總結
一句講曬今次旅行真係好正
完美咁樣backup返去長途旅行嘅感覺
有時有啲嘢真係親身去先感受得到
中亞嘅歷史建築 淨係去到絲綢之路 感受到古時東同西嘅連繫
已經係一件好難忘嘅事
亦都終於明白點解啲熱愛旅行嘅人咁鍾意去中東地區
我之前去過約旦埃及摩洛哥
都唔係好鍾意嗰度啲阿拉伯人
但係伊朗嘅感覺完全唔同 你會感受到嗰度嘅人嘅熱情同好客
雖然嗰度嘅政府真係邪惡 但係大部分嘅人民絕對係善良嘅
去完高加索 了解恩怨情仇 先知道呢個世界對與錯真係好難講得清
可惜因為宗教歷史國土新仇舊恨 相信呢個地區有一段長時間都唔會平靜
最後揀返三個最鍾意嘅景點同埋國家
第一個最鍾意嘅景點一定係Song Kul
喺湖邊嘅草原騎馬 簡直係一生難忘
畀咗成五百蚊美金 又搞咗航拍好耐 搞咁耐都係用得果兩次
但係都完全值得 騎馬航拍簡直係世界級
第二個最鍾意嘅景點係Registan
呢個旅行又好大原因 係因為呢個廣場先去
去到都符合我嘅期望
第三個係粉紅清真寺
我講過如果去伊朗 一定係為咗呢個清真寺而去
雖然唔係最好嘅season 但係我已經覺得不枉此行
第一個最鍾意嘅國家係烏茲別克
都係嗰句 因為registan而去
我都諗返起 有一日夜晚搭完的士 的士佬送唔到我入去酒店
佢隨街搵咗個人送我入去
我仲以為佢送完會收貼士
點知送完之後佢淨係同我講welcome to uzebkistan
除咗景點 呢度啲人都係冇得輸
第二個國家係格魯吉亞
符合預期咁樣多姿多彩 o係一個城鎮度完全冇戒心咁樣醉酒
亦都係一段好難忘嘅經歷
第三個係伊朗啦
我從來對中東都冇咩好感
但係去完伊朗 反而令我更加上去伊拉克同敘利亞
anyway總結到呢度我終於可以講一句
promise咗嘅嘢就要做 promise咗唔爛尾就真係唔可以爛尾
2022 The Silk Road - 完
P.S. 下次可能會寫番2019年嘅印度
想紀錄返之前去過嘅旅行