(live) 裸辭獨遊日本四國三星期 (2)

我喺七月中去嘅
咁係咪我應該揀我去嗰個日子嚟買？
我去官網買 其實就唔知點解冇得提早兩個月買，但我喺其他旅遊網站就有，而且仲要平啲

係，佢都寫到明particaption date，無可能填今日啦

我去問一問客服
我想問一問係咪買呢啲pass 會比較好？ 因為其實七百幾蚊都真係幾貴，係咪一程咁咪仲貴？

好難答你喎，點知你行程係點

不過可以show 俾你睇
e.g. 高松去松山，特急 自由席 一程 5千幾 yen

https://transit.yahoo.co.jp/search/result?from=%E6%9D%BE%E5%B1%B1(%E6%84%9B%E5%AA%9B%E7%9C%8C)&to=%E9%AB%98%E6%9D%BE(%E9%A6%99%E5%B7%9D%E7%9C%8C)&fromgid=&togid=&flatlon=%2C%2C27891&tlatlon=%2C%2C27724&via=&viacode=&y=2023&m=05&d=18&hh=12&m1=0&m2=7&type=1&ticket=ic&expkind=2&userpass=1&ws=3&s=2&al=0&shin=1&ex=1&hb=0&lb=0&sr=0

張pass 13000 yen，你搭第3次特急已經有賺

買左啦已經，不過應該都會周圍玩㗎喇，雖然酒店係高松

直島記得租電動單車週圍踩，地中美術館同埋有啲美術館都要上網買定飛先，冇得walkin.

直島好靚 樓主enjoy.

官網(jr west) 買好似開放一個月前嘅日期，同埋官網買未換實體飛之前，你有事都可以改個pass(呢排睇緊天氣，可能要改行程，所以有去試下改唔改到) ，當然過左20號就用新價錢。

正常 官網買係一個月前先開同埋官網定價係比代理商貴
5月20加價之後官網定價同代理商定價會變到一樣

你買MCO participation date 填今日有冇問題？
張MCO本身就冇問題 因為無論你填今日定7月
佢操作上都係會出一張Issued係今日而有效期係3個月嘅MCO俾你 張MCO上面唔會寫你打算幾時開始用

不過因為代理商本身有退改條款理論上如果你填7月中 你7月中之前都仲可以退改
但如果你填左今日 之後就算7月有咩問題因為你個參與日期已經過左2個月 退改條款就未必會再啱用

簡單d講 填番預計用個日

Invoice received. 多謝解答！

任搭jr,鐵同bus, 交通唔駛煩先，但你唔係去好多市同遠既話，唔抵，你可以計下pass 價錢/日數 會唔會少過行程既錢

your love forever ~~

老老實實，雖然我聽過佢大名，但其實我係未睇過嘅，我係喺出發庵治前一晚先睇咗

雖然劇情用依家角度睇係幾老土，但係男女主角嘅外型、音樂、鏡頭畫面等等都係做得好好 第一代經典

去過四五次咁癲 睇巴打你個名都知咩料

最尾我淨係去咗地中美術館，然後周圍踩下算

認同，日本交通都貴，通常我唔會諗咁多買個pass先，任搭方便好多，唔使煩

好似係幾適合用嚟做遊記blog封面嘅一張相



隨便周圍行下，雖然落緊雨，但都係好靚，舊時代風格但保養得好好嘅建築，再加埋後面一片綠色



又有啲地方擺電影海報，有太多經典電影，不能盡錄




之後去到餐廳，但望下時間先發覺原來，20分鐘之後就要坐巴士走 之前又睇戲又咖啡館hea用太多時間 依家已經下午四點，我卻連早餐都未食

諗住去餐廳望幾眼就走，估唔到佢嘅招牌竟然係呢種學生時代嘅狗飯 你影得再靚，我都唔會落搭㗎喇




臨走前見到門口有賣豉油雪糕，小豆島有個豉油廠，都係一個景點，但我實在冇乜興趣特登去，依家可以試下嗰間豉油廠嘅名物，好呀

食落都有驚喜，兩者嘅味道竟然係幾夾，加上我嗰陣肚餓，食乜都好食㗎喇



訓覺中的貓店長

好正
要入場費？

離開呢個電影村了，老老實實，雖然我唔係幾鍾意呢度，但我未必推薦大家嚟，始終佢係要用好多時間浸淫下，加上你最好要睇咗套戲先，同埋佢位置又遠。但點都好，我都慶幸自己揀咗過嚟呢度



土淵海峽，全世界最窄嘅海峽，攞埋健力士紀錄，但.... 咁囉，冇㗎啦，就係咁，我去睇城門河好過

(雖然我預咗佢係伏，所以冇乜所謂，同埋其實當你碌下google map，就會明白呢個位的確係有啲特別，但你肉眼見到個下真係冇任何特別之處，甚至根本不可以稱為景點)





好肚餓呀 附近唯一一間有開嘅餃子店，明明睇水牌好似都唔錯，可惜入到去又係畀啲熟客坐滿曬

臨走嗰陣聽到班客人喺度講我，雖然我聽唔明佢講乜，但內容中聽到taiwan，我就同佢哋講hong kong，跟住打個招呼咁就走咗了




真係冇嘢食，唯有重返妖怪博物館嗰間cafe，都係冇正餐食，但起碼有杯熱茶飲下，出面橫風橫雨，搞到我又凍又餓，好彩有呢個避風港

射到？

緊係唔得啦，高仿only
幾重下就真

講起松山城，之前去有成套甲比你著
都幾正下

拖住個喼，喺大雨中等巴士，真係悲涼嘅畫面




越夜越大雨 好彩準備走了



今次係坐大船返去高松，甲板本身係幾靚，可惜大風大雨上唔到去啦，影張相就走喇



身體突然開始出現警號，身體發冷、喉嚨痛、眼瞓 之前作病完好返嘅身體，又再出事

喺船上食物站嗌咗一碗烏冬，可能我比高松嘅烏冬搞到嘴叼咗，呢碗嘢只可以用垃圾去形容 香港小食亭質素，可能再差多少少



但雖然難食，但食完之後，身體竟然即刻好咗唔少，轉念一想，發覺依家已經係夜晚七點半，我卻連早餐都未食過，淨係食咗包餅同埋一支雪糕

身體唔夠能量梗係好容易凍同埋病，但奇怪嘅係，我竟然唔覺得非常肚餓，所以無視咗身體嘅一啲警號，我個生理時鐘真係可能已經壞咗

呢刻開始我應承自己，即使去緊旅行，都要盡量保持與日日食足早午晚三餐，要交番啱飲食節奏

點解我去松山城嗰啲乜嘢都冇

岡山城我都見到有套甲，但我嫌麻煩，有冇人幫我影相，費事搞咁多嘢啦

好正
要入場費？

要，好似二百定三百yen左右，冇所謂啦！

唔好咁快走啦
再改機票改後少少
好想繼續睇你遊記

好邪惡呀你一句 我有考慮，但我五月尾前係一定會返香港的，再改都係最多兩三日，因為我要考一個試


我見而家post 2人係少咗，雖然我知係正常嘅，始終有冇咁多人有心機睇到post 2，多謝你留低仲成日睇