【HiHi喇】我借左筆「靈魂信貸」......

Live

live

live

Live 支持

留名

推

push

Pish

唉更新太慢了

推

得咁少文點追呀

加速得一篇唔夠嫁

Lm

推

文呢屌閪！

lm

新讀者留名

嘩好高質

lm

「有樣野我唔明，」我問馬老闆：「既然佢地咁想要我既靈魂，點解當初要咁麻煩叫我做抵押，其實佢地直接吸左我個魂咪得咯。」

「咁容易個個都去做黑白無常啦，」馬老闆沒好氣道：「要提取活人既靈魂，必須要雙方同意制訂靈魂契約先得架，仲要另一方七日之內達成唔到指定條款先可以強制沒收。」

「哦！所以佢地先用靈魂借貸來局鳩我！」

「咁又係你自己應承人地既，無話局唔局鳩啦。」

「換言之，如果我盡快還到三億俾佢地，我就可以贖返自己個靈魂？」

「理論上係咁.....」

「唔該哂呀馬老闆！」我忍不住抱了他一下，「我依家即刻諗計去填番果幾百萬卡數，然後俾返張卡......」

說到這裡，我才醒起自己還未找到Angel Fund的提款卡！

「仆街喇！」我二話不說衝到書房的門口，嘗試拉開擋著門口的書櫃。

「做咩呀，你急屎呀？廁所係嗰邊喎.....」馬老闆指了指後方。

「唔係呀！」我氣急敗壞道：「我唔見左財仔俾我果張提款卡呀！」

「唔係呀嘛，」馬老闆搖頭道：「係邊度唔見架？」

我只好把之前在賭場遇到的事情說了一遍。

馬老闆聽畢皺眉道：「你喺賭場遇到果個豪客，係咪生得肥頭耷耳，眼仔細細咁架？」

「係呀，你點知架？」

「哎呀，」馬老闆擊額道：「條友叫墨七，係我地啲行家來，出左名手腳唔干淨架，你張卡肯定係俾佢偷走左啦。」

「吓，佢偷走張卡有咩用呀，佢又唔知密碼.....」

「佢有無問你農曆生辰係幾時呀？」馬老闆問道。

「有呀.....」

「咁你有無改過密碼吖？」

「無........」

「咁咪賴野咯！」馬老闆搖頭嘆息。

「無啦無啦.....」我抱頭道：「依家果三億都俾人偷埋....我呢鋪死撚緊喇.....」

「咁又未必既.....」馬老闆微笑道：「睇你敢唔敢搏一鋪啦。」

見有一線生機，我連忙道：「搏！我靈魂都抵押埋，己經無野可以輸。」

「咁又唔使妄自菲薄既，你仍然擁有一樣好珍貴嘅嘢....」馬老闆上下打量著我。

「係咩呀⋯⋯」我不自覺地地遮掩了一下自己的重要部位。

「諗左去邊呀，」馬老闆沒好氣道，「我指既係你承載得住冥修羅靈體既肉身呀。」

「呢副肉身？」我摸了摸自己骨杉杉的身軀。

「無錯，」馬老闆點頭道：「之前既遊魂野鬼咁想爭住上你身，係因為你副肉體係佢地眼中，就有如凋空左既半山豪宅。」

「怪唔之得佢地係都要纏住我啦！」我恍然大悟道：「但係馬老闆你唔係話啲靈魂附身係武器上面先係最可怕既咩？」

「係呀，」馬老闆眼神銳利道：「所以我打算將你打造成最強既靈體武器，然後返去同班財仔死過！」

「好！」我被他說得熱血沸騰，「咁我應該點配合呀？」

「攞住佢，」馬老闆把剛才那把叫余公的匕首放在我手上。

亡魂的呼聲霎時間直貫入耳。

「心無旁騖，摒除離念！」馬老闆囑咐道。

「好....好高難度呀！」我發抖得有如狂風中的落葉，又像暴風雨中的孤帆。

「頂住！唔係你會俾啲亡魂反噬架！」馬老闆的聲音聽起來就像從遠方傳來的吶喊。

我閉上眼睛咬緊牙關，默默緊守著靈台一點清明，在海嘯般的慘嚎聲中苦苦支撐。

「我唔得喇！」我感覺自己快要被拖進一個永遠不會醒來惡夢漩渦。

就在這時，我的右手突然傳來一股溫暖的熱氣。

那情況就像雷雨交加的天空突然破曉出一點陽光。

我拼死命地向著光處靠近，任由陽光慢慢傳遍我的身軀。

風雨聲慘嚎聲逐漸腿去，我全身有如淋浴在和暖的春意中。

我緩緩張開眼睛，卻發現小瘣正握著我的右手。

「多謝妳呀，」我由衷感激道。

「嗯，」小瘣有點尷尬地鬆開了手。