【Ｄ＆Ｍ】《病港ＩＩ》（６７）

水牛突然急剎，我迅即緊貼牛背將牠騎住，水牛馬上亂跳亂蹦，如同一頭羈的野馬想把我甩掉。

牛背上的我順從水牛的擺動，如同遊玩鬥牛機需要抵抗著強大的扭力和旋轉力。

水牛的掙扎隨時間減弱，大約堅持兩三分鐘，水牛終於體力不繼，高傲的氣焰被我所熄滅，不再作反抗。

鬥牛場內眾人屏氣凝神，瞠目結舌。

等到大腦接受事實，方緩緩張聲：「佢馴服咗……」

單調的拍掌聲響起，是雕。

「精彩。」雕說。

其他人如羊群般，逐漸跟著拍掌。

身穿皺舊西裝的主持人同時行出，即場宣佈：「贏家係依位……」

主持人對我暗暗地問：「哥仔你叫咩名？」

「馬克。」我答。

「馬克！」

「可唔可以救下個細路？」我看向張陸宏。

「得得得……」主持人揮手大喊：「工作人員清場！」

由於鬥牛競技給我贏下提早結束，觀眾們都轉往其他活動場地，本來人山人海的鬥牛場轉眼間人流散去。

「估唔到你都有興趣落去玩。」雕在門口等我離開。

「我只係想救嗰個張陸宏。」

「咁熱心？」

「喺我住嗰到獵手係叫病獵，全部都係珍貴嘅戰力。」

「可能正正係我地兩個地方嘅分別，依到嘅人想成為獵手黨一份子，係因為有頭有臉，掛住獵手黨個名每個人都要敬畏你三分，唔係因為懷住殲滅病者、保護人類嘅高尚情操。」

「嗯……可能係，駁唔到，但人唔會一成不變。」

事實上張陸宏的確反思了，那刻他看見的不是什麼威風八面，而是一個站出保護弱者的人。

「啲觀眾走哂去邊？」我踏出鬥牛場。

「第二樣比鬥牛刺激嘅，應該就係拳擊。」雕指向不遠處的物流公司：「有興趣睇下？」

「帶路。」

偌大的物流公司中，給劃分成不同的拳擊場地。

不同於鬥牛競技，拳賽是有獎金的，公司門口位置可以報名，唯一風險就是沒有點到即止，想要投降都得對方同意。

畢竟，觀眾都追求的暴力。

拳賽有分團體戰、個人戰、多人混戰等，亦可以和賽事主辦方下注，賭誰勝誰負。

作為老觀眾的雕，帶我看最熱門的拳賽。

那場地由鐵籠構成，能上場的都是地方的搏擊高手。

「鈴鈴鈴鈴鈴──」拳賽主持人搖晃鈴鐺，吸引觀眾注意。

「仲有五分鐘！中國古拳法周全瑞將會對戰神奇傻子陳星海，下注啦各位。」

「有冇興趣上去打幾拳？」雕瞄著我。

我搖頭，不感興趣。

倏地，場內有個格鬥場地引起騷動，好多人都在驚呼。

我們走過去看，發現有個光頭漢正暴打一名血流披臉的男人。

但被打的男人皮笑肉不笑，好像感覺不到任何痛楚似的。

「仲笑……投降啊！」光頭漢保持拳頭拉弓，準備打下去鼻樑。

「嘿嘿嘿嘿嘿……」可能男人給打瘋了，只是笑不停。

「咁唔好怪我打死你……」光頭漢再次揮下重拳，對方鼻子也凹陷。

「咩人打咩人？」雕問身旁的觀眾。

「光頭王打緊嗰條友，佢自稱係不死人，唔知咩來頭。」觀眾答。

「呯格」話音剛落，光頭王下了死拳，將不死人徹底打死。

下拳聲音那麼響亮，不死就真是奇蹟了。

「佢死咗！」光頭王激動得跳起站立，高舉雙手面向觀眾：「評判快啲宣佈我贏！我光頭王戰無不勝！」

然而，評判正要宣佈勝利者之際，不死人身軀猛地坐起，身姿動作極為不自然，沒有人類律動應有的流暢度。

觀眾和評判看見這幕，紛紛都啞掉了。

餘下場內亢奮吶喊的光頭王：「仲唔宣佈我贏？再唔講嘢連評判你我都照打死啊！！！」

不死人衝向光頭王，雙臂從後緊緊抱住他胸膛鎖緊，然後張口大咬其脖子。

「嘩哇呀呀呀！」光頭王驚嚇之餘，更是劇痛。

不死人牙齒口不放，活生生咬出塊血淋淋的脖子肉出來！

「嗚呀呀！！！」光頭王重度噴血。

看慣場面的雕都不禁皺眉：「癲到咁都係第一次見。」

出現了D

病奴？

神奇傻子

病奴能力係咩？

和生圍喪彪 好尷尬 呢個朵

Lm

近乎不死嘅功能, 應該一係就係蠶魚, 一係就係有病爪嘅極速回復細胞？

只有痛楚嗰條友好似都係不死？

病奴唔係成身紅點咩
打拳實比人發現啦，點會係佢

不死人=脆人？

詭

蠢魚上身啦
奇怪動作

變咗係蠢魚 正字係咩

蠹魚

南征戰爭有冇巴打統計下依家嘅戰力？

聽住先
過幾日又開支線

T1 港豬 七傘
T2 瑪希 湯婆
T3 蕭生 泰狩 滿天 等