(live) 裸辭獨遊日本四國三星期 (2)

到時就好睇了

見到戲院播廣告嗰度想離題講
英國係播足半個鐘先開始播套戲
我以前喺英國次次睇戲都係2點嘅戲2點半先入場
然後有時仲要睇多10分鐘廣告on9

半個鐘 佢場場播咁耐廣告，其實最後反而搞到每日上少咗一兩場戲分分鐘得不償失囉

我喺西班牙睇戲都係正常五至十分鐘廣告

多謝支持

你遲早一定有機會去

想問下四國jr pass係自選日子定一用嗰日就開始計咁多日？

用嗰日開始計 連續日數

唔該哂，遲啲會去10日，咁可能要plan最尾嗰3日先留係高松玩

LM 慢慢睇
早兩個星期先岩岩一條友去完四國
如果早D睇到樓豬個POST就好

5月14日，今日又係躺平日，訓到一點先起身，出面又全日落住毛毛雨，本身plan咗有地方去，但算啦，今日都係hea住過

梳洗好落樓食晏晝嘅時候，已經係兩點幾好多食肆已經午休咗，無無聊聊行到去高松jr站附近，離遠見到呢一間「香港亭」仲營業緊



我不入地獄，誰入地獄？



全餐最正常嘅楊州炒飯，5/10，大約係中國啲街邊小菜館，十幾蚊一大碟個款



甜酸醬蝦仁，3/10。
本來以為佢咁佛心，比咁大隻蝦我，原來一嚿嘢裏面大部分都係麵粉仲要溝得唔好食，口感好奇怪，個汁用嚟送飯都ok





燒賣，0/10入面個餡係瘦肉餅唔太放得落口



我本來都預咗中伏，所以都接受到嘅，埋單嗰陣見到個香港夜景，終於搵返少少親切感，下咗少少火

唔知做乜好，決定又走咗去栗林公園行多次，無聊到去一啲已經去過嘅景點


上次冇留意，原來佢門口有一塊牌，寫明曬邊度嘅開放時間



今次搵啲上次未去過嘅地方，首先去咗呢個商工獎勵館，就係一個兩層嘅建築，裏面有少量poster展品，普普通通，個建築本身就真係幾靚嘅




呢一個係古代嘅栗林公園地圖，有啲意思正正係因為我已經第二次嚟，對個地理環境有大約認知，可以睇到多啲嘢


如果我係啱啱入到嚟，咩地方都冇行過，應該唔會有咩感受，所以有時候同一個景點去多過一次，都仍然會有收穫，係就係少咗啲新鮮感，但係你睇到嘅嘢會深刻咗，各有得失



有一張應該係好出名嘅枱，由某大師所製作，唔太識欣賞，影張相就算啦



行咗上去2樓，攞住支飲品機買嘅玄米茶，喺度hea咗好耐，廢老生活好爽



喺栗林公園呢度，你行上二樓，就已經係高過曬身邊所有嘅事物，已經足以讓你將更多景色納入視野裏面，欣賞著綠油油同埋園景設計

跟住喺小食亭買咗包魚糧，上次我竟然留意唔到有得賣，我自己都有養咗好多年魚




攞住包魚糧周圍散下步，順便搵下邊度有餵魚位，然後隨便喺湖邊拋下幾粒魚糧，就可以引你一大堆魚圍住你，好卑微咁樣爭先恐後仆去你度，勾起咗我嘅虛榮感


我竟然要透過餵魚去獲取呢啲自我滿足，都實在係一件好可悲嘅廢老行為




根住去到上次冇去過嘅 旧日暮亭

實在冇咩特別就係一個好小規模嘅小屋，其實即使佢冇開門，就咁喺圍欄出面望幾眼，其實都ok

喺外面食香港野真係預中伏多

四國最靚係自然景觀
去過一次 慢慢咁環住個島玩
真係會愛上

喺外面食香港野真係預中伏多

其實我睇menu，除咗有啲奇怪嘅點心之外，其他菜式根本完全係日式中菜 佢哋根本唔會分開嚟睇

可惜，如果唔係或者可以見過面，分享下呢排有咩好做

更新

真

好嘅好嘅
啱啱考完試了，之後全速更新

我同你同日考

我收咗皮了

點做到的

我是垃圾

考一次巧貴唔敢fail

話說高松市中心有邊間烏冬店推介