25-06-2022 Day 9 Bukhara
太耐冇update 捱眼瞓都要update下
一早起身又有豐富早餐
今次住hostel非常近主要景點 望都望到 我就只需兩分鐘就到 仲有個天台添
不過條樓梯好似唔係好穩陣
第一個景點係去Ark of Bukhara 係Bukhara入面個城堡 話說Bukhara呢個城市 一直都係Khanate of Bukhara 之後係Emirates of Bukhara 嘅首都
可惜喺19世紀初蘇聯攻陷咗 所以烏茲別克嘅範圍 就歸入咗蘇聯
城堡門口
我上網睇咗張相係喺Ark上面影嘅Bukhara古城全景 但係搵極都搵唔到
呢個係個throne 有啲熱
淨係影到新城區嗰邊 之後搵搵下問人 原來道門鎖咗 但只要畀錢入面啲小販 畀五蚊美金 佢就會開門畀你 不過而家陽光太差 所以諗住夕陽先嚟
勞斯萊斯版電車電車
跟住就去咗the Ark對面嘅清真寺
又一個縮細版嘅Kalyan Minaret
呢個Bolo Haouz Mosque 重點係啲柱 不過個清真寺內部好似冇開放
之後去咗個冇咁出名嘅Qo'sh Madrasa 都係一個伊斯蘭學院 好似而家仲用緊所以唔開放
之後係Ismail Samani mausoleum 唔好睇佢好似平平無奇咁 呢個係烏茲別克現存少有結合拜火教同埋伊斯蘭式建築 佢亦都係Bukhara入面最古老嘅建築之一 話說當年好彩有人將佢用泥土埋左 成吉思汗打到過嚟嗰陣時佢先冇畀人摧毀
如果個水池啲水會靚啲
Bukhara應該係我今次嗰trip去過最熱嘅地方 真係好撚熱 45度都嚟 中午嘅陽光曬到你係痛嘅 見到我對拖鞋都溶溶地 隻狗都頂唔順
再睇返個陵墓 上面嘅雕刻係精緻嘅
之後去睇Chashma-Ayub Mausoleum 其實冇乜特別可以畀廿蚊 入去睇水利博物館 勁頹 五分鐘行曬
烏茲別克的博物館雖然好平 但係好多都唔值得入
跟住又影下啲框框相先
之後坐的士去另一個遠啲嘅陵墓 Chor Bakr Memorial Complex 話時話 睇中亞 記住download Yandex 一個好有用嘅的士app 因為有咗佢你就唔使講價都可以有合理價錢
雖然點講都好 呢度搭的士都好平 但係少咗講價少啲煩惱
呢度啲圓頂真係點影都靚
不過熱到冇咩心機影相
今次呢個旅程好似係咁去陵墓咁樣
因為中午實在太熱 所以頂唔順 提早去食飯 去咗間 tripadvisor 同酒店都推介嘅 The Plov食Plov 即係手抓飯 佢整得真係好食 啲飯雖然好油但係好香 加埋少少羊肉 同圓形嗰啲馬肉 真係一流 係我個trip暫時食過最好嘅一餐
食完之後 嗌咗啲水果 呢度啲西瓜好似唔使錢咁 呢碟嘢只不過係十蚊港紙
跟住坐咗下 仲見到係生物行見到嘅俄羅斯夫婦 個女人熱到紅曬 我諗佢應該熱到仆街
跟住吹左陣水就出發
下一個景點係Char Minar 佢係烏茲別克 少有有四座宣禮塔嘅清真寺 喺波斯話入面Char Minar即係 four minarets咁解
可惜呢度入面已經變咗一個賣手信嘅地方 要喺隔離搵個本地人先開到門 畀錢可以上中間嗰層
離遠都冇睇清楚原來其中一個塔頂有一個假嘅雀巢
跟住之後就去Lab-i Hauz Complex 係一個水池再加三面都有 學院或者清真寺 聽講蘇聯前嘅時代 Bukhara有好多水池 但係因為呢啲水池最終成為病毒嘅溫床 所以最尾好多都畀人填滿咗 係唯獨留返呢個最重要嘅
水池上面仲有幾個Bukhara景點模型
作為一個沙漠城市 水利會做得好好
真係熱到搞唔掂入去bazzar 唞唞先 不過晏晝太熱 都冇咩舖頭開
行下行下又去到兩個相對嘅學院
Ulugbek Madrassa 同埋 Abdulaziz Khan Madrassah 不出所料入面都變咗上牆
行完之後就返咗酒店抖一抖等到夕陽時分先再出動
去咗成個部Bukhara 最重要嘅景點 個廣場包含咗 Kalyan Minaret, Mir-i-Arab Madrasa 同埋 Kalyan Mosque
不過其實得Kalyan Mosque可以入 但係就咁喺門框度影相都可以影得好靚
夕陽下的 Mir-i-Arab Madrasa
仲未睇厭嘅馬賽克
夕陽時分係最好嘅影相時間
繼續影框框相
今日最後嘅活動 就係上廣場隔離一間餐廳度 睇日落
本來呢間餐廳可以係好正中咁睇成個廣場 不過我check過啲舊相 左邊嗰個建築係新起嘅 所以擋咗啲視線
夕陽時分嘅沙漠古城係特別靚嘅
Kalyan Minaret 又名golden minerat 我諗大家都知點解
入夜後嘅廣場
最後一張相 goodnight Bukhara