981 Like
8 Dislike
問問masteryi
2022-09-18 16:28:20
成長速度快d?
來自未來的機械貓
2022-09-18 16:41:15
一直被病者撫養嘅人類
神仙B大佬
2022-09-18 19:07:17
推
面具男
2022-09-18 19:13:42
估計呢個女仔喺由個跟蹤狂耆者養大
如果估錯歡迎鞭屍
無法避免
2022-09-18 20:22:38
推
岑珈其女朋友
2022-09-18 21:45:40
大家請便
點解咁多狗
2022-09-19 00:18:50
墨說
2022-09-19 00:37:13
「嘎嘎?」我下意識的退後半步,因為嘎嘎是病者常用語。
少女摸住喉嚨:「我……我叫嘎嘎?」表情詫異。
「……」我瞥向廚房菜刀的位置
少女突然蹲下,懊惱的抓住髮絲:「我、我講唔……到……自己個名……」
「咩意思?」
「我個名唔係叫嘎嘎……但我會……會……自動讀做、嘎嘎……」少女非常氣憤,打了旁邊的雪櫃一下。
「咁奇怪?」我想了想,給出解決方法:「咁不如你寫出嚟。」
雖然不知什麼情況,但先搞清楚吧。
我入單位的主人房,拿了張紙和筆給「嘎嘎」。
「寫低。」
嘎嘎接過紙筆貼牆寫上自己的名字,卻寫出不是文字的東西。
我很清楚,因為我看過……那是病語文字。
寫到一半,嘎嘎都發現自己寫不成字,而扔掉了筆,捏皺了紙,焦慮地告訴我:「總之……我唔係出面嘅怪物。」
難道她是詭人?但瑪昆不會像她那樣,說不出自己的本名。
「信你一半先。」其實也不是很相信。
「唔……」嘎嘎垂下頭。
「你點解會喺到,唔小心行入嚟?」我換別的問。
如果嘎嘎真的回答自己是不小心走進來,那太不可信了。
墨說
2022-09-19 00:37:24
情況就猶如我是個太空人,千辛萬苦的上到月球,卻發現有個少女老早登陸月球,還跟我說自己是不小心上來,這是不可能發生的情況。
嘎嘎表情有些厭世:「我特登入嚟。」答案出乎我意料。
「特登?」
「係。」
「離家出走?」
如果她真的回答是離家出走,而來到病者國度的話,那真的太荒謬了。
離家出走到病者國度,情況就如同出走到珠穆朗瑪峰居住。
「避開一個人。」嘎嘎看著瓶內的酒紅。
「咩人?」
嘎嘎轉身別臉:「你唔識。」她不願提起。
「咁你嚟咗幾日?」
「一年。」
我的驚訝反應延遲了兩秒有多,因為一時間消化不了。
「一年!?」
「嗯……」
「直到依家?」
「係。」嘎嘎再次望住我。
「你係點生存到依家,呢到係病者國度……」
嘎嘎突然冒出鼻血:「我喺……」伸手拭了拭血跡後,雙眼反白暈倒。
「喂……喂……」我試著拍醒嘎嘎,可她一睡不起。
現況下沒有任何藥物,我只能將她安置主人房床上,思考著這位迷一般的少女,究竟何方神聖。
我坐在床邊良久,充當保姆看守她的安全,中間脫下破損不少的病袍,好好伸展下筋骨。
剛脫下病袍,房間內倏地傳出嘿的一聲笑,我立即轉頭張望,嘎嘎她面容卻平和地深睡著。
誰在笑?
墨說
2022-09-19 00:37:34
或者是其他上下單位。
病者國度笑聲如車聲,見怪不怪。
我看守嘎嘎半天,渾身冒汗的她才悠悠轉醒:「……」瞪著天花板一陣。
「你終於醒。」我每半分鐘瞧嘎嘎一眼,方發現她醒來了。
「又發咗個惡夢……」嘎嘎坐起。
「你訓咗半日。」我說。
「同一個地方,唔可以留太耐……」嘎嘎摸向扭傷而紅腫的腳,試著站落地上:「嗰個人搵咗紅鼻子幫手,好快會搵到嚟。」
「紅鼻子?」
「某隻怪物嘅名,佢個鼻好大、好紅,但係特別靈敏。」
「個名係你自己起?」
「唔係……係我個腦,一早知佢叫紅鼻子。」
「一早知?」什麼意思。
「我都解釋唔到。」嘎嘎聳聳肩,自己都陷入迷思:「我個腦成日有啲唔屬於自己嘅記憶存在……」
這少女真的很耐人尋味,直覺告訴我她有些重要。
「嘿。」又出現意義不明的笑聲。
我們望向彼此,雙目交接當下,我們好快意識到……笑聲來源根本不是來自我們兩個。
我和嘎嘎慢慢轉頭望去主人房的衣櫃,並由我下床小心地靠近,雙手放櫃柄上。
「噓。」我示意嘎嘎別出聲。
「……」
我行去將衣櫃拉開,兩米耆者竟彎曲著身,躲在主人房的衣櫃裡頭。
我和嘎嘎都心中震驚,她更立刻喊出名字:「跟蹤者!」名字亦與兩米耆者的特性非常相符。
我兩手向前按住跟蹤者鎖骨,不讓他跑出衣櫃亂動,令跟蹤者亂叫亂嚷。
「咿咿……嘩……咿嘩嘩!嘩嘩咿……」
我發力捏緊跟蹤者的鎖骨,啪格一聲鎖骨齊斷。
我壓抑幾日的憎恨全數灌注拳頭上,對準跟蹤者頭部連環出拳,數十下使他左右臉骨碎裂凹陷,眼珠凸出甩落,到跟蹤者缺失半顆腦袋,我仍未收手罷休。
直至跟蹤者面目全非,我才稍為回神,從怒海中解脫。
我原地冷靜好一會,單手插住腰:「呢隻病者嘅名,你又係一早知?跟蹤者。」
「你可以唔信我。」
「呢個我信你,佢的確跟蹤咗我好耐。」
我抽起幾張屋內的紙巾,抹乾淨兩個沾血汁和腦汁的拳頭:「但可以講下你來歷?」
嘎嘎閉口不談:「……」
「唔緊要,唔答都得。」儘管她未成年,她都應該擁有私隱的權利。
我們間靜了好一會,我開始介紹自己:
「未介紹,我叫M。」
「單名一個英文?」
「係,我都好耐無將個真名講俾人聽。」我給盤腳坐著床上的嘎嘎伸出友誼之手。
嘎嘎猶豫幾秒,跟我握手:「M……多謝你喺條街幫我。」
「我救唔到你幾多次,你以前點喺到生存成年?」
「以前我係住山上面,有好多枯樹做掩護,怪物都好難發現,就算有怪物發現,都係即刻跑走,好似捉迷藏咁。」嘎嘎看著窗口對出的玉桂山,眼神有點深遠:「但係琴日……佢帶住紅鼻子嚟搵我下落,我先走得咁狼狽……」
「佢係邊個?」
「一個好危險嘅人。」
「依到所有嘢都危險。」
「知道邊啲地方可以去,邊到唔應該,都勉強保得住條命。」
「你好熟病者國度?」
「熟熟地。」
「可唔可以講到俾我聽,病者國度成個地區嘅分佈?」
「我背囊有畫過幅地圖記低,如果你要我用個腦諗返好難……」嘎嘎苦惱的撫著腦勺:「因為我成日都好頭痛。」
「咁你背囊喺……」
「留咗喺我玉桂山個營地,嗰陣我跑我太急,無拎到走。」
牧羊記
2022-09-19 00:37:53
幸運時間!
無事做先生
2022-09-19 00:59:06
兩米耆者點入去的
無法避免
2022-09-19 01:12:20
誰在笑?
靈異生物
2022-09-19 01:21:48
彎曲住身,應該係好似n型咁?
森林大火鳥
2022-09-19 01:28:50
岑珈其女朋友
2022-09-19 01:29:42
咪M衝落街救人嗰陣入去
kayi_
2022-09-19 01:49:47
有返啲feel
二寶糖
2022-09-19 01:53:11
比天腦控制?
魔法嵐
2022-09-19 02:02:35
咿咿……嘩……咿嘩嘩!嘩嘩咿……
無法避免
2022-09-19 02:42:17
其實有講點解未?成日見到病語但唔知噏乜,好撚無癮
見字呼吸飲水
2022-09-19 02:54:44
解完g線先
蕭梵
2022-09-19 03:00:16
南區真係好正