同你之前都似,換枕頭之後有改善,正確枕頭高低你google下都有。仲有一樣嘢要試就係背頸連接位同腰位有冇承托
平訓揾人幫手zip隻手入呢兩個,正確啱位隻手冇咁易zip入去。
之前換過5,6個枕頭都唔啱,因為側卧同平卧其實需要唔同高度,最尾我揾咗分區枕頭(分四區) ,可以自己塞d "膠管" 入去調高度,兩邊可以高d, 中間分兩區,頸位突起小小,後尾枕低小小,咁個頸位就有啱嘅承托,埋迫自己平卧咁訓肩膊都舒服埋,就解決到
最後就係床褥軟硬都有影響枕頭高低,我硬床褥換咗軟床褥,個人沈低咗,個枕頭就變得太高,所以出去買枕頭試果陣揾返相似軟硬度嘅床褥先最準
題外就係,可能淺眠者真係對睡眠敏感d﹐我呀媽果d梳化定床,咩枕頭都訓得好林,點解唔遺傳俾我