17-07-2022 Day 31 Khor Virap Vagharshapat Yerevan
不經不覺 黎咗亞美尼亞已經4日
今日係最後一日
前日因為中國大媽幫手 所以可以book到車
今日一早就出發
今日亦都約咗住加拿大嗰個香港女仔一齊行
大家share車費
去我心目中亞美尼亞嘅經典場面
Khor Virap Monastery
本來第一日來到亞美尼亞就想嚟呢度
但係第一日去到個天空好Hazy
所以都係搵咗第二日 一早嚟到
個停車場離開最靚嗰個影相位有段距離
所以一落車香港女仔就上咗去遊個修道院
我就行咗去影相位
就係呢個經典場面吸引咗我來亞美尼亞
時間修道院最早歷史可以追朔到七世紀 距離土耳其邊境非常近
不過歷史都唔重要 最重要係有一個修道院
以亞美尼亞人嘅聖山 Mount Ararat 作背景
呢個聖山喺我呢個旅程度出現過好多次
包括有烏茲別克飛去伊斯坦堡嗰程機
今次係最近嘅一次
Mount Ararat相傳係挪亞方舟擱淺之處
因為佢嘅基督教意義 亦都係佢係呢個地區附近最高嘅山
呢個山一直都係亞美尼亞人心目中嘅聖山
諷刺嘅係蘇聯時代 蘇聯將聖山嘅所在地割讓咗畀土耳其
一個曾經屠殺過亞美尼亞人嘅國家
從此亞美尼亞人就只可以遠望聖山
因為呢個地方係差唔多最近Mount Ararat
所以有好多人選擇埋葬喺度
影完相就上去參觀過修道院
一睇呢啲板就知道係亞美尼亞教堂
上到山頂回望返Khor Virap
聖山與國旗
因為得個半鐘時間 (本來司機話畀我哋九個字only 但我堅持個半鐘)
影完相都冇咩時間 所以只可以匆匆一遊
點點燭光
撇除地點 唔算話好特別嘅修道院
完咗之後我哋就去咗第二個城市Vagharshapat
去睇Etchmiadzin cathedral
聽聞呢個係世上最古老嘅教堂
點知去到司機話彼得我哋九個字 仲要企到好硬
頂佢包車都要限時間
唯有狗衝入去
本來過香港女仔係同佢男朋友一齊嚟
點知佢哋途中嗌交 搞到嘥曬啲時間
本來佢諗住用一日行呢個城市 點知而家淨返九個字
又係石板
本來想入個主教堂 點知裝修緊
隔離有個教堂仔睇一睇
呢個就係Etchmiadzin cathedral
可惜入唔到
跟住之後上去睇一樣好特別嘅嘢
行下行下先發覺行錯路
行咗好耐先搵到
時間仲要淨返三個字
仲要一定跟團入去 因為呢個係一個私人藏品博物館
好彩職員知我趕時間 好快帶咗我入去
就係想睇呢個
自帶bgm聖物
朗基努斯之槍
世上稱為朗基努斯之槍既有幾個
其中一個就喺亞美尼亞
本來呢支槍係收藏喺前日去嘅Geghard Monastery
Geghard Monastery亞美尼亞文嘅意思係Monastery of spear
前日聽到有講嗰陣已經好想睇到呢支槍 點知原來輾轉去咗呢個私人博物館
好彩最終都睇到
呢個私人博物館 仲有其他好出名嘅藏品
例如據說係挪亞方舟嘅木頭
不過因為時間有限就冇睇到
最後一個包車去睇嘅景點
係Zvartnots Cathedral
建築自七世紀 曾經係一個獨有風格嘅亞美尼亞教堂
可惜咁多年之後已經變咗一片頹垣敗瓦
呢個就係嗰個教堂原本嘅樣
正午太熱所以冇乜心機行
本來司機畀咗我哋九個字 我哋行咗半個鐘頭返去
返到Yerevan就搵咗間餐廳食
呢個餐廳同前日我哋食嗰個一樣
有個yeremyanprojects嘅hash tag
應該都係好食嘅嘢 因為夜晚係好難搵到位
呢個好似小籠包嘅嘢叫做Khinkali
其實係格魯吉亞菜黎
佢真係好似小籠包 因為入面系滿晒湯
食8係揸住上面粒的 咬下面 (非咸故) 上面粒的係唔食嘅
本身已經好好食 炸咗仲好食 我覺得好食過我喺格魯吉亞食嘅
食完之後香港女仔就搭車返去Tbilisi
佢本來諗住搭飛機 點知班機取消咗
我就去咗歷史博物館睇 可惜裝修緊 得好少嘢開放
呢支PPSh-41我打battlefield 1942嗰陣都用過