24-07-2022 Day 38 Tbilisi
今日終於係返香港前嘅最後一日
其實喺Tbilisi仲有啲嘢想做未做
把握時間
首先係去返之前個位 影下有陽光之下嘅經典角度
舊城區
經琴日導遊講一講 我都留意多咗呢度啲屋嘅露台
之前有咩嚟㗎嗰個導遊 好葡萄咁樣講話呢度啲建築全部都係重建嘅
真係唔知真定假
跟住再去返Metekhi St. Virgin Church
因為琴日上嚟嗰陣係逆光
對比起琴日朝早嘅光線係咪靚好多呢
舊城區與Narikala Fortress
hi 又見到你舉手 係咪有嘢問
今日天氣非常之好 好似係我睇咁耐旅行最好嘅一日
因為萬裡無雲之外 個天空好清
一啲模糊嘅感覺都冇
同埋唔算好大風 所以纜車有開
橫跨Kura河
上到嚟又見到女神
可惜女神唔理我 淨係掛住睇山下嘅風景
完美天氣
舊城區 纜車 電視塔
疾走琴日嘅路線
又上咗去Narikala Fortress
跟住又沿著同一條路返去
琴日導遊有講
話說喺中東 雖然同為伊斯蘭教
但係遜尼派同什葉派嘅教徒就好似仇人一樣
但係喺呢度佢哋可以和睦共處 甚至共用一個清真寺
本來呢度什葉派同遜尼派嘅伊斯蘭教徒
係喺兩間唔同嘅清真寺度做禮拜
但係到咗蘇聯時代 什葉派嘅清真寺畀人摧毀咗
體諒到什葉派嘅人冇地方做禮拜 所以遜尼派嘅人就開放呢個清真寺
大家一齊用
呢個亦都係世上少有嘅共用清真寺
你可以想像 類似利物浦同曼聯球迷喺同一間酒吧睇波咁樣
之後睇睇日光下嘅瀑布
又食咗支紅酒雪糕
都係咁好食
琴晚用facebook book咗間sulfer bath
但係佢冇回覆
今日去到 原來佢真係冇幫我book到
得閒畀四人用嘅房 一個鐘成為六百蚊港幣
是但 橫店最後一日 重book埋個按摩
間房真係好大 有個更衣室 冷水池 溫泉 廁所 仲有個私人桑拿房
如果有幾個人share都幾抵
不斷浸熱水凍水焗桑拿 係咁循環
加埋個按摩 係幾正嘅
不過最重要都係感受下呢度傳統文化
去完個sulfur bath就去遊船河
冇曬本地貨幣 用盡我僅有 包括一蚊美金 十蚊土耳其幣
好似仲有啲港幣 湊夠50蚊港幣 去咗半粒鐘遊船河
又係Metekhi St. Virgin Church
其實呢個河谷都幾靚
喺橋底穿插
之後再經過一part好殘嘅舊城區
去最尾最尾一個景點
呢度可能先係真正的舊城區
好有本地人咁講
呢個係市中心嘅一個商場
你當佢係格魯吉亞太古廣場
最後嘅景點
KFC!!!!
我仲期待佢有冇奶油雞醬 點知冇
食食下DHL負責人又打過嚟
到咗果日為止 我仲未攞到個航拍機
同佢講叫佢直接寄返香港 點知原來寄香港要有通訊產品入境許可證
以為好大鑊 點知返到香港之後 原來好易申請到
申請完之後 佢有同我講寄唔到返香港
搞咗好耐 終於我搵咗個比較大粒嘅人 搞下搞下
隔咗兩個月 終於收得番個航拍機
雖然冇得喺格魯吉亞用 不過唔使買多部 都算係咁啦
再見啦格魯吉亞
再見啦St George
好有left 4 dead嘅感覺
返到去hostel
準備出發去機場嗰陣 先發覺唔記得寄明信片
又要行落山
好彩喺下面有呢部嘢 用我僅餘嘅結餘
玩埋最後一次
終於要搭上歸家之路
我記得呢個IG post呢張相嗰陣嘅caption
"終於要回到一個有肺炎嘅世界"
真係再見啦
