【HiHi喇】我借左筆「靈魂信貸」......

留名

留個名先

我跟著OL來到了一間極其寬敞的會議室。

寬敞得，我甚至懷疑在這裡大聲說話到底會不會有回音。

「邪生你係度等等先，我地貸款部主任好快就會接見你。」

未等我回應，OL己關門離去。

如是者，我只好在房內其中一張旋轉椅上坐下，張目四看。

偌大的房子只得一張開會用的長桌及兩張對立而放的旋轉椅。

泛藍色的燈光，讓整個空間顯得冷冷冰冰。

是我多心了嗎？自踏進這會議室後，我總有種強烈的不協調感。

但到底是哪裡不協調，一時三刻我又說不上來。

然而我還未來得及細想，會議室的玻璃門己被人再次打開。

這次走進來的，是一名身高六呎，西裝燙得筆直的中年男人。

他的下巴留有一撮充滿男士魅力的山羊鬚。

「唔好意思邪生，要你等咁耐。」

「唔會唔會，」我連忙站了起來，「都係等左一陣者。」

「我係貸款部主任Tony，」那男人伸出了手。

「我叫邪智偉，你可以叫我阿偉。」我伸出手與他相握。

是冷氣太凍的關係嗎？Tony的手非常冰冷。

「請坐。」

「好。」

我畢恭畢敬地在Tony對面坐下，而他則一臉悠然地審視我的申請表。

「哦，又係姓邪....」Tony低聲自語。

「係，」我插嘴道：「之前我表哥都來過呢度借錢....」

「邪生你係七月十四出生？」Tony指著申請表問道。

「嗯....」我苦笑道：「其實我都係岩岩用app查完先知...」

「出世既時辰填漏左？」

「唔係...」我尷尬道：「只不過個APP無教我點轉時辰.....」

「唔緊要，」Tony拿起了筆，「你依家講俾我聽，我幫你轉。」

「哦....應該係凌晨十二點....」

「子時？」Tony的眼神泛出異光，就連拿筆的手也微微顫抖。

「吓...係掛...其實我唔係好明你地呢啲問題同我要借錢有咩關係...」

「大有關係，」Tony坐直了身子，「呢啲都會直接影響邪生你可以借既貨款額。」

我本想說句「咁撚無稽？」，但Tony嚴肅的樣子又不似在說笑。

算了，畢竟有求於人，我還是見步行步吧。

「邪生，」Tony繼續問道：「介唔介意講下你父母既入息狀況。」

「呢層...」我有點難以啓齒道：「我阿爸阿媽一早過左身喇...」

「噢，真係遺憾....」

Tony雖然這樣說，但他的語氣聽起來就像是理所當然似的。

「邪生你未結婚？」他又問。

「係呀，」我有點不耐煩道：「女都未有，點結婚呀！」

「明白，」Tony在紙上迅速書寫了幾筆，「跟住落來，我地要同邪生你進行一個簡單既壓力測試。」

「好啊.....」話題終於正常了一點。

「過程當中有咩唔舒服既話，邪生你即管話我知。」

「吓，做咩會唔舒服啊？」

「開始喇喎，」

還以為Tony會再給我一些奇怪的問卷，但這次他只是捏著拳頭死盯著我。

「點呀？」Tony問道。

「咩點呀？」

「依家呢？」Tony的拳頭捏得更緊。

「做咩呀，你流哂汗咁既？」

「哈哈哈，」Tony鬆開拳頭，「我就估到會係咁。」

「你究竟做緊乜呀.....」我全然換不著頭腦，「其實你地係咪玩緊我架。」

「絕對唔係，」Tony擦了擦額上的汗水，「只要再進行多一個步驟, 我地就可以評估到你個貸款金額。」

又玩死人今次

lm

幫樓豬PISH

推推推

lm

加速

lm

Lm

涷檸啡

無上限貸款？ 因為太陰

Lm

睇到個標題已經狗衝入黎正評

好正

Lm

篇故幾得意