【HiHi喇】我借左筆「靈魂信貸」......

1001 回覆

829 Like 29 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

涷檸啡 2017-07-19 01:08:05

一出賭場門口，肥佬便用拇指按實我的人中。

「哈哈，你做咩呀，哈哈，」我猶自狂笑不己。

「咁惡？」肥佬改為用雙掌夾實我左手的中指！

剎那間，我頓感呼吸順暢，那感覺就像從水底伸出頭來。

我喘著氣道：「究竟發生咩事？」

「小兄弟，」肥佬拍拍我道：「你俾鬼上身呀。」

「吓？」我大吃一驚。

「係呀，睇你賭到腳踭離哂地就知啦！」肥佬掏了根煙出來，「好彩頭先隻鬼仔只係貪玩，你先無咩事喳。」

「鬼仔？」我聽得不明所以。

「你唔知咩？」肥佬笑道：「每張賭檯至少都會養左一隻鬼仔，唔係點吸你地啲財呀？不過奇怪既係，一般呢啲鬼仔都唔會上到人身，唔知點解你會中招.....」

我聽了不禁一慄。

難不成是我把靈魂抵押了，鬼仔才能趁虛而入？

涷檸啡 2017-07-19 01:08:21

肥佬像看透了我的心思，問道：「小兄弟，你最近唔係借左錢呀嘛⋯⋯」

「無....無呀....」

「小兄弟你農曆生辰係幾號？」

「吓？」我退後一步道：「關....關你咩事呀？」

「事態緊急，你唔講我幫你唔到。」

見肥佬神色凝重，我只好答道：「1989年7月14咯⋯⋯」

「子時出世？」

「你點知架？」

肥佬不答反問道：「佢地批左幾錢俾你？」

「嘩，」我為難道：「呢個係商業秘密，我唔講得你聽喎！」

肥佬嘿了一聲，冷笑道：「如果佢地批少過十億，都係搵你笨。」

「十.....十億？！」我差點兒沒被嚇暈。

「小兄弟你有所不知喇，」肥佬點了根煙：「你咁岩係蛇年鬼節兼子時出身，屬百陰之匯聚，一般來講都活唔過雙八年華，即係十六歲，更加唔會係男胎。」

「咁即係點呀？」我聽得一頭霧水。

「咁即係代表小兄弟你既魂魄極度罕有，我地呢行佢叫做「冥修羅」，黑市既叫價分分鐘可以去到十億以上。」

「嘩屌！」我驚訝道：「咁我既身價咪貴過C朗？！」

「唉，」肥佬嘆了口氣道：「見大家相識一場，我勸你都係早啲返香港啦。」

「吓？」我苦笑道：「我到左澳門無幾耐喳喎....」

「小兄弟，你依家靈魂中空，好容易會惹鬼上身架。賭場附近又咁多遊魂野鬼，無論你幾受得住陰氣，遲早都會頂唔順。你自己好自為之啦。」

說罷，肥佬便彈掉煙頭，消失於黑夜之中。

DavidBeckham7 2017-07-19 01:11:09

我驚訝道：「咁我既身價咪貴過C朗？！
笑左

涷檸啡 2017-07-19 01:18:25