【Ｄ＆Ｍ】《病港ＩＩ》（６７）

「嗄……嗄啊……真係奇怪，點解每次都係我輸？」DR.D用著顫抖的聲音，似笑非笑地說話：「好快……你會再見到嶄新嘅我，到時我會殺盡你……身邊全部嘅人……」

「無論你嚟幾多次。」我提起腳對準DR.D頭顱，準備全力踩踏：「我都會對你做相同嘅事……」

「嘿嘿嘿嘿嘿……」DR.D臉上帶著嘴巴歪掉的笑容，目光凝固轉移意識：「其實我哋……某程度上好相似……」

「呯」我重腳踏落。

DR.D頭部粉碎。

冰冷的月光映照大地，我看著死在腳底下的DR.D，彷彿是自己的影子。

事情尚未結束，場地仍有上百名蠹魚刀衛未擺脫控制。

我忽發奇想嘗試使用鯨歌製造人體自焚的假象，看看能否將所有蠹魚都逼出。

「滿天，忍住。」我說。

「……嗯？」滿天抬頭望來。

一瞬間鯨歌範圍內的人，全都驚見自身無故自焚。

恐怖的熾烈感隨即傳遞全身，每個蠹魚刀衛都痛苦尖叫，滿天本人承受著劇烈的炎熱。

大約焚身十秒後，刀衛們體內的蠹魚一一吐出，落地反肚，我方中止鯨歌。

滿天全身是汗，跪倒地上：「嗄……啊……」我伸手扶起滿天。

「DR.D已經走咗。」

「仲有冇其他威脅喺到？」滿天孤疑地掃視全場。

「應該就無。」

錦綉祭圓滿落幕。

錦綉王好快給帶回去喝定驚茶，獵手黨仍以犧牲十五名成員的代價，於爆炸損毀的關口建立好臨時防禦工事，暫時抵擋住市區來襲的病者。

善後處理交由一個叫游善飛的人負責，是個身穿湛藍色飛魚袍、戴著鳥形眼罩的男子，他帶著大量的防疫人員封鎖了整個區域。

我留下滿天作那些的解釋，自己則老早帶著DR.D殘破的軀殼離開，回到摩西那兒去。

或者我可以透過DR.D的肢體和軀幹，追蹤氣味來尋出他所在。

「嗚嗚吼……」摩西鼻子嗅著其斷臂。

忽然，摩西張口咬走，將斷臂吞下肚。

「喂，唔係俾你食。」我揮掌拍摩西的鼻。

「吼汪。」摩西首次叫得很像狗。

摩西嗅了好一會，記熟氣味以後方便搜索。

雖然DR.D利用意識轉移讓人追尋不到半點蹤跡，但只要曾經出現氣味就會殘留，透過比常人嗅覺靈敏上百萬倍的摩西，最微小的東西都能尋得著。

是夜，全城實施戒嚴。

為免引起不必要的誤會，我暫時沒有再出門。

第二天清晨我前往孩子們的廢屋，跟他們說出昨晚的事情。

「DR.D真係好難搞……」娃娃聽後有些憤慨，暗暗握實拳頭：「依十年嚟都死心不熄。」

「即係個D係個永遠都打唔贏嘅對手？」雲水把玩著左輪手槍，單手旋轉不停。

「差唔多概念……但每次消滅佢，佢都會變得更弱，雖然唔會死，但可以令到佢變得再無威脅性。」作為母體的黃金蠹魚死後，DR.D的生命就不可能再繁殖增生了。

「就算佢再出現，只要以後仲有病獵，都會出嚟阻止佢。」公仔果然夠正氣。

未到夜晚，滿天都前來廢屋與大家碰頭。

「琴晚點？」我先問他。

「處理後事嗰個游善飛，係錦綉王御用獵手，所有曾經喺入場前個檢查站留個名嘅市民，都被移送到去隔離營。」

「琴晚至少上千人喺嗰個會場到……」

「嗯，除咗醫護人員，無人可以例外。」

「琴晚DR.D其實去嗰會場做咩？唔會係純粹搞破壞呱……」艾匡忽然問。

「佢想寄身操控錦綉王，控制咗自然全個倖存區要聽佢說話。」

「喔，就好似蜥蜴人控制美國咁！」雲水思路有些奇怪，但大致上正確。

「但在場應該會有其他人目睹，唔會聽呢個假嘅錦綉王說話呱？」嘎嘎參一嘴。

「控制埋其他目擊者就搞掂，只係佢棋差一著估唔到我哋會喺到。」

M體術曈術幻術齊哂

要打贏真正嘅怪物，只可以咁做

原來距離病港一已經十年 有冇人俾到個時間線

d好中二病
打冷震

覺得D好似愈來愈廢咁，以前會覺得D輸完敗走都有古惑招收埋，偷襲三個大病獵但自己無埋條黃金蠹魚已經柒，今次又比M單拖打斷兩臂，諗住硬化D都係硬過霸體M，點知D收皮先。
係咪輸得太多，見到M就嬲得滯自動智力減半

合理喇其實
d 只係s1 嘅大boss
依家s2 可能連虔誠背叛合體都未必夠抽
不過係怪咗啲嘅
話哂d 同賢者都有得鬥吓
之後打蕭梵又係勁輕鬆俾人收皮
到百里蠻力又贏

咁虔誠背叛合體應該都勁過M依家，單挑未必贏到，D都唔會贏到
D依家好似好輕敵咁，D出嚟打蕭梵個次要頂耐啲打贏佢實做到，蕭梵本身都重傷，咁都唔拖下時間就比蕭梵斬頭，百里個次都係輕敵，可以同M打拳頭交但比百里打到輸埋條黃金蠹魚。
覺得s1個時打不破尚仲穩陣啲，起碼長期都硬化頂住，係最後敗走先比少佐炸，蕭梵個次D好型咁跳出嚟，無幾耐就比蕭梵斬頭

其實有冇人已經變到冇興趣再討論戰力和劇情？
人類角色、招數、技能、武器、特殊病者、伏線多到根本冇可能記得曬，千幾篇文搞到勁長勁亂
劇情永遠就係「開始入主線 -> 以為嚟料 -> 點知變開支線 -> 休養生息」咁樣無限loop，一日一篇，公式化加更，時不時休文
追故個態度慢慢變成每日㩒入嚟，有文就有文，冇文就罷就；跟住睇完篇文個感覺就變成「ok，你話點就點啦」，反正唔知幾時會結局，又唔太記得以前啲劇情，廢時長篇大論9up
結果就變成一種一個仲係好鍾意病港和墨b，仲係會課金追故，但就冇曬passion的讀者

我反而係有少少覺得, 期待咗佢哋再見面咁耐, 結果好似淨係得m有buff到 牙D好似完全冇進步過咁, 淨係身體硬化已經跟唔上時代步伐

咁佢都冇諗過M嘅變化會咁大嘅

班人會屌你有得睇就睇啦

本來網上個交流無晒意義
網上直接或者間接表達意見其實喺現實生活咪一樣存在
你估現實就無人屌咩
都唔知班人做乜唔比人講負面意見

最後搞到圍爐取暖咁好啲咩
講網上追故免費果啲仲on9
佢無夜放上網邊有人識佢？喺宣傳嘅一種
你有jk羅琳咁出名咪可以全部收費咯
你試吓無咗呢到擺文
有幾多人追落去或者點比墨巴知佢啲文仲有幾多fnas

M而家勁過滿天好多

滿天無buff，戰鬥經驗唔多

始終滿天只係普通人嘅肉體，M又有湯藥加持又有蘇維眼又有鯨歌，已經連乜野七傘呀鯨牙大劍金鷹頭拐杖全部都唔洗用

說得太好了

又未至於冇passion，不過我都比較少討論，學你話齋咁鬼多角色，個故又長到咁，鬼記得咩樓上講黃金蠹魚同Dr D打蕭梵我都唔記得曬，但係起碼我都會繼續追個故，最好M同湘可以拉埋天窗
可能出個病港3係公仔做主角，又有其他boss出現咁就將啲舊主線支線抹走佢

大西北遠征團咁辛苦嚟到，結果無出場
仲有得D一個？
佢啲隊友去咗邊

1. 紅光引蠹魚埋身
2. 叫滿天行開
3. 鯨歌
4. 郁手

咁咪唔使TK

用嚟過場介紹下大西北 順便同艾匡上buff
但係而家公仔有debuff 唔知仲有幾耐命

btw咁辛苦帶咗啲冰毒過嚟 滿天最後有冇上電

幾時buff滿天
題外話都係大劍m最有feel
而家雖然好勁但就冇乜感覺