(live) 裸辭獨遊日本四國三星期 (2)

呢種「工業風」係日本建築設計師 安藤忠雄 既特色
日本有唔少建築物都係佢設計，基本上你係日本一見到清水混凝土既建築物9成係佢(or 模仿佢)

另一個常見既係 隈研吾，你見到d 建築物上邊一堆木條/雀巢咁既又係9成係佢設計，e.g. 東京中目黑旗艦店starbuck，天滿宮starbuck

去嗰陣都聽同行位巴打提過 安藤忠雄，聽講佢係真係好出名 我呢啲見識短淺真係第一次聽

enjoy

尾已爛

努力緊努力緊 等我一陣

去完地中美術館之後，去直島嘅主要目的就已經達成 (因為冇乜搵有咩好做)， 咁踩住電動單車環下島，一邊去尋找一啲打卡位

其實有電動車踩，又有海睇，唔使特別去搵啲乜嘢，已經好開心了






打卡位1號，真係唔知咩嚟，落車影咗幾張相，就上返車繼續踩



打卡位2號，係一個澡場，畀入場費先可以入去建築物裏面行下，可惜了


呢個澡場，應該都係由一啲普通建築活化而成，二樓都真係幾癲，危樓都可以活化到



打卡位3號，聽講係一個廁所？

依家我哋已經踩返去碼頭嗰邊，距離尾班船仲有一小時左右，呢個時候我哋決定冒少少險，由碼頭出發，係一小時內來回，踩去島嘅另一邊，睇下草間彌生嚿「黃南瓜」


順便講多少少，點解我咁遲先會去直島呢？

其實我本身係冇諗住去 每次google或者睇任何直島旅遊資訊，封面都會係草間彌生嚿南瓜，而我個人係對佢非常唔感興趣，見到就覺得密集恐懼，望落去就覺得好大壓力


就連近在咫尺嘅m+博物館個草間彌生展，我都唔打算去，更何況係到日本之後但講多無謂，高松景點都去得七七八八，咁睇嚟都係要嚟一嚟


講返正題，認真模式踩過去，用咗三四個字就去到島另一邊，去搵另一嚿南瓜，首先有個鳥居同埋海灘，南瓜就喺後面



越睇越恐怖


聽講呢舊黃南瓜前幾年打風吹咗落海，而家整返好咗



時間有限，望咗幾眼之後就急急腳回程踩返去碼頭，最後仲有廿分鐘剩，時間幾充裕，最後就去埋碼頭附近嘅紅南瓜



呢嚿就得意啲嘅，冇咁密集恐懼，而且開咗個窿可以畀細路入去玩，但我始終都係冇乜興趣嘅


又有大船坐，返歸了

今晚嚟到一間燒肉店，係食我最愛嘅宮崎牛 問過職員，基本上menu上全部牛都係宮崎牛


店名：ぴこぴこ精肉店 瓦町店
另外用平板落單，都好方便下 我幾鍾意呢間店，之後我都再嚟咗食兩三次，其中都有好幾次聽到香港話





選擇困難症發作嘅時候就會揀嘅，稀有部位拼盤



食啲豬頸肉轉下口味，普普通通，都係乖乖哋食牛



食太多肉，飲翻碗蛋花湯先



呢塊係正嘢嚟 必嗌之選，雖然睇唔明平板上嘅日文，但見佢寫住幾多錢100g咁樣，都知係好嘢我自從18年喺南九州食完宮崎牛之後(廣告：當年都有出遊記)，就再冇機會真正食過佢，個肉汁同埋口感真係正




財務自由就做唔到喇，但起碼呢一刻做到宮崎牛自由，呢一刻我覺得自己係全世界最幸福嘅人

雖然我同巴打係冇就住嗌，埋單大約人均一萬yen，比想像中貴少許，但都可以接受，佢自己幫你計埋人均幾多




兩人座自摺吧枱，入去帶位嘅時候，職員好唔好意思咁同我哋講，話兩位畀唔到完全個室我哋，只可以坐呢啲吧枱。

佢哋實在太有禮貌啦，平時就已經搭開枱嘅香港人 又點會介意 食完飯冇畀啲夥記趕走已經感恩啦



返酒店前周圍行下，當消一消化。依家差唔多九點半，高松九成地方都差唔多閂門㗎喇，行過見到一棟就嚟閂門嘅機舖。

行上二樓之後，見到二樓d貼紙相機寫住女性專用，係咪男人就唔畀入去影先



頂層，係啲遊戲機隔離，竟然幾張乒乓波枱，打打下機走去打波咁得意。但我本身我鍾意玩乒乓波，唔使下下要走去運動場或者皆長先有得打，都係好事



搵唔到其他嘢行了，四國呢邊真係好早收，返酒店瞓覺去，今日完

真係學到嘢，隈研吾 呢個名都係第一次聽，佢啲建築都幾吸引

以前明明我都去過太宰府，竟然冇留意到嗰間starbucks，實在失策

感謝 龜速更新中 近排好多無謂嘢煩緊

搵到工未

估唔到 遲啲可能真係要

樓主，我都仲睇緊啊～～

加油

賣身

留名

呢隻嘢