(live) 裸辭獨遊日本四國三星期 (2)

命中註定

今晚捉佢上床瞓

冇得唔買了

樓主會窮

屌你

plan左幾個月後會去，呢個時候見到呢個po真係太好
巴打想問下你推介果間小豆島串燒，如果我唔係小豆島過夜有冇可能食到？
我見佢離碼頭都有段路

又幾盞鬼隻鯊魚

可以擺隻手落佢個口裏面

有啲危，我見佢大約6點開，然後小豆島尾班船好似大約8點半。跟住要睇下你食完之後，有冇巴士去到碼頭，當你7點半食完，咁就再搵下嗰個時間有冇巴士。


Google map 個小豆島巴士幾準的，你可以靠佢搵，我就咁google似乎係可行的，1924有班車，但實際上你都要再仔細檢查下，你去當日仲有冇呢一班巴士

早晨！今日又係躺平嘅一日，瞓到十一點幾先起身 去咗食一間御好燒，係有連登巴打幫我喺tabelog 搵的，似乎係一間好好評分嘅老店，感謝佢



由於佢講明唔畀影相，只可以影食物，所以呢兩張圖喺google map搵出來的

佢個餐牌同埋格局，都十足似台灣嗰啲小炒店，特別係個文字打直嘅紅色餐牌



如你所見，廚師會將啲蛋殼同埋其他垃圾嘢，就咁樣掃落地下，衛生同埋觀感實在係有點....堪憂



由於溝通不良，我都唔肯定我揀咗咩餡料，都唔太食得出 但我覺得食呢啲禦好燒，咩餡料根本唔太重要，佢個醬同埋個餅底先係重點



好飽好油膩，足料嘅，試一次就夠了，主要係想體驗下嗰一種老店氛圍

原來仲更新緊

龜速更新中 對唔住

等到就出發

今日全日都落緊毛毛雨，心情普普通通，周圍景點都去得七七八八，食完間御好燒之後，決定今日要hea到底

去到jr站附近嘅文青貨倉區，北浜Alley北浜アリー，之前都已經去過一兩次，相信大家都可能有印象。


嗰一帶好多手作文青地舖，但可惜大部分都唔畀影相，得呢間麵包鋪可以



買咗一個朱古力版菠蘿包，味道普普通通，太甜喇成口都係糖




跟住去返上次去嘅文青cafe，Umie，今日冇乜嘢人，可以直接坐喺著名嘅窗邊打卡位

今次食咗佢嘅招牌，焦糖布甸，估唔到又幾好食喎，冇乜人靜靜地望住個海，得閒食啖布甸，日子過得快活





坐得耐咗之後，啲高凳都係坐得唔太舒服 都係乖乖地落返嚟，坐咗喺窗邊嘅圓枱，嗌咗杯凍啡，開始認真溫下書


有個咁清靜同舒服嘅空間，做起嘢上嚟真係事半功倍，我咁樣溫下又hea下咁，其實都真係幾嘆 唔知財自咗嘅人，係咪就係咁樣過生活呢


呢間cafe真係幾舒服，再次推薦大家可以去座下究竟香港有冇可能搵到一個咁嘅空間呢

咁好彩

忙完緊要野先 得閒先慢慢更新 辛苦晒

三個星期 好似咁長咁

樓主，生日快樂，
公園又玩完，鯊魚又買埋，CV又send埋，好打文啦喎btw 祝好快有好消息搵你

其實加埋接近四星期，同埋喺細佬我打得慢啫

睇完樓主遊記 plan緊四國行程

高知有兩個龍馬館 海邊個好似多d野睇?