【霸體】《病港II》(57)

979 回覆
980 Like 8 Dislike
2022-09-01 01:56:27
「不過佢無再特別管我哋,話我哋已經有能力獨立,呢段時間我又諗緊自己可以做咩……然後就遇到富馬史大哥。」公仔說。

「咁歡迎你加入病獵協會先。」我伸出手,跟兩人相握。

接著大病獵們逐個和兩兄妹握手,順道介紹自己。

「大病獵,博海德。」

「大病獵,蒙柯亞。」

「大病獵,劉吉。」

「大病獵,陳……陳一、劍。」

「大病獵,薛墊仁。」

「大病獵,富馬史。」富馬史都正式介紹自己一次。

大家握手後,便往港島區進發。

「大病獵係港島對病獵嘅叫法?」我猜到公仔會這麼問。

「唔係,我哋病獵協會層級架構分明,分咗病獵、資深病獵、大病獵、病獵大師、病獵副會長、病獵會長,入班受訓未認可嘅叫學徒。」博海德詳盡說明。

「咁即係你哋都……」娃娃點算著手指:「都係屬於幹部位置?」

「可以咁講,再上嘅病獵大師已經係元老級。」蒙柯亞抱著臂說。

「我哋曾經得一個大病獵升職上到去。」富馬史不自覺仰首,語帶感嘆又帶釋懷。

大家都無意中想起,那個差點被遺忘的英雄名字。

「咁我應該會係學徒?」公仔猜想。

「公仔,你自己對付過特殊病者,已經可以當係資深病獵。」富馬史拍拍他手臂,像給予重責。

「資深病獵係有咩要求有咩要做?」

「資深病獵主要處理倖存區外面嘅任務,多數係病者出沒喺資源採集區,區外貨物護送、區外地點調查呢幾種,通常仲要識得指揮小隊行動,但你應該玩開孤狼?唔緊要,有部份任務基於隱密性都只限一個資深病獵執行。」富馬史說得口乾,拿出水袋大灌一口。

「聽落都幾高要求……」
2022-09-01 01:56:38
「嘿,嚟到港島就唔係放假。」博海德笑了笑。

「咁嗰位妹妹,你都係病獵?」劉吉轉問娃娃。

「我?我唔係啊。」娃娃揮揮手說不:「我通常都係幫阿哥包紮下傷口咁……」

「你識醫術?」

「略懂……」娃娃用手指比劃:「皮毛。」

「咁你可以跟蒙柯亞學下嘢,記唔記得邊個?著紅色急救服嗰位。」劉吉指著他。

「娃娃你有興趣就報名。」蒙柯亞善意微笑。

走到油塘月台一帶可以嗅到強烈的屍臭味,有幾名治安員正從路軌搬運屍體上月台。

「搞咩啊老友?有屍臭味。」蒙柯亞主動開聲問。

「又有死人……」治安員語氣見怪不怪,循例地說句:「你哋自己小心啲啦。」

「死咗好多過?」博海德好奇問下去。

「都超過十個,全部都喺路軌到落手……你無睇過地鐵站周圍貼嘅海報咩?鐵路殺手啊嘛,犯咗案好耐,但你哋咁多人應該唔驚啦。」治安員說。

「一直捉唔到人?」薛墊仁目光帶少許鄙視。

「好難捉嫁喎,條路又黑又長,一有少少動靜佢都走甩咗啦。」

明顯是看守地鐵的治安員懶散,才導致出現鐵路殺手。

「最好俾我遇到個連環殺手……俾我同佢鬥下邊個癲啲……」陳一劍語無倫次。

一如既往,地下鐵道內充滿不懷好意的目光和奇人異事。

有等被僱用保護客戶的業餘騎士、有裸體側身睡在路軌上的鐵路迷、有拉二胡的流浪商人。

我在二胡商人那邊,恰巧看見有個鳥嘴面具賣。

不知第幾次失去面具的我,又添購一個新的。

當然,街邊攤檔買的東西都不耐用,商人賣的鳥嘴面具是立體紙模型,純粹用來掩蓋真貌,下雨的話這模型定必垮掉。

走到半路,我們再遇見一個怪人。

他舉起兩隻手布偶,左手那隻是參照舌女製作,右手那隻是參照自己外貌製作,他就這麼坐在行李箱上,自問自答般玩布偶話劇,玩得非常入神,完全沒注意眼前經過的我們。

他樣子……

有些面善。
2022-09-01 01:56:50
「班尼先生,請問你願意娶舌女小姐嗎?」他裝作第三方的神父語氣。

「我願意!」右手布偶用他正常的聲線答。

「舌女小姐,你願意嫁俾班尼先生嗎?」

「等我考慮下先。」他裝成女生的聲音,卻裝得陰陽怪氣的。

「求求你啦舌女小姐……嗚嗚嗚……」

「好喇!」左手的舌女小姐答應了。

「耶!」班尼倏然站起,激動地向經過的我們喊:「she say yes!」

面對神經病,最好的方法是無視。

我們直行直過,沒想到班尼死死糾纏:「你哋無聽到佢答應咗!?」

「聽到,恭喜你。」行最後的劉吉隨便敷衍一下。

班尼馬上變臉,高高興興地拿出不知哪來的結婚戒指,套在舌女手布偶其中的手上。

「我哋要結婚啦嘰!禮金!禮金啊……」班尼想向我們討錢。

我一個轉身:「你玩夠未?」班尼嚇得全身靜止,呆呆看著我。

這張臉孔,讓我驟然生出十多年前的畫面。

他,是那個不良人的班尼……

那個想迎娶病者的班尼……

變態班尼。

沒有錯,那油油的頭髮,啡色的骯髒繃帶和怪聲怪氣的說話語調。

「我……你……我……你……」班尼開不了口。

「終於俾我見到你。」我欲要伸手捉拿。

敏捷的班尼預先閃開並朝反方向奔跑,最後沒入漆黑中。

「會長,你識佢?」大家都好奇。

「一個惡意倖存者,以前差少少死喺佢手上。」我直說他來頭。

有些人十年過去,會去闖過非凡的成就。

有些人十年過去,依然瑟縮黑暗之處。

歲月,真是不饒人。

往後的路上,相對正常一些。

公仔和娃娃不是第一次來港島了,不會再有那種仰視摩天大廈的宏偉感,取而代之是輕輕的感嘆。

我齊齊整整的順利回到病獵協會,推開門準備跟病獵協會的生招牌霍洛圖揮手,誰不知樞密基卻佔了他的座位,對回歸的我們微笑應接。

「樞密基?」我停在接待櫃檯前,打量不同樓層。

「歡迎你哋返嚟,你哋唔喺到嗰陣,我哋已經發生政變,由今日開始病獵協會正式歸叛獵組織掌管。」樞密基一本正經地說。

「……」大家都默言無語

「你講咩話!!?」陳一劍激動上前,想扯住樞密基衣領。

忽然,穿睡衣戴睡帽的霍洛圖從接待櫃檯後面的儲物室行出,聽說他都睡在後面的儲物室中,方便起身馬上工作或處理突如其來的事情。

「會、會長,仲有其他大病獵……你哋終於都返。」霍洛圖露出幸福洋溢的表情:「我終於可以真正咁訓下……」

「霍洛圖……發生咩事,協會俾人接管咗!?」博海德也問。

「我諗佢應該只係講下笑。」說罷,黑眼圈極重的霍洛圖回去睡覺。

「各位,俾少少幽默感,你哋平時已經唔好笑。」樞密基說出真話。

「真係識嚇人。」蒙柯亞呼口氣。

換言之,樞密基只是開個玩笑。

「你哋依星期都唔喺到,所有事情都交哂落霍洛圖身上,我見佢咁辛苦,先暫時接替下佢。」樞密基不緩不急的說出緣由,其後輕輕地拍手:「睇嚟你已經康復,真係醫學奇蹟。」

「有心。」
2022-09-01 02:01:12
已補上po 400正評
2022-09-01 02:04:18
好多文
2022-09-01 02:11:21
She say yes
我記得呢個post
2022-09-01 02:15:11
思想老師 幾時出埋劉馬車

天水圍墮天地獄病獸
2022-09-01 02:15:36
2022-09-01 02:26:09
思覺老師
2022-09-01 02:32:13
思想老師 Hely哥
有冇得出打飛機二人組
2022-09-01 03:09:24
2022-09-01 07:27:24
十少年死晒?
2022-09-01 07:47:07
2022-09-01 08:13:05
劉吉扶住隻比比鳥行樓梯好得意
2022-09-01 08:21:17
遲下有Kenny出場都唔感到意外
2022-09-01 10:23:38
2022-09-01 13:42:01
公仔終於可以闖出將軍澳
2022-09-01 13:45:56
生物學交流
2022-09-01 13:46:59
好耐冇試過睇得咁爽
2022-09-01 13:59:01
上個post 1000正評
2022-09-01 15:14:26
每次公仔同娃娃出場都覺得好開心好似睇住M見翻契仔契女咁 當年佢地被人虐待M救佢地出黎再開解佢既劇情仲記得好清楚 病港入面就十年 對我地病讀都有4 5年啦
2022-09-01 15:59:13
有冇人都㩒唔入課金網睇度睇
2022-09-01 16:04:28
真啊,一追就追左咁耐,成日覺得好似尋日嘅事咁
2022-09-01 16:41:08
病港嗰到撳唔到入去
但可以用章數目錄條link直入
2022-09-01 17:01:13
Dm me
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞