13-07-2022 Day 26 Gori Mtskheta
終於執好啲相可以繼續寫遊記
今日join咗個團 去Gori同Mtskheta 兩個離開首都十幾二十公里嘅城市
一朝早出發 經過Freedom Square
上面嘅就係St. George
果然係市中心 個地鐵站上面嘅商場 有大埔超級城嘅級數
第一個景點 Uplistsikhe
係一個洞穴城鎮 有啲類似土耳其嘅cappdocia
呢度嘅歷史都好長 聽聞有啲文物被鑑定係鐵器時代
呢個窿係一個監獄 犯咗法嘅人會被鎖喺呢度幾日
呢個窿係喺大廣場入面 嗰陣啲人經過嗰陣會吐啲痰屙啲尿屙啲屎落去
羞辱感十足
呢個好似係廚房黎
教堂
來一張遠景
加多廿蚊港幣就可以包埋wine tasting
其實呢度啲洞穴唔算好特別但係風景好靚
離開嗰陣時仲可以經過個秘密通道
呢餐係要加錢嘅 但係加得好抵
因為係去本地人屋企食飯 仲有人跳舞畀我哋睇
餐飯仲好食過我出面自己搵嗰啲餐廳
之後去Gori 呢度係史太林嘅出生地
基本上成個格魯吉亞都好憎史太林 因為喺佢統治之下 引發咗多次飢荒
害死咗好多人 所以成個格魯吉亞都唔可以有史太林嘅嘢出現 除咗呢度
呢度仲有好多人懷念史太林
仲有個博物館 係講史太林嘅生平
呢間係史太林嘅舊屋
話說嗰史太林策劃革命嗰陣 佢用咗一間平平無奇嘅屋嘅地庫做指揮中心
為咗隱藏呢度 佢個秘密房 唔係喺個水井嘅最抵 而係喺水井中間再要向前行再上返去
咁都真係幾難畀人發現
展館同埋俄妹
話說呢度博物館有親史太林監場 咁啲導遊唔好亂講嘢
但係佢哋都唔識英文 所以我哋嘅導遊都係照樣講史太林有幾衰
呢度啲人睇嚟好鍾意佢
一擔擔
呢度就係真正嘅故居
話說史太林好驚坐飛機 所以佢去邊度都會錯佢呢架專車
入面都幾大
我記得個團臨完之前 導遊問我哋最鍾意邊個景點
我反而最鍾意呢度 學導遊話齋 雖然我哋都好憎佢
但係起碼 你唔會唔提佢 因為你憎佢 都要比原因其他人點解你憎佢
有時歷史好殘酷 但係如果因為太殘酷你唔提起 咁你就唔會吸收教訓
可以了解一個曾經叱吒風雲嘅人嘅生平 都算係一個幾重要嘅景點
之後去咗Mtskheta 其實本身我淨係諗住去呢度
因為呢個景好靚 簡單啲嚟講就係山上修道院加條T字型嘅河
但係可惜一定要行拍先影到呢個景 我個航拍仲喺格魯吉亞海關
加上到咗嗰個時間係背光 所以有少少失望
呢個就係山上嘅修道院
呢個就係T自然嘅河 可惜影唔到一齊
呢張相係為咗影隻狗
順光嘅修道院
喺山上面你可以見到何嘅右手邊有個城鎮 嗰個就係Mtskheta城
呢個城市係曾經喺古代嗰陣係格魯吉亞王國嘅首都
而家係格魯吉亞東正教教堂嘅聖城
呢個就係聖城中最大嘅教堂Svetitskhoveli Cathedral
望返山上嘅Jvari Monastery 嗰個位真係靚絕
呢幅畫有人睇到耶穌合埋眼
有人睇到佢開眼
你睇到咩
Svetitskhoveli Cathedral內部
本來Mtskheta係冇乜人住 但因為有旅遊業 反而多番人
紅酒味雪糕
Mtskheta古城與Jvari Monastery
最後一張
跟住返咗去試酒 去返琴日入唔到嘅8000 Vintage
200蚊港幣 有四杯酒 一個小食盆 同靚女講解九個字
抵到爛
點解係8000 vintage? 個靚女一坐低 就話格魯吉亞其實有八千年釀酒歷史
因為格魯吉亞家家戶戶都會用一個傳統器皿 叫做qvevri
考古學家就喺格魯吉亞境內發現咗一堆有8000年歷史嘅qvevri 係世界上最早
所以就話格魯吉亞有八千年釀酒歷史 亦都係世上最古老嘅釀酒國家
飲完酒就去坐嘢車
架車唔錯 廁所幾靚 仲有得沖涼
話說成程都冇咩講過廣東話 點知一入二人車廂
隔離嗰個 竟然係一個廣州大媽