Day 3 - Song Kul 2 days tour
今日四千蚊港幣嘅團開始兩日一夜 入song kul 呢首都成三百公里仲有三個鐘頭要offload
加埋一個導遊同一個司機三條友住一晚蒙古包 仲有騎馬 我覺得價錢還可以
一朝早由首都出發 沿途風景好靚
第一個景點 Burana tower 係以前絲綢之路其中一個站 古城托克馬克市嘅遺跡 相傳係李白故鄉
航拍景x1
呢個勁加埋雪山真係好靚
個塔上面啲雕刻幾靚
呢度除咗個塔淨番好少遺跡 導遊帶我行咗個圈 呢個石像好似叫包包
嚟多張背影
跟住又坐咗好耐車 以為去食lunch 孭住個背囊勁重
點知原來係行山睇峽谷
以為好快行完 點知原來行成粒鐘 孭住並重嘅袋好崩潰 同埋好似體能冇以前咁好
不過入面個景唔錯 有啲似澳洲outback
導航影仲靚
航拍x2
諗住同導遊自拍但fail
行完都成三點幾 之後先去食嘢
e餐包埋
食完嘢繼續坐車 坐成三粒鐘offroad越坐越凍 點知嚟到呢度都見到中國垃圾
跟住有個位停咗 飛下航拍 最衰唔好天
越過山脊 就見到個湖 但原來仲有成粒鐘 呢個景好靚
有啲買草原上奔馳
馬 草原 雪山
又係馬同雪山
見到第一個蒙古包
終於到咗
因為天黑所以冇乜點影相 等多一陣就食飯 蒙古包入面幾靚
嘢食都係嗰啲 不過唔知點解佢哋好鍾意食嘉頓什餅
食食下出去睇有magic hour
又唔信邪去咗試酸奶今次係馬奶酒 又酸又so 又係難飲之選
跟住冇嘢做 出咗去影星 可惜個發電機太光 影到個蒙古包爆晒光
再嚟多張 之後三點再起身影點知有月亮即刻訓返
睇天氣報告話聽日天氣麻麻地好擔心究竟影唔影到靚景