(live) 裸辭獨遊日本四國三星期 (2)

睇返自己第一個遊記post，原來已經係五年前，由當時讀緊書，變成依加啱啱出咗社會，始終都係當我live住獨遊出post，先至感覺做番自己。

畢業之後，仍未搵到自己想做嘅工作，揀咗一個行業入行之後又自覺唔適合，最後決定裸辭去個旅行先

同以往幾次一樣，通常我每次都係遇到啲難關，先會選擇去獨遊，我知道呢個目標好奢侈，但希望我可以透過今次旅程，更加諗清楚自己想點樣行去

廢話唔再多講，一齊繼續我哋嘅旅程，依家大約去到第二個星期左右

G持

時間去到5月3號，岡山day 3，前往倉敷美觀地區

食完唔錯嘅咖哩之後，繼續出去行下，發覺越來越多人，咁逼真係搞唔掂，要搵個地方匿一匿



嚟到有巴打推薦嘅 大原美術館，由於入面唔俾影相，只可以純文字討論 入場費要二千yen，audio guide仲要加600，唔算平




呢一個藝術館係為咗紀念 児島虎次郎 而建立一個私人藝術館，我作為藝術門外漢，只係第一次聽過佢個名，呢一位仁兄早喺百幾年前喺歐洲留學讀藝術，跟住又周圍去旅行同埋畫畫


佢好多嘅作品，係用西洋畫嘅畫法，去畫一啲日本嘅事物，好吸引到眾人嘅目光。通常畫作都係見啲歐式城市，歐式農村，歐美白人自畫像或者啲宗教畫，今次竟然見到有model著和服，今次真係師夷之長技以制夷 忍唔住買咗呢個磁石貼返去做紀念



無意中竟然見到原來有 el greco 嘅受胎告知

行完美術館有少少眼瞓，見到一間原本好多人排隊嘅舖頭，已經冇乜人，估計係出名嘅舖頭，就去買咗杯雪糕食


岡山出名嘅提子同桃，佢寫話係岡山產，我信佢㗎啦




攞住杯gelato，坐喺河旁嘅石級睇下風景，又諗返起到時係歐洲嘅日子


倉敷呢度同時有日本傳統建築同埋歐式建築，但兩者融合得幾好，如果可以冇咁逼嘅話，係有一種歐洲嗰種chill嘅感覺。坐住喺海旁望住啲兩種建築，係一種享受

開始入夜了，分享享多幾張圖

多謝！

想去

繼續LM

即刻裸辭出發囉

係倉敷hea到七點幾，係時候出去搵嘢食，但我實在睇少咗日本黃金週嘅力量，行咗好多間睇落有興趣嘅餐廳，全部都冇位，以下兩間有巴打推介嘅餐廳，果不其然都係full咗





行過見到呢間中華食堂，竟然寫住啲乜嘢毛澤東，日本鬼子又辱華



最後真係山窮水盡，唯有去咗一間冇乜日本人會去嘅西餐廳，唔係我就要餓死了


carbonara，盛惠1500 yen，佢係真係正宗西餐嗰款，並唔係日式意粉，佢個調味喺ok嘅，但個意粉好似煮過軟咗少少，而且個煙肉係重大敗筆

日日都準備出發既狀態

咁就啱啦

櫻花季個河畔就無咩樹葉
反而紅葉季又幾okay

留名

睇天氣好似唔錯, 可能16號嚟四國

恭喜晒！！！

睇左好耐天氣預報, 希望可以KEEP住晴天
因為要踩單車, 落雨搞唔掂
買左張單程去高松了

Lm

單程機票驚唔驚入唔到境

之前買單程機票去台灣，畀人問咗幾分鐘先放行