28-06-2022 Day 12 IStanbul, Turkey
第二朝一早 起身再上酒店天台睇日出
今日又係一日三個國家
又一個日出
熱得滯 啲人直情瞓喺街上面
一個好細嘅機場
好貼心嘅服務 酒店知我早機 食唔到早餐 所以準備咗lunch box
老實講 烏茲別克航空嘅安全片段係幾有創意嘅
但好地地點解要化灰呢
呢一程機會經過幾個我會去嘅地方
第一個Baku
第二個亞美尼亞首都Yerevan 不過唔靠我邊影唔到相
之後第三個係阿美尼亞聖山 mount ararat 而家喺土耳其境外
跟住中間飛咗好耐我仲諗住好似 九年前咁 可以影到橫跨歐亞嘅Bosporus海峽
但係原來2018年伊斯坦堡轉咗新機場 航道唔啱
新嗰個機場真係好大 我都大開眼界
一落機即刻去Taksim廣場
想當年想坐呢架電車 點知唔知點解停駛咗
再行前多少少原來有示威 見到人生第一個催淚彈
宜家諗返起真係小兒科
Anyway今次終於可以坐返呢架電車
上咗電車即刻變咗主角
跟住又係行當年嘅路線 不過今次調轉 坐返funicular落山
之後行到去橫跨金角灣嘅橋 呢度係我其中一個伊斯坦堡最鍾意嘅地方
而伊斯坦堡都係其中一個最鍾意嘅城市
好似想當年嘅風景
回望返Galata Tower
去到碼頭附近 想搵返當年食過覺得好好食嘅魚包
明明好多鋪頭 點知一間都搵唔到
求其去咗間士多買 好似冇當年咁好食
食完就行去坐船 個風景都係咁靚
當年坐船遊海峽 但係冇去亞洲嗰邊 今次就補返
超多人坐船好似返中國咁
奇怪呢個碼頭好似當年冇見
之後同本地人傾計先知原來碼頭喺新起嘅
伊斯坦堡嘅海依然係咁靚
星星月亮
好似坐天星小輪咁好快就到咗對岸亞洲
周圍都係釣魚嘅人
1453年奧圖曼帝國攻陷拜占庭首都君士坦丁堡
咁風光嘅歷史當然要J下
第二個number係1923年
話說想當年奧圖曼帝國第一次世界大戰之後輸到仆街
成個國家俾人瓜分到四分五裂
土耳其嘅國父Atatürk用外交手段 軍事力量 最終又將土耳其國土統一返一齊
1923年土耳其共和國成立
一直沿海行 去到處女塔 不過維修入唔到 阿塞拜疆都有一個處女塔 到時再去
望下天望下海
好chill嘅一家人
遠望藍色清真寺同埋聖蘇菲亞大教堂
行到差唔多就坐返船返對岸歐洲
久違嘅汽車渡輪
香港伊斯坦堡塞車問題好嚴重 雖然仲有三個鐘但係我都驚趕唔切 如果真係趕唔切就GG
之後call咗架的士 去機場條路應該冇時速限制 佢好似揸到成180 快唔緊要 係快得嚟佢唔專心成日望住電話
連身經百戰嘅我都有啲驚
不過最終都安全到達 六十幾公里路 佢用咗半個鐘頭到
不過雖然呢個機場好大好靚 但係真係好遠唔知點解要起咁遠
仲要冇地鐵 坐巴士要轉車去市中心成兩粒鐘
硬食的士
最後一餐burger睇嚟有排冇得食
土耳其伊斯坦堡一日遊咁就完咗 呢度依然係咁靚 呢個城市依然係我其中一個最鍾意嘅城市
跟住上機 坐隔離嗰個伊朗女仔著到勁sexy 得唔得㗎 (冇圖)
跟住佢撩我傾偈 原來喺法國返嚟 差唔多降落嗰陣 佢先包返實
入境嗰陣記住 如果你係機場入境 佢哋係唔會吸印 因為吸咗人之後你去美國同埋以色列會好麻煩
所以唔吸好過吸
不過我臨走嗰陣都畀入境人員 Q我冇著長褲
跟住出到去 我book咗嘅酒店接送 放咗飛機
凌晨一點 冇現金 冇網絡 好彩有本地人幫手
最尾坐的士 用美金找數 仲要比突o左 喊出嚟
anyway 最終都平安到達酒店 雖然有啲細 但幾靚