢貼咗出嚟話三至五號休假，好啦，咁我等6號最尾一日，check out之後去試下。

點知我依家星期五夜晚再去望下，佢就喺3~5日隔離再貼埋個6日上去






返到去，屋主問我食咗夜晚未，我照直同佢講我淨係喺夜市食咗個咖哩飯，唔係好夠，我等陣自己食個生果就ok

點知佢又走咗去煮宵夜畀我
佢同我介紹，啲士多啤梨係佢自己種嘅，而嗰兩舊嘢喺Oyaki，長野縣名產，就係用個麵包皮包住南瓜餡，簡簡單單味道又唔錯，放入微波爐幾分鐘，再放入焗爐幾分鐘，咁就搞掂

重建過既天守閣去一次就夠，都係鍾意舊野多啲

冇留呀，本毒撚好少主動問contact的，除非真係特別好傾

有時旅行就係咁，旅途中遇到嘅人，好可能成世人只會見到呢一次，亦因為咁先顯得珍貴

學左幾耐先n2?

Ching 我見你呢一個旅遊都差唔多一個月
你係咪打算用晒你呢一年儲嘅錢？

順便請教下啲日本藥妝嘅問題

我見到有幾款好似幾好買嘅藥，話係b1 b6 同 b12嘅營養補充，話可以處理眼睛、膊頭同埋腰，正正係我最傷嘅三樣嘢 有冇巴打絲打試過，有冇效





買咗隻最平嘅止痛貼，估唔到都唔錯



買咗兩隻濕疹藥試下，店員話圖一係止痕，圖二係消炎，試咗四五日都係冇乜效果 唔知各位有冇其他濕疹藥膏推介

店員sell我呢隻話對關節痛有用仲多啲維他命
不過好撚貴
成8000yen

咁你覺得有冇用？雖然睇你應該未開始食

都係4年
一星期一堂，放工去上堂