(live) 裸辭獨遊日本四國三星期 (2)

去到呢度 巴打行程仲有幾多日

大約仲有五六日

開始行四國村，但嗰陣狀態唔太好，好眼瞓，hea住周圍行個圈算


首先去咗望下個醬油廠，入口收埋喺呢個橋底同埋小溪裏面


醬油桶




跟住已經冇乜心機，真係隨便行下，都唔知自己睇咗啲乜 唔係覺得呢度唔好，純粹我狀態差

其實四個村呢度都幾大，行下行下已經開始蕩失路 我知道呢度有個安藤忠雄整嘅建築，但搵極都搵唔到，谷鳩氣




最後放棄咗，向高處行算去睇下有咩景睇，行到最高點之後見到有座塔，好似係日本某座離島嘅燈塔，之後搬咗過嚟呢度



個境就普普通通



行下行下已經時間無多，佢已經差唔多收館了，行過見到一個翻版嘅祖谷蔓橋，就係我初初嚟到四國，頭幾日去嗰個one fay tour 裏面嗰座橋




啲人成日話祖谷蔓橋好恐怖，我就唔覺嘅，輕鬆行啦 但反而呢座翻版橋，有啲日久失修咁樣，仲有勁多嘢飛下飛下，再見到橋下面啲污水，呢個我真係唔敢行啦

坐喺巴士站隔離張櫈發緊牛豆嗰陣，有隻貓衝咗出馬路，然後攤咗喺度唔想走，而後面有車衝緊過嚟，唔知見唔見到隻貓


我即刻沖咗過去，但距離太遠了，隻衰貓係畀架車撞到前嘅最後一刻先突然跑走，嚇撚死我睇佢個樣咁駕輕就熟，似係慣犯




我向住隻貓跑走嘅方向行，諗住睇下佢有冇受傷(同埋撚下佢)，點知隻衰貓原來係有人養嘅，佢主人知唔知佢成日跑出馬路

見佢咁鬼大隻，成隻嗰啲澳洲肌肉袋鼠咁樣 即刻打消咗撚佢嘅念頭

上到屋島山頂，首先見到嘅係四國八十八箇所之一嘅屋島寺，喺夕陽之下，顯得格外神聖





有個非常好嘅手繪地圖，清晰寫住點樣走去大家最想知嘅展望台。另外你都見到，其實呢度仲有一個水族館，但聽講呢度係比較殘舊，唔好比得上四個水族館，咁就算了








本寺，拜一拜先





呢隻類似狸貓嘅嘢，就係呢個寺嘅神明，相傳係當年嗰隻狸貓去為空海大師指路




寺廟裏面有唔少流浪貓，企定定喺某個位，喺度等人餵食

加速

我由四五月仲係英國返緊學嗰陣已經睇緊佢呢個post, 到我而家已經返咗嚟香港去完四國8日之後佢仲更新緊

留名繼續

行完屋島寺之後，跟返頭先貼喺牆度嗰張手繪地圖，離開屋島寺，跟住基本上一條直路，就行到去觀景台


見到建築物背後嘅夕陽光，就知道我差唔多去到了，已經有預感好似會唔錯




(另外，要搞清楚屋島呢度唔係離島，係主大陸嘅一部分，應該係市區附近海拔最高嘅一個位)

其實我本身對屋島冇咩期望，我係真係已經冇乜嘢做先過嚟行下 ，估唔到有意料之外嘅驚喜，真心我非常滿意，我覺得係我全個旅程top3，甚至可能最佳嘅景色


咁啱天氣仲要好好，撞到個靚日落




眼前嘅係180度嘅景觀，左邊係高松市，右邊就係大大小小嘅島嶼

影緊相嘅時候，隔離撞到幾個香港人，可惜佢哋企咗一陣之後，就趕巴士落山了，睇唔到之後嘅夜景真係好可惜


再行前幾步路，去到今日晏晝食法國餐嗰陣，後生侍應介紹我去嗰個打卡位真係一個好靚同好現代建築，周圍都真係當地後生仔多，同後面個屋島寺同埋週邊嘅舊建築造成好大對比



行上去望下




更加之靚，堪稱完美




我用電話影全景，我知道係有啲7 但為咗影廣闊啲，唯有夾硬嚟



此情此景，點都影返張相啦

龜速更新中

好靚喎! 呢邊應該真係新景點，我以前去真係未聽過呢邊

屋島好天氣睇落又幾正 對佢認識係源平合戰 個屋島之戰

巴打識啲嘢，我喺山上都見到有個原平之戰嘅遺跡，可惜個指示牌寫住要行一點幾公里，你都見到嗰陣都日落，差唔多入黑，行去嗰條路又有啲偏僻有冇街燈，咁就放棄咗去了。


可惜我唔熟日本古代史，近代史先好啲，即係到一二戰左右先開始有少少了解

好靚喎! 呢邊應該真係新景點，我以前去真係未聽過呢邊

點會估到，拖下拖下竟然要開到post 3

差唔多會開新post了

樓主 我同朋友依家響高松
準備四國遊一個星期再上富士山

屋島夜景係幾正, 去高松值得一去. 如果有自駕就最好喇.
早排我都有去, 有好多貓跑來跑去

開心喎但一星期行曬四國好似有啲chur
我都好想去富士山

一睇條走廊，咁妹島和世feel，原來真係佢設計。