12-07-2022 Day 26 Tbilisi, Georgia
今日又去第二個國家
一早返返去Baku機場
又係麥當勞時間
呢架係巴西做嘅飛機
唔係Boeing or Airbus有少少淆
再見啦裏海
一落車將行李擺返去home stay
點知喺門口就畀狗吠
之前提到喺哈薩克嗰陣 寄咗個航拍去格魯吉亞
當時職員問我件貨幾錢 我答佢萬幾蚊港幣 佢話太貴 幫我寫咗50蚊美金
點知隔咗成差唔多三個禮拜 仲未寄到
喺烏茲別克嗰陣收到homestay主人 whatsapp我話件嘢卡咗喺海關
搞咗好耐終於聯絡到DHL格魯吉亞
DHL嗰條友話呢邊海關真係唔信件嘢係50蚊美金 要攞invoice
我嗰日已經即刻email咗畀佢 點知都係冇進展
呢三個禮拜 我每一日都有send email問佢 佢冇覆
所以來到格魯吉亞第一樣嘢就係要剷上去佢office
點知佢嗰陣先同我講 海關唔approve 個invoice
我嬲到 嘥我時間 又唔早啲同我講係唔得
睇嚟要喺格魯吉亞用都冇乜希望 而家唯有寄望可以喺返香港之前攞得返
跟住再寫多次invoice畀佢
見冇乜嘢可以做到就去下個景點
喺附近有個山 上面有個The Chronicle of Georgia
係紀念格魯吉亞歷史中嘅國王同埋皇后
呢舊嘢1985年起 但係其實到而家都未完成
啲柱有啲似落熟嗰度啲神廟
仲有呢個山上面可以睇到Tbilisi sea
話就話係海 但係其實係一個好大嘅水塘黎
估唔到呢度都幾熱 仲以為高緯度會涼啲
但係呢度熱過阿塞拜疆好多
上面仲有個小教堂
睇完就去火車站買飛
搭的士嗰陣個的士司機見我係香港人
係咁問關於中國嘅嘢
佢話中國近年喺格魯吉亞大興土木
佢都想學中文 睇來一帶一路真係做緊嘢
去到火車站大部分火車飛都買到 係唯獨去Batumi嗰張買唔到
唯有坐巴士
冇得上網買真係好麻煩
之後繼續慢慢行 因為格魯吉亞同烏克蘭遭遇好似
所以格魯吉亞係好撐烏克蘭嘅 週街都係烏克蘭旗
Bitcoin everywhere
睇個樣好似好殘咁
但係啲隧道感覺都幾安全
本身諗住去呢間好出名嘅 賣酒地方試酒
點知要預約 所以預約咗聽日
返到home stay 間房的唔錯
200蚊港幣包早餐
諗住去第二間試酒
點知呢間直頭裝修緊 睇嚟今日都冇乜緣
去咗隔離間連鎖餐廳食本地菜
格魯吉亞係今次我去嘅國家之中嘢食最好食嘅
自從2016年喺聖彼得堡食過格魯吉亞菜式之後就念念不忘
左邊嗰個係雞湯 右邊嗰個係khinkali 格魯吉亞版嘅小籠包
入面好多湯 所以係拎住上面個定嚟食 個定就唔會食
本身諗住去呢個河邊嘅修道院行下
點知陰天 所以就上山頂夜景
呢個位係我做過好多資料搜集
Tbilisi最靚嘅夜景位
仲特登上google map抄低個座標
39.8794424655486, 44.57978414227341
點知上到去有地盤 畀啲鐵絲網圍住
唯有一路向上行
去到頂 呢個Tabor Monastery of the Transformation 唔係一個出名嘅景點
佢甚至唔開放 但係個景就好靚
不過睇下睇下都係同個城堡同水平靚啲
搵咗好耐位 跟住見到有個俄佬走上嚟影相
畀佢啟發座咗 原來可以用個腳架將個相機隊出鐵絲網
跟住大家就一齊hea咗兩個鐘為咗影夜景
Best view of Tbilisi
最可惜嘅係對住我嗰排城牆冇開燈
影完就落去試咗間叫做wine buffet
試咗四杯酒加埋啲嘢小食
加埋啲jazz音樂 好chill
可惜我唔識俄文 如果唔係就可以聽佢講解
坐坐下有個亞洲人樣嘅人上咗嚟
佢叫我估佢係邊度嚟 我一開始以為日本
之後佢話唔係 第二次估就估中 係哈薩克
佢等緊囡囡 所以我都係飲咗一陣就走咗