(live) 裸辭獨遊日本四國三星期 (2)

下一站，去到瀨戶大橋紀念館，免費入場




一入到去就見到一個電影院，其中貼咗一張動畫poster，個風景好似好靚，幻想緊可以去到新海誠咁嘅級數




我淨係想睇呢套動畫，但可惜播放時間已經過咗，依家播緊一啲有冇興趣嘅，本身諗住放棄㗎啦，點知職員見到我望住個動畫poster一陣，跟住叫住我，靠肢體語言話我知，話可以依家播畀我睇




入到去，就係香港太空館嗰種一百八十度彎曲大螢幕，入面真係一個人都冇嘅，睇嚟係因為遊客少得滯，個播放時間表都係得個講字，慳返啲電好過

亦都係因為咁，我第一次感受一個人包場，成個戲院就係為咗我一個人而開，仲有得揀我自己想睇嘅戲






劇情都幾令人無言下，本來上半部係普普通通，講一對小情侶一邊讀書生活，一邊望住瀨戶大橋慢慢建成，跟住男主角仲做咗工程師幫手起橋，暫時睇落都正正常常啦

跟住落嚟我真係冇講笑，男主角無啦啦開始揸火箭，仲揸咗出去太陽系 你條瀨戶大橋呢？？？

離開戲院之後，再周圍行下，基本上就係解釋緊瀨戶大橋嘅重要性，同埋起嘅過程係點

原來瀨戶大橋嘅建成，導火線係因為一艘四國前往本土嘅船發生船難，死咗好多人，先至令政府下定決心，起條行車路，唔可以淨係靠船出入四國



跟住佢整咗好多模型佢解釋，點樣起條橋，首先要喺海底炸個窿，然後搬走曬泥沙，再放嗰嚿巨型長方體入去，最後再經過其他步驟，慢慢堆砌成我哋見到嘅瀨戶大橋

其實睇完之後，我當下都有反思下，香港嘅青馬大橋其實都幾出名，但我卻完全冇了解過佢







一個免費嘅展館嚟講，其實幾有心機，最後喺紀念品店買咗呢樣 幾適合做擺設

仲有更新

多謝支持

下一站，行到去 香川縣立東山魁夷瀨戶內美術館，遠觀睇落去幾靚仔



一邊行緊過去嘅時候，一邊check下最後入場時間，原來差唔多收工了跑住過去之後，都係比最後入場時間遲咗三分鐘，無緣了




向海邊方向9行，慢慢行下



鯊鯊 真係冇諗過呢度有機會見到鯊魚



亂咁行，行到去一個觀景台，沙弥ナカンダ浜，提供咗另一個睇條橋嘅角度，周圍都好舒服可惜我部手機影唔到一個咁廣闊嘅畫面





觀景台周圍，可以沿著條石壆行下沙灘，清清靜靜咁樣慢慢行，隔離仲有條橋，真係爽



周圍仲有小貓三四隻，可惜全部睇落都唔親人 (可能淨係唔親我喇)

跟住落嚟我真係冇講笑，男主角無啦啦開始揸火箭，仲揸咗出去太陽系 你條瀨戶大橋呢？？？

居然係咁

居然係咁

我聽唔明日文，淨係睇畫面，睇睇下無端端上咗太空 笑到架架聲

距離下一班巴士仲有成個鐘，去咗觀光塔隔離嘅一間cafe hea下，名叫：
サンシャインピクニックデイズ




個景觀真係一流，清晰望到曬成條瀨戶大橋，同埋瀨戶內海 周圍嘅木色系建築都同環境好夾，絕對係打卡同埋攤唞下嘢好地方 可惜依家左邊起緊工程，仲有㗎剷泥車放咗喺度，喺google map睇以前啲相，左邊仲未開始重建嘅時候，個景絕對係一流




我去到嘅時候，其實已經臨收工，淨係得返現醒嘅蛋糕可以嗌，嗌咗呢份oreo芝士蛋糕，味道普普通通，比嘅果然係環境錢



睇佢哋放甜品個櫥窗，佢哋依家最主打嘅蛋糕，係台灣嘅古早味蛋糕，仲要大大隻字寫著台灣直送 香港可以周街見到嘅台灣古早味蛋糕，估唔到原來呢邊都有市場，我今次就免啦....


食到一半，先突然發覺，玻璃窗旁嗰塊淺藍色瓷磚枱，係for人打卡用，影出嚟的確係效果唔錯，但我舊蛋糕已經得返半嚿 7到甩轆，乞衣式foodie

仲有少少時間，買咗支可樂，隨便喺海旁行下。


巴士終於到了，呢張相咁啱影嗰個夕陽嘅陽光，好似幾有feel。




今晚同 @威威先生 巴打食飯，佢專程過嚟四國踩單車，踩到去廣島


我哋揀咗呢一間餐廳食，名叫：
居酒屋 焼き鳥ギャング 高松店



掛住傾計，冇乜太focus喺食物上面 你見我平時唔會淨係影得一張相
嗌嘅嘢食全部都唔差，主要都係簡單嘅一品料理同埋串燒 (貴啲嘅料理 例如骨付鳥嗰啲就唔包)。

食物冇乜嘢大伏位，某一兩樣菜味道都唔錯，任食任飲埋單都係3000尾 yen，推介俾大家 呢間舖頭仲可以用平板落單，而且我哋兩個人都有完全個室

其實呢間我上星期就嚟過，但係摸門釘，同其他放題一樣，至少要兩個人先有得食毒撚冇人權 今次終於搵到人陪我食了

話說啱啱發現樓主你D reply keep 住有1個負皮
樓主你得罪咗咩人被人追住負皮

我懷疑係某一兩個，成日mon post嘅巴打做嘅就唔講邊個了，驚我估錯

繼續更新，支持

多謝你

借位問下
高松有冇好食餐廳推介？

想食啲乜嘢先？

只要唔係烏冬就得
已經食咗好多餐烏冬了

睇左兩日 快更新靠你在港遊日

咪同 風起了 一樣越睇越搲頭

食soba既時間

請問丸龜站會唔會有位可以寄存行李
搵過JR好似有儲物櫃
但係唔知會唔會好多人用
同埋冇得book定

丸亀駅のコインロッカーの場所・料金・サイズ・スーツケース対応状況まとめ | コインロッカーのしおり
https://coinlocker-shiori.com/marugame-station/

你咩size? 睇落數量應該足夠，平時實有位，假期就唔知lu。(我估一般都有， 附近又冇咩特別大景點。) 同埋冇得bk嘅。

冇乜留意，我淨係記得jr站個觀光中心啲人好nice 如果真係full咗試下搵佢哋幫手？

巴打人在高松？ 呢個list夠唔夠喉？

宮崎牛燒肉 (去咗兩三次)

https://maps.app.goo.gl/fYfj64Haa9cXAEUC9

另一間tabelog 高分燒肉

https://maps.app.goo.gl/Wo7U4Xyz2BULG6oo9


串燒放題 (2人起)
https://maps.app.goo.gl/DuDwWUuDD6dnVdKz6


望海cafe hea
https://maps.app.goo.gl/QPn3kECYoZvyTLZs7


炸串

https://maps.app.goo.gl/NpMEfhRuRUV2oFj19



拉麵
https://maps.app.goo.gl/G81ZRsgmrtTWoYri7



方便、平、快餐，白飯魚玉子燒好好食
https://maps.app.goo.gl/LyTTQeVUkge5J9Rg8