23-06-2022 Day 7 Samarkand, Uzbekistan
第二朝一早喺個好chill嘅courtyard入面食早餐 呢間hostel幾好 主人好好人 家庭式經營 跟住又近最主要景點
食完早餐就即刻搶閘出去首先要去搵sim卡 一出去就見到藍頂清真寺 係我想去中亞嘅原因 有啲感動
行去市集買sim卡嘅途中見到呢個Bibi-Khanym Mosque 好似係撒馬爾罕最大嘅清真寺 亦都係帖木兒 (Timur)時代建築嘅masterpiece
嗰個係有層次嘅藍頂 上面嘅馬賽克 加埋一齊真係世界級 令我諗起aoe 2 the last khan中亞系列建築 帝王時代嘅town Centre
入咗去參觀 點知要攞相機影相要加錢 加嘅錢仲貴過張入場飛 喊出嚟
不過其實 呢度啲建築睇落咁新係因為蘇聯時代好多文物都restore過 你都可以話佢唔係原本咁樣 不過佢都係根據文獻黎restore
跟住就去中亞最靚嘅廣場 亦都係我一見到就想去中亞嘅原因 Registan
諗咗好耐而家個陽光 太猛烈唔係最靚 入唔入好 最後都係畀錢入咗去先
唔好以為而家係正午 其實我已經特登早起咗身而家以只不過係十點幾 個太陽已經勁到痴線差唔多40度
入去嗰陣時 再加錢包埋導遊
registan由三個伊斯蘭學院加一個清真寺組成 呢度伊斯蘭嘅學院叫做madrasah
三個唔同嘅學院喺唔同時期起
你行到入面就會見到一個個拱頂 嗰啲其實以前係課室嚟 而家變曬做手信店
所以有啲人都唔鍾意烏茲別克嘅景點 因為全部入面都塞滿手信店成個商場咁
入到去清真寺 導遊講咗個好有趣嘅冷知識 你見到呢個頂其實係平嘅
佢係用壁畫令到你有覺得佢係一個圓頂嘅錯覺 喺蘇聯restore之前
其實呢個清真寺個頂係平嘅 係restore咗之後先加咗個洋蔥藍頂
跟住又周圍睇下啲學院
你見唔見到左邊個藍頂 其實係假狗黎
我發覺加個框去影相好適合呢度
跟住影多幾張 就去下一個景點
去帖木兒嘅墓地途中有呢個不知名墓地
嚟呢度之前 帖木兒畀我唯一嘅印象係aoe入面嗰隻蒙古突騎 但係佢喺14世紀曾經建立咗一個橫跨歐亞嘅帝國 佢亦都係烏茲別克人嘅驕傲
不過唔好好似我咁 撈亂曬鐵木真成吉思汗嗰啲 果啲係蒙古 成吉思汗死咗之後蒙古帝國分成幾個部分 帖木兒嘅出生地就係其中一個汗國
既然係一個咁偉大嘅國王 佢個墓梗係唔係少嘢啦
喺入面抖咗陣涼又出發
之後去Ulugh Beg Observatory 一個好出名嘅天文台 Ulugh Beg係帖木兒嘅孫 佢喺天文科學嘅成就都好大
呢個天文台 亦都係aoe2韃靼人嘅世界奇觀 雖然而家淨番個遺址
入面呢個就係攞嚟觀察天文 印度嘅Jaipur都有類似嘅嘢
呢個係天文台本來嘅樣
睇完天文台熱到一個點 搵咗間local餐廳食嘢 嘢食唔錯又平同埋啲local都真係會嚟
食完又出發去一個好出名嘅打卡地方中間見到呢個唔知係乜
經過墓地 其實入面幾安詳
之後去呢個景點叫做 Shah-i-Zinda 係一啲國王嘅陵墓 所以入面有一間間建築排成一排 所以好易就可以影到一啲好靚嘅打卡相
只要有拱門就可以襯托出主角
盡頭有三個陵墓相對住
又係拱門
第二個角度
好多detail嘅馬賽克
隨便都可以係一個打卡點
一排排嘅陵墓相對 真係鍾意打卡嘅可以喺度影好耐
呢個位又係唔錯 途中食咗對俄羅斯嘅老夫婦 之後喺布哈拉有撞返
影到日落時分就返去 途中見到夕陽光線下嘅Bibi-Khanym Mosque
來到Registan梗係要影下夜景
由八點影到十點
中間識咗個烏茲別克導遊 佢有畀啲相我睇 佢啲相都影得好靚仲要係用kit lens 搞到我有啲慚愧因為我一開始就問佢用咩器材
佢就答返我影得靚唔需要有咩器材最緊要你有構圖
喊出嚟
it's not about the plane it's the pilot