【HiHi喇】我借左筆「靈魂信貸」......

出未 等左成朝

等到頸都長

樓主比鬼上身寫唔到文

高質故加速是常識吧

「馬老闆你究竟想講咩呀？」我被他時而文雅時而粗鄙的說話方式弄致哭笑不得。

「說來話長，」馬老闆在書檯後的檀木椅坐了下來，「客倌你手上面既黑斑，其實係屍斑。」

「唔係掛？！」我驚訝到走音，「你會唔會睇錯呀，濕疹來喳嘛！」

馬老闆淡淡道：「你借得靈魂貸款，就預左要承擔惡果。」

我不服氣道：「係，我係借左錢，但係佢地明明話就算唔還錢都無咩後果架喎，頂哂籠咪輕21克體重咯。」

「財仔講野你都信？」馬老闆冷笑道：「古語有云：借錢梗要還，咪俾錢中介。」

「咁我依家究竟係咩情況呀！」我激動道。

「依我睇來，」馬老闆透過眼鏡打量著我，「你依家只係一具屍體。」

「唔係掛！」我大叫道：「抵押左靈魂者，未至於係屍體呀嘛。」

「英國大文豪C.S.Lewis曾經講過，」馬老闆突然沒來由地冒出一句：「我們不是擁有靈魂，我們本身就是靈魂，並同時擁有軀體。」

我瞪大眼睛問：「咁即係點呀？」

「即係無左靈魂既你，依家只係一副行屍走肉既皮囊，僅僅靠住靈台既一點清明支撐。如果七日之內你搵唔返自己個靈魂，啲屍斑就會上到眉心，到時你就疊埋心水壽終正寢啦。」

馬老闆說得理所當然，我卻如墜冰窰。

雖然我不想相信，但前臂上的屍斑卻令我不得不信。

我抱頭道：「點解.....點解個財仔要咁害我......」

「咁又唔係針對你既，」馬老闆嘗試開解我道：「佢地都係想賺錢者。」

「賺錢？」我愕然道：「我唔還錢既話佢地又點賺錢啊？」

「少年你太年輕了，」馬老闆這時站了起來，「你知唔知呢把野係咩來頭丫？」

我順著他所指的方向一看。只見他背後的那幅牆上掛著一把帶鞘的匕首。

「唔知喎.....」我歪著頭道：「小李飛刀呀？」

「我就真係小你啦！」馬老闆沒好氣道：「你試下攞佢落來先啦。」

「哦，」我順著他的指示把匕首拿下。

誰知我一握住刀柄，耳邊便響起千軍萬馬的號角聲。

那股內在的氣勢把我震撼得渾身發顫。

「你身體咁孱，等我來拎啦。」馬老闆從我手中接過短刀，我才勉強平靜了下來。

「點解會咁架？」我喘著氣道，情形就像剛剛跑完馬拉松。

「呢把匕首叫余公，」馬老闆輕輕撫著刀柄道：「係清朝留傳落來既古董，上面彌留左無數戰場上面既亡魂。」

「吓，唔通我頭先聽到既就係呢啲亡魂既呼聲？」

「無錯，」馬老闆點頭道：「有時候靈魂既執念太重，往往會依附係一啲靈性效強既物品上面，例如係琴棋書畫等等。」

「咁關我咩事呢？」我忍不住問。

馬老闆像是沒聽見般，猶自道：「如果靈魂附上啲書畫都好啲，但如果附上兵器既話....」

說著，馬老闆猛地把匕首拔出刀鞘，向右一刺。

一股刺骨的寒氣霎時劃破半空，在牆上刺出一個大孔，其威力堪比子彈。

馬老闆見我嚇得目定口呆，便拍拍我道：「呢把碎料來者，試想下有人將你冥修羅既靈魂注入把AK47呀。」

他這麼一說，我頓時明白那時候Tony為什麼不惜千金都要得到我的靈魂。

Live

推

Live

推

食lunch有文送飯 正

由巴士故追到而家

多謝

又Live左 我都係去追番d舊故

Facebook 有得追返
facebook.com/icelemoncoffee

等到好苦悶

咪比錢中介

Live左

疊到咁高，係咪無人買

我都會keep住出文既

甚麼意思？

難道說昨晚所經歷的，竟然不是夢境？！

我真的借了Angel Fund三億？！

我懶理全身的酸痛，從床上彈了起來。

若然這張卡裡面真的有三億，那今天到期的三百萬銀行貨款，根本不值一提。

一念及此，我立即衝出房間，準備下樓。

褲袋的電話卻在這時響了起來。

起初以為是銀行打來追債，誰知另一頭竟是電話公司的客戶服務員：

「先生，請問你尋晚八點左右係唔係香港呢？」

「係呀，咁又點？」

「咁既，我地查到尋晚呢個時段，先生你用過漫遊數據來下載程式，由於所需既跨境費用都唔少，所以想同先生你確認一下。」

「等等，你話尋晚八點？」

「無錯，」

那不是我剛到達Angel Fund櫃臺的時候嗎？

「喂先生？」

「係，」我回答道：「你頭先話我用左漫遊數據，可唔可以check下我漫遊左去邊？」

「請稍等.......根據系統資料顯示，當時先生既位置大概係喺北太平洋既馬尾藻海...」

「吓？！你話邊度話？」

「嘎....即係百慕達群島附近....我相信係系統出錯左，我地呢邊即刻幫先生你跟進返。」

沒等我回應，那電話客服己掛了線。

我腦袋頓時一片混亂，無數問號在腦中打轉.....

算了，現在最重要的，還是先看我手上這張提款卡，到底能不能夠拿到錢！

百慕達群島唔係北大西洋咩?

睇完維基都打錯

Lm
巴打你既故都有睇過

多謝捧場

快










個故好撚正 留名支持下

文呀!!!!