[有圖少字]中亞高加索5個星期遊記

03-07-2022 Day 17 Yazd

今朝第二日團 會去Yazd附近嗰幾個城市
但係就唔會返Yazd所以捉緊時間朝早喺個舊城兜個圈

呢間嘢中文寫得幾好應該係台灣人教嘅


順光嘅清真寺


同埋去咗去睇個鐘樓


普通一個鐘樓


行咗陣就返咗酒店 準備出發
返去嗰陣見到咁啱有人check in
睇個車牌應該係揸住電單車遊荷蘭嚟嘅
好型


meet up埋導遊咗出發
中途嘅風景都幾壯麗


第一個地方係去一個荒廢咗嘅古城Kharanagh


好似喺十年前都好多人喺度住 但係因為呢度治安好咗
而其實呢度住屋環境好差 所以當政府畀屋佢哋嗰陣 佢哋終於都肯搬返出去
而家係完全冇人住嘅


仲有個shaking minerat
當夠鐘禮拜嗰陣 就會有人一路嗌一路遙住個minerat 都幾特別
之後喺Isfahan都有


經典角度


走上屋頂睇下呢度全景


再睇下個個清真寺


跟住再喺啲廢屋度周圍穿插下


天台可以望到新城區 嗰啲居民就係搬咗落嚟依度


遠處仲有個幾靚嘅清真寺


再嚟多張


跟住就係去第二個地方
拜火教其中一個聖地 Chak Chak
揸車上到半山仲要行一大堆樓梯先上到去


傳說當年附近嘅貴族 比侵略者入侵
城破咗之後 貴族嗰一家人就四散 跟住有個女人去到呢度掘頭路
向神祈求保護佢 點知山邊又真係開咗個山洞 跟住個女人走咗入去之後就消失咗
從此呢度就有棵樹 仲有不斷滴水
Chak Chak亦都即係Drip Drip咁解


之前講過呢度附近仲有好多信奉拜火教嘅人
佢哋五月嗰陣就會嚟呢度一齊住幾日
所以你見到呢度好多空房


睇咗一陣就走其實呢個景點冇乜特別
不過導遊醒目 有帶啲餅呀茶呀咁樣 望住呢個景飲茶都幾chill

臨走仲影咗張全景


長征


之後係去Meybod
第一個景點Naryn Castle
據說最原始建築有成六千年歷史


地下有個扮地氈嘅圖案


走入呢個城堡睇
其實熱到冇咩心機


個全景都幾靚


睇個城堡個頂到睇到成張地氈


之後嗰個景點我覺得特別啲
係攞嚟儲存冰嘅地方 Ice house
呢度沙漠地區冬天嗰陣會有零下嘅溫度
喺嗰陣啲人就會出動喺呢個icehouse出面整冰


整完就將啲冰放落呢個盒入面 啲冰會造成九個月
估唔到嗰陣啲人都幾識嘆


迷你版萬神殿


之後去咗caravanserai
導遊話嗰陣國王喺伊朗起咗好多caravanserai
本身諗住起一千個 但係最尾淨係起咗999個
因為佢嘅幕僚同佢講 同人講起咗999個 音節長啲
個功績好似勁過起咗1000個咁
講下講下又好似係
據聞佢真係起咗一千個 但係聽到呢句話之後 特登摧毀咗第一千個


而家呢啲caravanserai 就變成好多唔同用途變酒店 餐廳 連呢度就變咗一個手信鋪雖然冇乜人嚟
但係入面啲手工藝品幾靚
我睇咗一間就係紡織嘅 聽講呢舊嘢用咗成百年 嗰啲帶係牛嘅jj呢
唔知真定假


順便食埋飯 呢個係lebanon chicken
聽講黎巴嫩菜都幾好食
呢個雞就有啲乾


最後係pigeon Tower


啲人養住啲白鴿有幾個用途
佢啲屎可以做肥料
白鴿本身可以攞嚟送信
一物多用


最後同個導遊玩咗呢個game唔記得咗叫咩名
第一次玩嘅我 最屈到佢喐唔到 大炒咗佢
玩完就直接坐巴士去Isafan


搭咗差唔多五個鐘終於到


竟然畀我喺度可以用到信用卡
非常surprise

LM

係Yazd周圍行真係幾正
好有探險feel

之前去個行程同你一模一樣咁濟

點解你入到去Shah Cheragh?

個陣我去, 佢封左唔比muslim以外嘅人入
我要偷雞同人一齊扮馬來西亞嘅muslim先入到

仲有想問下
中亞你係包車定公共交通?

04-07-2022 Day 18 Isfahan

來到伊斯法罕 除咗去咗第二個城市 仲好似去咗第二個朝代感
因為伊斯法罕係伊朗中世紀Safavid dynasty嘅首都
聽講呢個朝代係對伊朗最大影響嘅朝代
首先好重要嘅係其中一個國王 將本身係遜尼派嘅伊朗轉咗做什葉派
而當年呢個國家嘅國力好強大國土好遼闊
當時嘅文化藝術都得到一大程度嘅提升 甚至輸出去其他國家
伊朗最大嘅廣場都係呢個時期起嘅
所以伊斯法罕 係伊朗其中一個最華麗嘅城市 今次就有三日探索下

三日都係食呢啲好乾嘅麵包做早餐
呢間hostel係集團式經營 好有歐洲hostel嘅感覺


一開始就即刻出去買咗郵票先


跟住就去Jameh Mosque of Isfahan 依然係好多人叫我幫佢影相


半開放隧道


Jameh Mosque of Isfahan係伊斯法罕其中一個最古老嘅建築 早喺伊斯法罕未成為首都之前已經喺度
本來係一個最重要嘅清真寺 但隨後隨著伊斯法罕變成首都
當時嘅國王Shah Abbas 下令起伊朗最大嘅廣場Naqsh-e Jahan Square
而果個廣場二嗰個廣場就包括一個好宏偉嘅Abbasi Great Mosque
伊斯法罕最重要嘅清真寺先轉咗去嗰度


入面都係伊朗嘅四邊建築


同喺撒馬爾罕嘅清真寺同埋經學院好似 因為係伊朗傳過去嘅


呢度應該曾經有一部分都係一個經學院 因為我見到兩層建築 下面係學院 上面係學生嘅Dorm


馬賽克


申請入會


蜂巢


清真寺內部都幾大


睇完就慢慢行返中心地區
途中經過Imam ali square同埋Iman Ali Mosque
之前講過什葉派最神聖嘅人物係12伊瑪目 而Ali就係第一個伊瑪目


九點零嘅市集係冇人嘅 記住伊朗人通常都係十點十一點先開門跟住晏晝兩點又閂跟住五點又開返


經過咗個Iman Ali Mosque 不過冇開門


隔離有個唔知咩嘅陵墓


行下行下又經過一個caravanserai


跟住又睇到一個波斯大宅 本身冇plan但係見到google評分好似幾高所以入咗去
入面係幾靚嘅 好鍾意呢啲彩色玻璃同埋啲倒影


大宅唔係好大 但所有嘢都幾精緻中間仲做咗個餐廳
幾值得睇
喺伊朗食嘢好平搭車好平唯獨係外國人畀嘅門票好貴 你諗下我食一餐都係三四十蚊港紙
但係我每日一個景點都要成三四十蚊港紙


行下行下返到中心 呢個大市集 我有個朋友好鍾意呢啲手工嘢 我特登video call咗佢黎個online shopping
不過點都好我都極力推介佢嚟呢度因為啲嘢真係好靚同埋真係好平 同埋驟眼睇應該唔係made in China
因為made in china應該貴過佢呢度手工整
我去過埃及土耳其約旦以色列嗰啲 啲手工嘢都冇呢度咁多咁靚同咁平
所以如果大家鍾意手工嘢而有泥嘅話記住帶個大啲嘅喼


行行下又穿咗過去Naqsh-e Jahan Square
之前聽人講呢個係世界上第二大嘅廣場 第一大係北京嘅天安門廣場
但係我心諗呢度都唔算真係好太冇理由世界第二 所以fact check下原來真係唔係
年十大都唔係 所以可能唔知用咩計法啦


跟住去咗間喺呢度好出名嘅cafe
啲嘢食係唔錯嘅 但係成個trip去到呢度都係咁食肉有啲厭


出名嘅原因就係因為嗰啲裝飾
連我個墨西哥同事 都話佢嚟過呢度


食完就行下廣場 其實夏天唔係一個好好泥伊朗嘅時間 雖然好天
但係除咗熱之外成日都有沙塵暴 好似今日咁個天就好似有一層灰咁樣
呢個係個西面嘅Aali Qapu Palace


呢個係東面嘅Sheikh Lotfollah Mosque 係皇室用嘅清真寺


第一個入嘅地方係南面嘅Abbasi Great Mosque 廣場入面兩個清真寺都好奇怪會轉彎嘅
因為所有清真寺都要向住麥加方向朝拜唔夾廣場嘅位置 所以佢哋就要轉彎
我上網睇明明兩點就收 點知兩點幾佢都畀我入


入邊除咗好大之外 個圓頂仲靚到痴線


空間好大 啟正中間拍手仲有好大回音㖭


好有撒馬爾罕嘅感覺 影到一半畀人趕走咗 佢話已經過咗開放時間 但係啱啱又畀我入
又淨係畀我睇半個鐘 係咩玩法 算啦 都睇完 '

因為其他地方五點先開門
所以求其喺個位坐咗兩粒鐘
之後就去睇東面嘅皇室清真寺


個頂又係超靚


第二日聽導遊講返 佢話成個呢個佢最鍾意呢個清真寺
其實又真係好靚因為係皇室用所以啲裝飾係世界級
仲有中間你見唔見到啲光 係反射出嚟 啲光影就好似孔雀啲翼咁樣
講講下又幾似


出到去行過個水池不疑有詐 畀啲細路叫影相
影完佢竟然問我收錢 咁我梗係唔畀啦
佢地竟然一窩蜂咁樣圍住我 半認真半玩咁樣搶我嘢
最後唔夠佢玩 行開咗
點知佢成功偷到我嘢 係一包食咗一半嘅airways
仲要離遠show畀我睇 跟住我再check下
好彩冇其他損失 所以嚟到呢度雖然啲人好友善 但係要小心呢啲年紀嘅細路


最後去買皇宮 好嚴厲嘅措詞


皇宮因為維修所以大部分內裝都冇嘢睇 不過唔緊要啦有呢個露台睇已經ok㗎喇


水平角度睇Abbasi Great Mosque

04-07-2022 Day 18 Isfahan (Cont'd)

好快睇完就走咗 去到中間個水池依然係咁多人喺度玩水


一個好好嘅休憩地方


之後本來諗住唞多陣就去一間好好view嘅cafe 點知個天仲係灰灰地就冇去到
返去hostel中途 見到單車舖


去唔到cafe夜晚就去咗33孔橋 記住留啲時間喺夕陽時分 過嚟呢條河行一下


雖然而家冇水影得唔係好靚 但係如果你鍾意吹水嘅話 你去到呢度會有好多本地人可以同你一齊吹水


佢每個紅都好似一個私人包廂咁 偷情一流
但小心啲呢度有宗教警察 佢哋一見到有啲攬攬錫錫嘅行為 就會過來周你


跟住沿住河一路行 睇到其他巴打喺丹麥畀人老笠 宜家諗返起我一個人行都有啲大膽
有啲地方條河係一個人都冇


行咗半個鐘嚟到呢個最長嘅橋


行咗一陣都係覺得33孔橋最特別 所以就call的士返去

嗰陣太熱同埋太眼瞓
所以都冇乜心情enjoy係個市內行
不過諗返起係幾正嘅

去伊朗如果時間有限太多數都係經典路線

你嗰陣係咪有啲特別節日?

嗰陣落去唔係穆斯林都入得 但係要等一陣
因為佢係搵人帶我入去 同埋畀個免費嘅tour我

除咗去帖木兒故鄉
我全部都係的士火車飛機同埋share taxi

05-07-2022 Day 19 Isfahan

第二日繼續喺伊斯法罕
deja vu


喺度周圍都見到起緊嘢


朝早嘅廣場 冇咁灰靚好多 不過今日要趕去walking tour
聽朝先再過嚟影個相


meet up free walking tour導遊之後
本來我哋要入個皇宮 點知因為琴日沙塵暴所以今日所有景點都唔開門
我心諗有咩關係
導遊只好喺皇宮門外講解
好彩我仲有一日喺伊斯法罕 如果唔係真係喊出嚟

港家園個皇宮 再行返去個市集
呢度啲手工藝品真係靚


去返琴日個Great Abbasi Mosque
你可以喺朗其他地方見到甚至喺Yazd嘅相都見到 嗰度嗰啲清真寺嘅馬賽克 係真係師傅 將一塊一塊碎嘅片黐落去
咁樣整雖然好靚但係好嘥時間
話說當年因為要趕工起呢個清真寺 而呢個呢個清真寺又要全部都係馬賽克 如果要用舊嗰個方法 係冇可能喺短時間內喜好
所以就有個新嘅技術 Seven-colour mosaic tilework
簡單啲嚟講就係又好一塊大嘅馬賽克 跟住好似磁磚咁黐上去


用咗呢個新方法所以你見到個分別 個外牆好似廁所咁樣一塊一塊正方形磁磚黐上去
而唔係用好碎嘅馬賽克整出嚟
離遠睇一樣都係咁靚


琴日都冇認真睇過呢個清真寺外牆
真係幾靚


跟住我哋喺個廣場嘅逐個景點行
不過知道嘅之前嘅post都講座

行完個廣場 導遊帶我食甜品 係白色嗰啲係用米做 個口感好似豆腐花
食法加啲糖漿 其實都真係好似豆腐花


食完就經過廣場去最後一個地方
波斯地氈真係好靚 因為雙全職地氈呢種技術就喺波斯傳出嚟
如果個喼有位都想買返張


跟住穿過一個隧道 全部都係led 夜晚應該幾靚


今次walking tour最後一個景點係Hasht Behesht Palace
係一個八角形嘅皇宮 入面好多壁畫但係已經畀人破壞曬
同埋佢用水做咗一個瀑布喺個皇宮入面
可惜而家畀人破壞曬 如果仲有應該幾靚


再嚟多張遠景加水池


完咗個tour就去附近嘅Abbasi Hotel 呢間酒店本身係一個caravanserai
喺17世紀改變咗做酒店 係一間好古老嘅酒店 本身諗住入去住一晚
但係check過成千幾蚊 都係不了
非住客可以入去個花園參觀 點知五點先開 所以都係算去咗食飯


去咗一間幾多好評嘅餐廳
個內裝幾特別


啲嘢食都唔錯


之後又經過琴日嗰條橋 搭的士返去


返去瞓咗陣覺 差唔多日落時分就又出發去琴日冇去到嗰間cafe
呢度係一間cafe同埋一個地氈博物館
個博物館大概講話有條友喺近代復興咗波斯嘅地氈業
1971年慶祝persepolis 2,500年 嗰陣佢間公司重負責編織咗地氈畀唔同參加國家嘅代表團


不過呢度最重要都係嗰個景


點知上到去先知原來我最想去嗰個景 封咗
見唔見到嗰個拱頂下面有個窗 嗰度就係我最想去影相嗰個位


不過算啦 入場費包嘢飲再加多個甜品 hea到夜晚


呢個景真係幾靚 可惜唔係正中間


皇室清真寺


皇宮


由晏晝坐到夜晚


本身我坐咗個最靚嘅位 坐咗兩個鐘之後個職員叫我掉返個冇咁靚嘅位


跟住走嗰陣喺個廣場度行咗一個圈
好多細路一家人喺度玩 又放風箏 勁多歡樂笑聲
咁先係真正嘅人民廣場

如果大家來到想搵人吹水嘅話 星期四晚嚟呢度 應該好多人想同你吹水
因為呢度星期四晚就等於我哋嘅happy Friday

咁好 我個陣佢話已經封左一排
我偷雞入到去都唔敢影相

你係一個人去？
我都有啲興趣自己去
但底係好知shared taxi依類點運作
自己一個坐的士又怕比人賣豬仔

依個幾靚

樓主唔自己煮番1-2餐食下菜咁？

06-07-2022 Day 20 Isfahan

今日第三日睇伊斯法罕
琴日因為沙塵暴嘅關係所以好多景點都冇得入場
今日就補返
一早起身去咗廣場影下相先


朝早嘅廣場冇咁多灰塵靚好多


個水池有平靜啲可以影到倒影


琴日嘅皇宮


喺過廣場影咗一陣就去返琴日入唔到嘅皇宮
呢個皇宮叫Chehel Sotoon Palace


雖然出面平平無奇但係入面就可以睇到好多壁畫
嗰啲壁畫都係大致上講當時嘅國王 打贏仗
幫人打贏仗 同埋接見下外賓
最有印象係有一幅畫講奧圖曼帝國對戰伊朗Safavid皇朝
最終係伊朗輸咗 但係畫家都將幅畫畫喺度紀念先烈


仲有就係幅畫啲話入面有女人喺度跳舞
亦都顯示咗嗰陣時嘅風氣比較開放


睇完就去咗琴日嘅Abbasi Hotel


不過其實冇乜特別同一般波斯庭園差唔多


跟住咁近排又俾我睇到一個伊朗音樂博物館
除咗有樂器睇 有人解釋之外 仲有人現場演奏
伊朗式夾band 仲有一班伊朗本地團喺度一齊睇 幾有氣氛


呢個鼓成個小路寶咁


睇完個博物館就搭的士去佐伊斯法罕藍面嘅New Julfa
話說喺Safavid時代 Abbas the Great 即係呢個時代最偉大嘅國王 個廣場都係佢起嘅
佢因為知道亞美尼亞人嘅做貿易好叻 需要佢哋嘅才能 而同一時間亞美尼亞嘅國土亦都係伊朗同奧圖曼之間嘅戰場
所以佢將亞美尼亞人遷移到伊斯法罕 同埋起咗一個新嘅地方畀佢哋settle
呢班人亞美尼亞人係來自Julfa 所以呢度就叫做New Julfa
而家睇落好似好慘咁 但係其實睇返嗰陣時嘅國王都對佢哋唔錯 又起一個地方畀佢哋住
如果佢哋留喺原地 佢哋嘅後代就可能係亞美尼亞大屠殺嘅受害者


喺伊朗會有一個基督教嘅社區 係有啲衝擊
不過其實阿美尼亞人嘅基督教 同基督新教天主教東正教都唔同 係自成一角嘅
遲啲喺亞美尼亞嘅遊記我會再講


好耐冇睇過歐洲教堂 攞返啲似曾相識嘅感覺


呢度嘅保護都幾足下


呢度除咗一個教堂之外 仲有一個亞美尼亞人嘅博物館
展示咗亞美尼亞人喺度嘅生活


第二次見到亞美尼亞人嘅聖山 Mount Ararat


你聽過有Holocaust 亞美尼亞人嘅種族滅絕你又知道幾多?
之後會再講


睇完又係食飯時間 因為食鹽咗本地菜所以特登去搵burger
估唔到真係有 仲要係幾好食


食完就繼續行下呢個社區


又有人幫搵我影相
跟住行行下有個人走過嚟同我傾計 佢話佢本身係美國籍但係喺伊朗人
每年有一段時間都會返嚟呢度住 佢反而鍾意呢度
我哋仲講咗好多香港防疫嘅嘢


吹完水又繼續行下 啱啱講過亞美尼亞人喺貿易方面好叻


所以佢哋都係比較有錢嘅個社區都比較靚


最後睇咗間冇咁出名嘅教堂


不過內裝都幾靚
之後就搭的士走 不過就唔小心扣血
漏咗個鏡頭蓋喺間教堂度


本身諗住去之前嗰個shaking minerat 點知過咗佢shake嘅時間
跟住嗰度又好遠 所以就冇去到
最後一個景點諗住再去多一個伊朗大宅 點知又摸門釘


最後返咗hostel寫遊記


等多一陣就出去搭巴士去Kashan


啲家人好搞笑阿爸阿媽係咁叫我幫佢哋一家影相
但係佢啲女又唔肯入鏡


搭咗三個鐘就去到Kashan
個巴士司機仲要係女司機 每個一個checkpoint都要交文件 佢都自己來 幾型
個男人助手企喺度反而咩都唔做
本來約咗位巴打喺伊斯法罕見面 點知道我走佢都未到 所以決定喺Kashan
一入到hostel 就見到佢 幾有緣

咁慘
我都係睇咗tripadvisor forum先知道有得入
個post好似幾年前
可能近幾年先有啩

我覺得中亞都幾安全
一來冇人去
二來啲人係伊斯蘭 最多都係呃下你冇乜嘢

share taxi好似泥鯭的咁樣 行特定路線 睇特定地方出發
其實都唔需要好驚 因為通常都一大班司機喺度
冇理由一大班都係拐子佬啩

條河如果有水會再靚啲

我唔會畀自己冇纖維
所以早餐係咁食水果
如果冇水果嘅話我會買啲香蕉嚟食

高加索世一

07-07-2022 Day 21 Kashan

今日又一日時間喺Kashan行 呢個城市最主要都係睇佢啲私人大宅
朝早約咗同巴打同埋佢個friend一齊食早餐
佢哋都係去一個好長嘅旅行 雖然有啲羨慕
但係諗起幾年前兩個半月我都覺得好攰
都係羨慕唔到咁多


出門口又見到揸電單車嘅歐洲人 今次係德國嚟


第一個景點係Agha Bozorg Mosque 就喺我嗰間hostel出面
可能早得滯第一次見到清真寺一個人都冇


呢個清真寺仲有地庫


特別Raw嘅圓頂


幾特別


跟住喺啲橫街窄巷行下


去大市集途中見到呢舊嘢唔知咩嚟嘅


每一個城市嘅大市集都有佢值得行嘅地方 我今次喺呢度最主要想搵天台


搵搵下突然喺市集入面見到間清真寺


因為啲職員熱情邀請我入去睇所以我就行咗個圈
呢個都係唔知邊個嘅陵墓 幾靚


又有人搵我幫佢影相
影完相之後有條友走過來sell生意 點知share下有其他人走過來空佢
可能因為呢個地盤唔係佢嘅 有人見到佢同我傾計 所以就問佢邊度嚟
喺佢哋爭執嘅期間我梗係走咗啦


呢成家人又搵我幫佢影相
女人搵我影相嘅分別係佢哋唔會要返啲相 因為佢哋唔會想畀我contact


呢個市集入面亦都有一個caravanserai


幾經辛苦終於搵到天台


好似玩緊刺客信條咁


行下行下見到啲香料又想搵個好鍾意煮嘢食嘅friend online shopping
最後佢晏啲先得閒 買咗啲saffron畀佢


跟住去咗個浴場Sultan Amir Ahmad Bathhouse 重點除咗喺啲水池之外 仲係佢個天台


個天台呢啲一嚿嚿嘢好似star war嘅機械人咁


呢個浴場已經冇再用


但係保留咗古時嘅風格


之後繼續去其他大宅
出面遇到對賣糖果嘅o靚仔 勁得意
佢幫我帶路去搵咗其他大宅 最後都幫佢買咗啲糖


呢度好多大宅都係伊朗風格 唔係話差好遠
第一個就係改變咗做酒店嘅Saraye Ameriha Hotel 同埋翻新過


所以你見到會比較新


睇完就去搵巴打同佢個friend一齊食飯
本身搵咗間最高好評嘅 點知嗰度裝修唔開
就去咗第二間仲高級啲嘅
嘢食唔錯蛋甜品麻麻
最好食都係嗰個雪糕


臨別禮物


食完就行埋plan好嘅最尾兩間大宅
中間經過啲舖頭有個人用普通話叫住我
原來佢曾經喺中國公司做嘢所以普通話好好
佢啲friend仲要做個coach surfing嘅host host個香港人
所以見到一張十蚊紙喺度


呢度啲私人大宅幾靚 仲有埋audio guide參觀
依間Borujerdiha Historical House因為係19世紀嘅建築所以你見到呢度除咗伊朗式建築外
仲有融合歐洲元素 牆壁有啲壁畫壁畫入面有啲人像風景咁樣


仲有好多天窗


伊朗大宅唔少得係水池


跟住去到最後我覺得最靚嘅Tabatabaei Historical House
聽人講下晝去係靚啲嘅
好彩有聽佢講 因為陽光嘅角度啱啱穿過啲顏色玻璃


個倒影好靚


呢間大宅亦都係我去過最大嘅


其實成日有呢啲天窗 落雨點算


睇完就行返出去
啱啱嗰班本地人邀請我入去飲茶
又見到多啲仲有個佐敦牌
講講下佢話車我去巴士站
真係幾好人


跟住返咗hostel攞埋行李就去巴士站
短短一日嘅Kashan之旅就完咗


坐咗四個鐘巴士就到伊朗之旅最後一個城市德黑蘭
大城市明顯烏煙瘴氣好多
的士都貴好多
呢程的士終於貴過1美金