(live) 裸辭獨遊日本四國三星期 (2)

又黎

跟住去到皇子神社，係電影裏面我最深刻嘅場景之一，而實境甚至係比電影更加靚。




其實本來我係覺得自己係浪費緊時間，走呢啲偏僻地方，直到見到呢一幕，先覺得係值得嘅

其實感覺好難形容，其實就係一個好有歷史感嘅千秋，背後一個邊境小鎮嘅海邊景色，兩樣嘢放埋一齊。

呢一種小眾、純樸嘅畫面，就係我決定裸辭去旅行嘅時候，所期待嘅嗰種旅行畫面

唔係跑景點，唔係同人迫，只係搵個舒服嘅小眾地方休息下，唔使再諗工作或者其他問題，明明呢一點先係自己裸辭旅行嘅初衷，我竟然唔記得咗


(為咗遊記方便，我將第二日影嘅相都放埋一齊喺度)






平地嘅上方就係皇子神社，我嘅關注點淨係在於個風景，但一場到來，點都會參拜下

我發現google map 個評分係好信唔過
會向google map比分既通常係鬼佬
而點解會比高分
99%係因為有english meanu

係㗎，所以Tabelog有既話優先睇Tabelog分數

其實好多酒店預你留低行李幾日，你只要返去再checkin就得

放大第一張相嚟睇
個腦即刻響起平井堅把聲

其實好多酒店預你留低行李幾日，你只要返去再checkin就得

原來係咁 但我本身都諗住返嚟之後轉酒店，唔會再check in

之後公園盪韆鞦嗰度，對我嚟講仲深刻

有機會都想去盪韆鞦嗰度同寫真館
其他好似普通鄉下地方咁
夢島又去唔到
但寫真館兩日都去唔到真可惜

想問細船另一間係叫咩名？因為過幾日就去，淨係book咗要預約嗰間

上面 有名
高速観潮船 うずしお汽船
依間仲近渦之道

正 一口氣追返幾日遊記
樓主考試加油
唔好爛尾

紀念品真喺唔好諗，想買就買。過咗後悔。雖然好多都無只係擺

仲要冇碌竹

去寫真館係我特登去兩日一夜嘅主要目的

庵治本身已經冇咩做㗎啦，仲要呢啲小數嘅景點都唔開

去完千秋公園，下一站去到庵治溫泉

佢係一間溫泉酒店，本身收5點，但我揸住民宿張牌，就所以有折扣，同埋可以留到10點 無啦啦有優待，令人更加想去幫襯下





其實格局真係幾靚，雖然我冇機會入去我都知自己應該唔浸得，但都忍唔住想入去行個圈

錢都畀咗㗎喇，但穩陣起見問咗老細一句，濕疹有冇問題，點知佢即刻話對我身體唔好，跟住都即刻退返錢畀我，無計了



温泉酒店出面有個平台，比人放煙break。一場嚟到，點都想留返低少少記憶，問準老細之後，就坐咗去到一兩個鐘，影下星睇下風景咁，其實太暗，睇唔到太多嘢，但都舒服嘅，靜靜嘅感受下鄉下風情





手機加自拍棍就去影星，令各位見笑了之後諗住搵個手機用星空濾鏡，睇下有冇用



睇到個天突然咁多雲，就知道我收咗皮了，正處於離開嘅路上

其實呢個天色都幾靚，但我依加淨係想睇星去搵野食算

多謝支持
我衰我更新得慢 但有人睇就唔會爛尾！

明明我4月頭向小豆島返黎無耐就見到呢個post
點解樓豬個3星期咁耐都未完
搞到日日望住個post都好身痕

話說樓主好彩無玩多1-2個星期
四國至名古屋一帶前2日打風落暴雨落到出避難指示

真係玩左好多日 追極post都未完
黎緊都去日本玩下 睇完都有D想去四國行下