[有圖少字]中亞高加索5個星期遊記

喺，所以由北高加索去，即係由索契去，會方便啲
同埋依家敏感時期，同烏克蘭打緊仗，廢事去

我睇人哋啲blog，有啲day tour都喺坐旅遊巴，臨入到泥火山段路轉架爛鬼的士車佢哋入去

我反而concern自己去揾唔揾到啲大嘅泥火山？應該都幾難揾
Join day tour個價好似同租車差唔多

係law 最麻煩係去左入唔到georgia

係呀 去到景區門口坐的士入去好d
搵就唔難 但始終都係有熟人帶好d

有冇D國家去完真係好悶/冇野睇咁？

感覺葉里溫治安如何？

如果你連續去幾個月旅行，係會睇景點睇到麻木
會覺得悶
不過依個唔係個國家嘅問題，純粹係個人問題

因為好多細國都有倒此一遊feel

15-07-2022 Day 29 Garni Geghard Sevan

一帶一路影響


今日朝早開咗團去睇兩個修道院
來到亞美尼亞有大量修道院要睇


去緊第一個景點嘅途中 原來仲有第一個景點
The Arch of Charents 冇人嗰陣應該幾靚
後面就可以隱約睇到Mount Ararat 之後再介紹呢個山


第一個重點 Temple of Garni 係亞美尼亞絕無僅有嘅 Pre基督教神殿
亦都係絕無僅有嘅Pagan temple 代表咗亞美尼亞接受基督教前嘅時代


唔講建築後面個山都幾靚


呢個神殿係差唔多2000年起 係希臘式建築


仲有個花園


呢個水機都靚過人


第二個重點係Geghard修道院
外觀唔係話好特別


但係最特別係入面嘅雕刻


祈求天父做十分鐘好人


入面啲雕刻真係幾靚


嚟多張十字架


呢個修道院亦都係世界遺產


點點燭光


啲字都雕刻得好工整


臨走前影多張


lunch係食Lavash 一種傳統亞美尼亞麵包 仲有得睇佢整

熱辣辣家 加勁多芝士 係幾好食嘅


老闆收藏


返咗去首都之後 又call咗的士去Lake Sevan
呢個地方都係我其中一個重點想去嘅地方


上面兩個修道院


無端端畀人搵我影相 好似當年土耳其咁


可惜應該朝頭早嚟 因為晏晝係逆光


修道院入面就冇乜特別


今朝睇咗修道院加山 晏晝睇修道院加湖


一直行落去點知係軍事禁區


唔敢再行


如果呢個景順光應該幾靚


來一張剪影


經典相片


臨走前走落個湖邊度睇一睇


跟住就趕返去首都食飯
話說今日個中國大媽今朝喺個湖度認識咗個香港女仔
但係佢係加拿大住 因為返工返到好厭 所以辭咗職
又去一個冇限期嘅旅行 咁啱今日就撞到中國大媽
佢又好有興趣想知我中亞嘅行程
結果三個講廣東話 住喺唔同國家嘅人
就喺亞美尼亞一齊食飯傾偈
呢啲算唔算緣分


最後食咗個巨型拿破崙
之後就要book車 去後日唔同景點
好彩中國大媽識俄文 幫我問咗好耐
原來佢琴日book車都唔小心book咗兩架
用咗好耐時間先搞掂

我最長試過去兩個半月
去到一個半月到已經覺得好攰
因為你成日一起身就要諗去邊又要換住宿
每日一樣 就算係去緊旅行都會覺得悶

好好喎 同埋夜晚都好多人
感覺前蘇聯國家啲治安都唔錯

都係，但有D野唔後生做，人大左就唔會做

遊客多嘅地方就治安比較差
之前去愛沙尼亞塔林同烏克蘭基輔響遊客區，都中過跌錢黨&俾人偷過嘢

無錯
我早5年都重會住hostel
3年前已經唔會再住，只住酒店
宜家直情去親旅行都只想自駕，唔想同人迫車
人大咗，旅行方式都一定會改變

依樣真
經驗之談
一個半月已經好攰

Tallinn都有人偷嘢

響塔林old town，我行到一條無人行緊嘅小路，我睇尾望到有兩個人原本一齊行緊，然後分別響我左邊同右邊經過
果刻我個人已經alert咗，然後full到我個背囊震咗下，然後我擰轉頭，果2條友即刻走咗入間舖頭度，跟住我就見到個背囊最細果格被打開咗
我背囊入面其實乜貴重嘢都無擺，所以我先咁放心孭響後面

15-07-2022 Day 30 Tatev Areni

今日係嚟到亞美尼亞嘅第三日
又係跟團嘅日子
今日又係去睇修道院 不過就係一個好遠嘅修道院
朝早又係呢個階梯度集合咗先


影緊狗狗嗰陣 啦啦佢阿媽叫我影埋佢


又係你 mount ararat


我報團嗰陣都唔知道原來咁鬼遠
成二百幾公里 坐咗四個幾鐘車先到
一落車係一個好靚嘅觀景台


今個修道院特別之處係可以 坐纜車橫跨山谷
呢個纜車賣點係全世界最長嘅纜車
但係我搵極都搵唔到source 同埋坐嘅時間一定少過昂坪360
所以可能係最長嘅某一種特別嘅纜車


anyway個風景係好靚


去到等咗一陣就有車
佢話呢個纜車嘅收入係咪攞嚟維修之後會睇嘅修道院
搭纜車途中會有介紹係一個幾有誠意嘅景點


其實唔坐纜車 坐旅遊巴行下面嗰個九曲十三彎都好似幾正


Tatev monastary起喺一個山崖上面
建於九世紀


亞美尼亞教會嘅教堂 都非常工整


亞美尼亞萬神殿


好似有山路可以行到去個村莊仔


修復得咁靚睇嚟嗰個纜車都幾多人搭


又係畀人認相機唔認人
無啦啦又叫我幫佢影相


亞美尼亞教堂標配


睇十字架唔係重點 最重要係呢度有冷氣


呢個修道院係我暫時喺亞美尼亞睇過幾個最靚嘅
大德麗有幾公正


close up

聽導遊解釋完我哋都係得半個鐘去遊覽呢個修道院
又要趕趕趕 不過咁遠都可以day trip都算係咁
個團費都係五百零蚊


睇咗一陣又要走
因為而家喺正午嘅關係所以都幾熱


上到嚟山上面都係影唔到靚景


原來呢個先係最靚嘅view point 可惜要行30分鐘上山
如果唔係我臨尾先發現 我會跑上去影


匆匆離開跟住去食lunch
中間好似柱侯牛腩咁
不過味道麻麻


食完lunch原來仲有一個景點
無啦啦有個收費亭


呢堆亂石就係人稱亞美尼亞巨石陣
都應該有幾千年歷史 因為考古學家認為呢度嘅歷史可以追朔到青銅時代


石上面有好多窿
啲人估計係用嚟夜晚觀星
所以呢個可能係一個天文台
或者係一個墓地 因為石堆中間有一個石做嘅房


導遊講解完之後就走咗去好遠

話說我成車都係俄羅斯人 韋恩我聽唔明俄文
所以要麻煩導遊所有嘢都講兩次


唔講啲石呢度啲風景都幾靚


臨走影多張


架旅遊巴都幾colorful


最後一站就係去Areni釀酒廠
喺Yerevan free walking tour嘅導遊都有講 其實亞美尼亞釀酒都好有歷史
聽佢講都有五六千年
只不過係蘇聯時代計劃經濟 史泰樓月決定亞美尼亞釀白蘭地 而格魯吉亞讓紅白酒
所以先定亞美尼亞釀嘅紅白酒冇咁出名


對比起歐洲嘅釀酒廠呢度有工廠feel


個團仲包試酒
仲有可以參觀酒廠
又係因為我聽唔明我羅斯文嘅關係
所以我有一個專人嘅tour

喺等酒廠職員嗰陣
都有同我講返阿塞拜疆同阿美利亞之間嘅戰爭
事實就係 本身爭奪嗰個地區 亞美尼亞人係多啲嘅 但係又唔係多好多
但係蘇聯有畀咗阿塞拜疆
之後公投同阿塞拜疆獨立 梗係過到
當亞美尼亞人得勢嘅時候 就趕絕阿塞拜疆人
幫阿塞拜疆人得勢嘅時候 就趕絕亞美尼亞人
所以邊個啱邊個錯 有時真係好難定斷
唯有邊個拳頭大 邊個就啱


最後買咗支Rose
買完先記得我仲要返返格魯吉亞


Hin Areni Winery係呢度其中一個最出名嘅酒廠


下午茶


返到去hostel冇約人
隊咗個杯麵加朱古力做晚餐

我好少少
對比起11年前第一次去歐洲
我仲係會住hostel
仲係可以share廁所
係唔可以share房
同埋會搭多咗的士

而家原來波羅的海三國治安都差咗
嗰陣夜晚行禮行去都唔覺得唔安全

唔知有冇人記得我喺哈薩克寄過呢隻嘢
卡咗咁耐關 搞咗咁多嘢 終於攞得返
仲以為在冇機會見返佢

推！

9年前嘅事，唔係宜家了

佢真係影到Dubrovnik超靚

我幾乎玩過晒成個歐洲，最令人失望嘅國家一定喺克羅地亞
相比起Dubrovnik，我比較鍾意Pula，所有景點同羅馬嘅都好似(鬥獸場，神殿，凱旋門，etc)，只係迷你版，但重點喺無乜遊客，影相好方便